ავღანეთში აშშ-ის ინტერესების წარმომადგენელი ყატარი იქნება
შეთანხმება შეიძლება იყოს ვაშინგტონსა და ქაბულს შორის პირდაპირი ურთიერთქმედების ნიშანი. ავღანეთის მთავრობა, რომელსაც თალიბანი მეთაურობს, ხელისუფლებაში მოვიდა აშშ-ის ჯარების ქვეყნიდან გასვლის და დასავლეთის მხარდაჭერით მოქმედი მთავრობის განდევნის შემდეგ.
წყაროს ცნობით, 12 ნოემბერს ყატარი და აშშ ხელს აწერენ დოკუმენტს, რომლის თანახმად, ყატარი იქნება სახელმწიფო, „რომელიც დაიცავს აშშ-ის ინტერესებს და ხელს შეუწყობს მოლაპარაკებებს, რომლებიც გართულებულია იმის გამო, რომ აშშ და სხვა ქვეყნები არ აღიარებენ თალიბანის მთავრობას“. „როგორც დამცველი ძალა, ყატარი დაეხმარება აშშ-ს შეზღუდული საკონსულო მომსახურეობის აღსრულებაში ჩვენი მოქალაქეებისთვის და აშშ-ის ინტერესების დაცვაში ავღანეთში“, - უთხრა Reuters-ს სახელმწიფო დეპარტამენტის წარმომადგენელმა.
ეს სახელმწიფოები განსაკუთრებით კრიტიკული არიან თალიბანის მიმართ, რადგან რადიკალური გაერთიანება აშკარად ამბობს უარს შეასრულოს ნაკისრი ვალდებულება პოლიტიკის სფეროში, ასევე ეთნიკური „ჩართულობის“ მხრივ, ისევე როგორც ქალების და უმცირესობების მიმართ სასტიკი მოპყრობის გამო. ამავე ცნობით, ყატარში დადებულ იქნა შეთანხმება რისკის ჯგუფში მყოფი რვა ათასამდე ავღანელის დროებით ყატარში, ას-საილიას და ავიაბაზის, ალ-უდეიდის მახლობლად მდებარე ბანაკებში განთავსების შესახებ. ავღანელების ამ ჯგუფმა აშშ-ის საგანგებო საიმიგრაციო ვიზები მოითხოვა.