ათობით ადამიანი დაიღუპა ავღანეთში შიიტურ მეჩეთში მომხდარი აფეთქების შედეგად
ყუნდუზის პროვინციის ცენტრალური საავადმყოფოს ანონიმმა წყარომ მედიას აცნობა, რომ საავადმყოფოში მიიტანეს 35 დაღუპულის ცხედარი. კიდევ 15 დაღუპულია დასვენებული საავადმყოფოში, რომელიც ეკუთვნის საერთაშორისო ორგანიზაციას "ექიმები უსაზღვრებოდ". 50-ზე მეტი დაჭრილია გადაყვანილი ადგილობრივ სამკურნალო დაწესებულებებში.
ყუნდუზში მომხდარ თავდასხმაზე პასუხისმგებლობა ამ დრომდე არც ერთ დაჯგუფებას არ აუღია.
ეს არის ყველაზე სისხლიანი ტერაქტი მას შემდეგ, რაც ავღანეთში ხელისუფლების დამხობის შემდეგ აგვისტოს ბოლოს ძალაუფლება ხელში აიღო ექსტრემისტულმა დაჯგუფება თალიბანმა, რომელიც ქვეყნის მასშტაბით კვლავ აწყდება შეიარაღებულ წინააღმდეგობას.