ჰონგ-კონგში დაიშალა დემოკრატიულ ძალთა ალიანსი
ჩინეთში დემოკრატიული მოძრაობის მხარდამჭერ ჰონგ-კონგის ალიანსში ორგანიზაციის დაშლა გადაწყვიტეს. გადაწყვეტილებას 41-მა ადამიანმა დაუჭირა მხარი ოთხის წინააღმდეგ.
ეს ორგანიზაცია ყოველ წელს მართავდა პიკეტებს 1989 წელს პეკინის ტიანანმენის მოედანზე დაღუპულთა ხსოვნის პატივსაცემად. მაშინ ჩინეთის სახალხო-განმათავისუფლებელმა არმიამ ცეცხლსასროლი იარაღი და ჯავშანტექნიკა გამოიყენა მიტინგის დასაშლელად. სხვადასხვა მონაცემით, რამდენიმე ასეულიდან რამდენიმე ათასამდე ადამიანი დაიღუპა.
აგვისტოში პოლიციამ განაცხადა, რომ ჰონგ-კონგის ალიანსის წინააღმდეგ მიმდინარეობს გამოძიება. ისინი ეჭვმიტანილი არიან უცხო ქვეყნებისთვის მუშაობაში.
2020 წელს ჩინეთის მმართველმა კომუნისტურმა პარტიამ ეროვნული უსაფრთხოების ახალი კანონი მიიღო. კანონი ზღუდავს სიტყვის თავისუფლებას და საფრთხეს უქმნის ოპოზიციური პარტიების მუშაობას. ამის შემდეგ რამდენიმე არაკომერციულმა სამოქალაქო ორგანიზაციამ დაშლის შესახებ გამოაცხადა. დაპატიმრებულია 100-ზე მეტი აქტივისტი, მათ შორის არიან ჰონგ-კონგის ალიანსის ლიდერები.