ენმ-ის მხარდამჭერი ამბობს, რომ რუსთავის #12 დაწესებულებასთან თავს დაესხნენ
„ნაციონალური მოძრაობის" მხარდამჭერი გიორგი ბალხამიშვილი ამბობს, რომ მას თავს სამი პირი დაესხა, რუსთავის #12 პენიტენიურ დაწესებულებასთან ოპოზიციის აქციის შემდეგ.
ბალხამიშვილი ამბობს, რომ აქციიდან წამოსულს სამი ადამიანი აედევნა და როცა ციხის ტერიტორიას გასცდა, 400-500 მეტრით, მას უკნიდან თავს დაესხნენ.
„მირტყამდნენ სახეში და ტანზე, ხელებით და ფეხებით", - თქვა ბალხამიშვილმა, რომელსაც სახის არეში დაზიანებები აქვს. მისივე თქმით, პოლიცია იქვე იდგა, თავდამსხმელებს გაეკიდა, მაგრამ „მგონი ვერ დაიაჭირა".
ბალხამიშვილის თქმით, მან ერთ-ერთი თავდამსხმელი ამოიცნო, რომელიც სოციალურც ქსელში ემუქრებოდა, ოპოზიციური აზრის გამოხატვისთვის. ინციდენტის ადგილზე პოლიციამ ოქმი შეადგინა, ბალხამიშვილი კი საავადმყოფოში გადაიყვანა.