ავიაკომპანიები ბელარუსისკენ მიგრანტების ნაკადის შენელებას ცდილობენ კრიზისის ფონზე
ბელარუსის სახელმწიფო ავიაკომპანია „ბელავიასთან“ ერთად, „თურქულმა ავიახაზებმა და „ირანის ავიახაზებმა“ 12 ნოემბერს განაცხადეს, რომ მიგრანტებს ხელს შეუშლიან ბელარუსში ჩასვლაში.
დასავლეთის სახელმწიფოებმა გაეროში გაკიცხეს მინსკი თავისი პოლიტიკისთვის, რომლის შედეგადაც მიგრანტები ხაფარგში აღმოჩნდნენ ბელარუსის და პოლონეთის საზღვარზე, რაც, ევროკავშირის აზრით, წარმოადგენს შურისძიებას ბრიუსელის მიმართ, რომელმაც სანქციები დაუწესა ლეკაშენკას რეპრესიულ რეჟიმს. ბელარუსის ოპოზიცია თვლის, რომ შარშანდელი აგვისტოს არჩევნები გაყალბდა და ისინი, დასავლეთის სახელმწფოებთან ერთად, არ აღიარებენ ლუკაშენკას ქვეყნის პრეზიდენტად, რის გამოც ბელარუსში თვეების განმავლობაში იმართებოდა მასობრივი გამოსვლები. რეჟიმმა სასტიკი რეპრესიებით უპასუხა გამოსვლებს.
ევროკავშირის კომისიის წარმომადგნელმა განაცხადა, რომ ავიაკომპანიებთან კონტაქტები უკვე შედეგს იძლევა.
ავიაკომპანიების ნაბიჯი, შეაჩერონ ზოგიერთი რეისი მინსკში და არ გაყიდონ ბილეთები ერთი მიმართულებით, გადაიდგა მას მერე, რაც ბელარუსის ხელისუფლებამ განაცხადა, რომ კიდევ 100-მდე მიგრანტი გაემართა იმპროვიზებული ბანაკისკენ პოლონეთის საზღვართან. ბელარუსის არასამთავრობო ორგანიზაციის ინორმაციით, სამი მიგრანტი ერაყიდან და სირიიდან ძალადობრივი ძარცვის მსხვერპლი გახდა.
გასული თვეების განმავალობაში ათასობით მიგრანტი შეეცადა გადაეკვეთა საზღვარი. კრიზისმა კულმინაციას მიაღწია 8 ნოემბერს, როცა მიგრანტების ჯგუფი შეეცადა საზღვრის ძალით გადალახვას და ისინი პოლონელმა მესაზღვრეებმა მოიგერიეს.
ევროკავშირის 27 წევრი ქვეყნის ელჩები 10 ნოემბერს შეთანხმდნენ, რომ ვითარება იძლევა მინსკისთვის ახალი საქციების დაწესების სამართლებრივ საფუძველს.
ევროკავშირის ლიდერები მინსკს ბრალად სდებენ, რომ ის იზიდავს მიგრანტებს ქვეყნებიდან, სადაც ომებია ან ღარიბი სახელმწიფოებიდან და შემდეგ განზრახ თავს უყრის მათ პოლონეთის საზღვართან, რათა ქაოსი წარმოქმნას ბლოკის აღმოსავლეთ კიდეზე.
ევროკავშირის მორიგი სანქციების პასუხად, ბელარუსის ფაქტობრივი მმართველი, ალიაქსანდრ ლუკაშენკა, რომელსაც მსოფლიოს მრავალი ქვეყანა არ ცნობს ლეგიტიმურ ლიდერად, ევროკავშირს მისი ტერიტორიის გავლით ბუნებრივი აირისა და ტვირთების ტრანზიტის შეწყვეტით დაემუქრა.