პუტინმა სახელმწიფო დუმაში მოხვედრილი პარტიების ლიდერებთან ვიდეოკონფერენცია გამართა
მერვე მოწვევის სახელმწიფო დუმის სპიკერად პუტინმა დაასახელა ვიაჩესლავ ვოლოდინის კანდიდატურა. გარდა ამისა, მან დეპუტატების წინაშე მდგარ რამდენიმე ამოცანაზე ისაუბრა. მათ შორისაა სიღატაკის წინააღმდეგ ბრძოლა, ჯანდაცვისა და განათლების დონის ამაღლება.
შეხვედრის წინ რუსეთის კომპარტიის ლიდერმა გენადი ზიუგანოვმა ჟურნალისტებს უთხრა, რომ ჩავლილი არჩევნების კრიტიკას აპირებს. მაგრამ პუტინთან შეხვედრაზე მას ბევრი არ ულაპარაკია. მან რუსეთის წინაშე მდგარ მთავარ პრობლემად მოსახლეობის კლება დაასახელა.
ლიბერალურ-დემოკრატიული პარტიის ლიდერმა ვლადიმირ ჟირინოვსკიმ თავის გამოსვლაში წამოაყენა წინადადება, ყველა, ვინც 25 სექტემბერს პუშკინის მოედანზე არასანქცირებულ მიტინგში მიიღო მონაწილეობა, მაგადანში გაიგზავნოს „გადასახლებაში“.