კოსოვოს პოლიციის ცნობით, სერბებით დასახლებულ რეგიონში თავს დაესხნენ შსს ორ ოფისს
ქალაქ ზუბინში ცეცხლი წაუკიდეს შინაგან საქმეთა სამინისტროს ავტომანქანების რეგისტრაციის ცენტრს, ნათქვამია კოსოვოს პოლიციის განცხადებაში. ხელისუფლების თანახმად, ცეცხლმა დააზიანა შენობის პირველი სართული.
მეზობელ ქალაქ ზვეჩანში ორი ხელყუმბარა ესროლეს სამოქალაქო რეგისტრაციის ცენტრს, რომელიც მუნიციპალური ასამბლეის შენობაში მდებარეობს. მაგრამ, ხელისუფლების თანახმად, ისინი არ აფეთქებულა.
კოსოვოს პრემიერ-მინისტრმა ალბინ კურტიმ თქვა, რომ ორივე თავდასხმა განზრახ განხორციელდა და მან სერბეთს დასდო ბრალი კოსოვოს სახელმწიფოზე თავდასხმებისკენ „შეგულიანებასა და მხარდაჭერაში“.
„სერბეთი კოსოვოს მოქალაქეებს იყენებს სერიოზული საერთაშორისო კონფლიქტის პროვოცირებისთვის,“ განაცხადა კურტიმ.