სამხრეთ აფრიკელი ექიმების დაკვირვებით, ომიკორნით გამოწვეული დაავადება მოსალოდნელზე ნაკლები სიმძიმისაა
მიუხედავად მეცნიერების განცხადებისა, რომ მონაცემების შესასწავლად და საბოლოო დასკვნების გასაკეთებლად საჭიროა უფრ მეტ დრო, სამხრეთ აფრიკის ჯანდაცვის მინისტრმა, ჯო ფაალმა განაცხადა, რომ დაავადების სიმძიმესთან დაკავშირებით მონაცემები პოზიტიურია.
საავადმყოფოებიდან მიღებული ცნობების თანახმად COVID-19-ის შტამით დაავადებულთა რაოდენობა სწრაფად იზრდება, მაგრამ სიკვდილის შემთხვევები არ აღრიცხულა და ასევე, დამაიმედებელია საავადმყოფოებში პაციენტების ყოფნის ხანგრძლივობაც. ინფექციური დაავადებების ეროვნული ინსტიტუტის მონაცემების თანახმად, კორონავირუსის ახალი ვარიანტით სამხრეთ აფრიკაში ყოველდღიურად 20 000 ადამიანი ინფიცირდება, თუმცა ყოველდღიურად გარდაცვალებულთა რაოდენობა მხოლოდ 20 ადამიანია.
კორონავირუსის ახალი შტამი პირველად სამხრეთ აფრიკაში ნოემბრის დასაწყისში აღმოაჩინეს. სპეციალისტები მიიჩნევენ, რომ ის შესაძლოა საფრთხეს წარმოადგენდეს, ვინაიდან ბევრად უფრო სწრაფად ვრცელდება, ვიდრე წინა ვარიანტები და დიდი რაოდენობით მუტაციას შეიცავს. მაგრამ ჯერჯერობით ლაპარაკია წინასწარ დასკვნებზე.
მინიმუმ 50- ქვეყანაში, მათ შორის აშშ-ში და ევროკავშირის რამდენიმე წევრში, გამოვლინდა „ომიკრონით“ ინფიცირების რამდენიმე ასეული შემთხვევა.