თუშეთში ჩარჩენილი მოქალაქეების ნაწილი უკვე ევაკუირებულია
"შსს მინისტრის გადაწყვეტილებით, ომალოდან მოქალაქეების ევაკუაციის მიზნით საგანგებო სიტუაციების მართვის სამსახურმა დაგეგმა სპეციალური ღონისძიება, დილიდანვე პროცესში ჩაერთო განსაკუთრებულ სიტუაციებზე რეაგირების სამმართველო და სასაზღვრო პოლიციის 2 ვერტმფრენი", - განუცხადეს რადიო თავისუფლებას საგანგებო სიტუაციების მართვის სამსახურში.
ფშაველი-აბანო-ომალოს დამაკავშირებელი საავტომობილო გზის რამდენიმე მონაკვეთზე მეწყრული პროცესები 2 დღის წინ დაიწყო, რის გამოც თუშეთში ჩასულმა ტურისტებმა უკან დაბრუნება ვეღარ შეძლეს.
ამ დროისთვის გრძელდება ევაკუაციის პროცესი, ვერტმფრენების საშუალებით 100-მდე ადამიანის ჩამოყვანა იგეგმება.