„ვინც მისმენს, კარგად მოისმინოს“ - გავრცელებულ ჩანაწერებში მოსაუბრეებს ეჭვი აქვთ, რომ უსმენენ
12 სექტემბერს ინკოგნიტო წყაროს მიერ გავრცელებულ ათასობით საუბრის ჩანაწერში, რომელიც წყაროს მტკიცებით სახელმწიფო უშიშროების სამსახურის საეკლესიო პირებზე მიყურადების და თვალთვალის შედეგად შექმნილი დოკუმენტებია, სულ მცირე 12 სხვადასხვა მოსაუბრე აღნიშნავს, რომ იცის, თავის სატელეფონო საუბრებს რომ უსმენენ.
11 შემთხვევა, როდესაც მოსაუბრეები ახსენებენ, რომ მათ უსმენენ
შენიშვნა: რედაქციის გადაწყვეტილებით, საუბრის ჩანაწერის ტექსტებიდან, რომლის ნაწილის ავთენტიკურობის მხოლოდ ირიბი მტკიცებულებები არსებობს, იმ მოსაუბრეთა სახელი და გვარი, რომლებიც არ არიან საჯარო პირები, ამოღებულია.
1.
მ/წ 27 მაისს, მარნეული-ჰუჯაბის ეპისკოპოსმა გიორგი ჯამდელანმა, თავის მრევლის წევრთან [მინიშნებულია სახელი, გვარი და პირადი ნომერი] საუბრისას განაცხადა შემდეგი - ,,ვიცი რომ მისმენენ და პირდაპირ ვაცხადებ, გარეჯის დათმობა და ამათი მთავრობიდან წასვლა ერთი იქნება, აქ კიდევ საერთოდ აზერბაიჯანელი მერიდაგვასვეს, ამათ საერთოდ ღირსება სად აქვთ?”.
2.
ზესტაფონის ეპისკოპოსმა მელქისედეკ ხაჩიძემ მეგობართან [მითითებულია მხოლოდ სახელი და გვარი] საუბრისასუარყოფითად შეაფასა ქვეყანაში შექმნილი ვითარება და განმარტა, რომ მის საცხოვრებელ სახლთან საზამთროსგამყიდველს „მიადგნენე ე.წ ძველი ბიჭები" და აიძულებდნენ დაეთმო ადგილი მათ სასარგებლოდ. ეპისკოპოსიდასძენს - „ვინც მისმენს, მოისმინოს და კარგად გაიგონოს, რომ სახელმწიფოს მართავენ ძველი ბიჭები დაკრიმინალები. წინა ხელისუფლების დროს საჯარო მოხელეს კანონის ეშინოდა, დღეს კი ქ.თბილისის მერიაშისამშენებლო ნებართვის ასაღებად საჭიროა 10 ათასი ლარის გადახდა, რითიც საჯარო მოხელეები ჩაფლული არიანკორუფციაში. უშიშროებამაც იცის ყველაფერი, მაგრამ არ რეაგირებს სათანადოდ. მომავალშიც უარესი გველის,გაიყიდება ქართველი კაცი ოქტომბრის არჩევნებში და ქვეყანაში არსებული ვითარება გარგძლედებაკვლავინდებურად".
მისივე თქმით, მოქმედმა ხელისუფლებამ ქართველი კაცი „დაჩმორებული" და ღირსებააყრილი ჩააბარა რუსეთს.მ.ხაჩიძემ საუბრისას ასევე უარყოფითად შეაფასა ქ.მარნეულის ეპისკოპოს გიორგი ჯამდელანის მიერ ნარიმანნარიმანოვის ძეგლის საწინააღმდეგო ქმედებები და განმარტა, რომ მარნეულის ეპისკოპოსი ასრულებს რუსებისდავალებას და მოქმედებს მათი მითითებით.
3.
ზესტაფონის ეპისკოპოსმა მელქისედეკ ხაჩიძემ ხარაგაულის რაიონში მდებარე "მაცხოვრის შობის" სახელობისსაკათედრო ტაძრის მშენებლობის ორგანიზატორს [მითითებულია სახელი გვარი და პირადობის ნომერი] დაავალა,რომ დაუკავშირდეს ვინმე [სახელი გვარი] და სთხოვო ხსენებული ტაძრის ეზოს კეთილმოწყობისთვის საჭიროთანხის მოძიებაში დახმარება. საუბრისას მ.ხაჩიძემ უარყოფითად შეაფასა ხარაგაულის მერის კობალურსმანაშვილის პიროვნება, რა დროსაც განმარტა - „მაგას ხომ არ დაავიწყდა ეპრაქიის ანგარიშიდან 105 ათასირომ წაიღო. ვინ არის მაგის სამაიმუნო, სულ არ მინდა მაგათი 10 ათასი ლარი". აღნიშნულზე [თანამოსაუბრემ] განაცხადა - ,,ვინც მისმენს კარგად მოისმინოს, რომ ლურსმანაშვილი არის კორუმპირებული".
შენიშვნა: დანაყოფში არსებული ინფორმაციით, ხარაგაულის მუნიციპალიტეტის საკრებულო „მაცხოვრის შობის" სახელობისტაძრის მშენებლობის დასრულებისთვის გეგმავს, მხოლოდ 10 ათასი ლარის გამოყოფას, თუმცა აღნიშნული თანხისსიმცირის გამო მ.ხაჩიძე გამოთქვამს უკმაყოფილებას.
4.
დავით გარეჯის ლავრის არქიმანდრიტი კირიონ ონიანი ქორეპისკოპოს იაკობ იაკობიშვილის ძმასთან, [სახელი. გვარი] საუბარში აღნიშნავს, რომ საქართველოს პარლამეტნის წევრი პავლე კუბლაშვილი გარკვეულ ჭორებსავრცელებს, თითქოს პარტია „ქართული ოცნების“ თავმჯდომარე ბიძინა ივანიშვილს „არ ევასება“ ი. იაკობიშვილი. არქიმანდრიტის განმარტებით, უმჯობესია ბ. ივანიშვილი და ქორეპისკოპოსი შეხვდნენ ერთმანეთს და გაისაბრონ,რათა თავიდან აიცილონ დაძაბულობა და გაურკვევლობა. ხსენებულზე [სახელი, გვარი] განაცხადა, რომ მისი ძმამზადაა ბ. ივანიშვილთან შესახვედრად, თუმცა ეს უკანასკნელი არ გამოთქვამს მზადყოფნას. მისი თქმით - „მათგან განსხვავებით სამშობლო უყვარს მეუფეს. ჩვეულებრივი კრიმინალური მმართველობაა, სადაც სამშობლოს მაგათგულში ადგილი არ უკავია. ეხლა ვინც მისმენს, აიტანოს ეს ამბავი ზემოთ, რომ კარგად გაიგონ. გარეჯის საკითხიცმარტივი მოსაგვარებელი იყო. მე ისიც ვიცი, რომ აზერბაიჯანის მხრიდან იყო მზადყოფნა მოლაპარაკებების, მაგრამჩვენებმა არაფერი გააკეთეს. ესეთ ჭაობში და სულში ჩაფურთხებულები არასდროს ვყოფილვართ, მიშას დროს ისმაინც ვიცოდით, ვისთან უნდა გვებრძოლა. ხელისუფლებამ თუ ასე გააგრძელა, კაცმა რომ ამათი მხარდაჭერაგულში გაივლოს, ეგაც კი ღალატი იქნება უკვე.“ აღნიშნულთან დაკავშირებით კ. ონიანი მოიაზრებს, რომახლოვდება 2020 წლის საარჩევნო პერიოდი და ხელისუფლება ეცდება არ გამწვავდეს დავით გარეჯის საკითხი,თუმცა არც პრობლემას მოაგვარებს, რადგან შესაძლოა დაიძაბოს ვითარება ეთნიკურად აზერბაიჯანელმოსახლეობასთან, რაც ნიშნავს ხმების დაკარგვას არჩევნებზე.
5.
ტელეკომპანია „ტვ პირველის“ პირდაპირ ეთერში გაკეთებული განცხადების შემდეგ, ქორეპისკოპოს იაკობიაკობიშვილს დაუკავშირდა, ამავე ტელევიზიის ჟურნალისტი ანა ახალაია, რომელმაც ქორეპისკოპოსს სთხოვაექსკლუზიური ინტევიუს ჩაწერა და სხვა ტელევიზიებისთვის, მათ შორის ტელკომპანია „მთავარი არხისთვის“ინტრვიუს მიცემისგან თავის შეკავება.
თავის მხრივ, ი.იაკობიშვილმა ჟურნალისტს განუცხადა - ,,ბიძინა ჩემზე საუბრობს, რომ ყოველთვის ნასვამი დამთვრალია, მაგათ ვანახებ ნასვამობა როგორ უნდა. დამირეკე ხვალ და სადაც ვიქნები იქ შევხვდეთ, იმიტომ რომლილუაშვილის სამსახურს არ დავუტოვოთ არაფერი. ესენი, რომ მისმენენ მე ამის შესახებ ამერიკელები ყველანაირინფორმაციას მაძლევენ“.
6.
მესტიისა და ზემო სვანეთის მიტროპოლიტი ილარიონ ქიტიაშვილი პირად საუბრებში ნეგატიურად აფასებსხელისუფლების მიერ მსუბუქი ავტომობილებით გადაადგილების აკრძალვის გადაწყვეტილებას. მიტროპოლიტისგანცხადებით - "ხელისუფლება ემსახურება ეშმაკს, ამათ შევაჩვენებ. სამი სამსახური მისმენს, ვაფრთხილებ, ამათკაცობათ მიშა სჯობდა. პირდაპირი მტერი იყო, ესენი ჩუმები, გათახსირებულები არიან".
7.
ბოდბის მთავარეპისკოპოსმა იაკობ იაკობიშვილმა, მისივე ეპარქიის სასულიერო პირ [სახელ, გვარი] საუბარში უარყოფითად შეაფასა მიტროპოლიტ პეტრე ცაავას პიროვნება და განაცხადა, რომ მისი ეკლესიიდან განკვეთისშესახებ საუბარი ჰქონდა პატრიარქ ილია მეორესთან. ი.იაკობიშვილის განმარტებით, პატრიარქი თანახმაა პ.ცაავაგანიკვეთოს ეკლესიიდან. ხსენებულიდან გამომდინარე ი.იაკობიშვილი გეგმავს უახლოეს მომავალში პ.ცაავასკანონიკური დარღვევების შესახებ შესაბამისი მასალების მოძიებას - ,,უწმინდესს ვესაუბრე პეტრეზე და მითხრაგანიკვეთოსო, ხოდა ახლა პირადად მე მივხედავ მაგ საქმეს. ტელეფონზე არ მინდა დეტალებზე საუბარი ხომმისმენენ, ხოდა გაიგონ კარგათ, მთავრობიდან ზოგი ხომ უჭერს მხარს?! ხოდა დედები აუფეთქდებათ სათითაოდიქაც და აქაც. მიშა რომ ჩარეულია გასაგებია, მარა ჩვენთან ამათ არ უნდა ეკადრათ! იკადრეს და პასუხიც მიიღონ.ხომ იცი ეს პეტრე რა ქვეშაფსიაა, ხელს დაადებს ყველას ამათ".
ზემოხსენებული საუბრის შემდგომ ი.იაკობიშვილი დაუკავშირდა გარდაბანი-მარტყოფის ეპისკოპოს იოანე შომახიას და განუცხადა შემდეგი - ,,ეს სინოდი ჩაივლის და მერე პეტრეს მივხედავ, ამ მთავრობაში ვიღაცეებსდაერხევათ მაგას რომ ამუშავებენ, მერე პეტრეს ავიყვან ერთი იმაში, ხოდა ტელევიზიის წინ ვალაპარაკებყველაფერს. აბა გაბედოს მერე და დამალოს ვისთან რა შეთანხმება ჰქონდა, ვერც მიშა უშველის და ვერავინ".
8.
მწლის 31 ოქტომბერს, ჭყონდიდის მიტროპოლიტ პეტრე ცაავას დაუკავშირდა თავისი მრევლის წევრი, შსს-სყოფილი მაღალჩინოსანი [სახელი, გვარიმ პირადი ნომერი] რა დროსაც მათ შორის შედგა შემდეგი შინაარსისსაუბარი: [სახელი, გვარი] - ვინც გვისმენს იცოდეს რომ მართალი ხარ. იმ გომელაურსაც და საერთოდ ყველას პირში ვეტყვი;
პ. ცაავა - წესით ვინც ტელეფონზე გვისმენს იმანაც კარგად იცის ყველაფერი და თქვენ ძველებმა მითუმეტეს უკეთიცით.
9.
ქარელის ,,სამების" საკათედრო ტაძრის წინამძღვარმა არქიმანდრიტმა სტეფანე კორინთელმა თავდაცვის ყოფილმინისტრ ირაკლი ოქრუაშვილს აცნობა, რომ იმყოფებოდა პარტია "ქართული ოცნების" თავმჯდომარე ბიძინაივანიშვილის მიერ აშენებულ დენდროლოგიურ პარკში, სადაც ყველაფერი უმაღლეს დონეზეა გაკეთებული.ი.ოქრუაშვილს აღნიშნულზე კომენტარი არ გაუკეთებია, თუმცა საუბარში განაცხადა - "ვინც გვისმენს იმისგასაგონად ვამბობ, თუ მაგ კაცს (გულისხმობს ივანიშვილს) სურს ზავის დადება მე თანახმა ვარ, თუ არადა მემებრძოლი კაცი ვარ და ომის გამგრძელებელიც". ს.კორინთელს ი.ოქრუაშვილის ნათქვამზე კომენტარი არგაუკეთებია.
10.
შვედეთის სამრევლოს ხელმძღვანელი, მიტროპოლიტი ვახტანგ ახვლედიანი თავის საყვარელ [სახელი, გვარი] საუბრისას ეჭვობს, რომ მათი სატელეფონო საუბრები ისმინება, რის გამოც გამოხატა უკმაყოფილება და აღნიშნ : "გვისმენენ და გვისმინონ მაგათი დედაც მოვტ..ან". მიტროპოლიტმა ასევე უარყოფითად შეაფასა არსებულიხელისუფლების მოღვაწეობა და განმარტა, რომ მოსახლეობა უკიდურეს გაჭირვებაშია მთავრობის არასწორიპოლიტიკის გამო.
11.
ქორეპისკოპოს იაკობ იაკობიშვილმა, დავით გარეჯის სახელობის მამათა მონასტერში მოღვაწე არქიმანდრიტკირიონ ონიანს [მითითებულია პირადი ნომერი] განუცხადა, რომ შს მინისტრ გიორგი გახარიას სასაზღვრო პოლიციადაკომპლექტებული ჰყავს ,,ახალაიას” კადრებით. ქორეპისკოპოსი აცხადებს - ,,ამ მთავრობის პერიოდში მკვლელიც გამომიგზავნეს, თან ეს მკვლელი სახელმწიფო სამსახურში იყო და არც გაუნთავისუფლებიათ სამსახურიდან,ყვე..ებს იფხანენ რა! შვილმკვდარი მამების თემა ვერ მოუგვარებიათ, ეხლა ხო გვისმენენ ტელეფონზე ხოდა გაიგონრაც ელოდებათ - 30 000 ადამიანი გამოვიდა შოთაძე გააგდეს და სხვისი გაგდებაც არ გაუჭირდებათ”.
კიდევ სამ შემთხვევაში ულტრა-მემარჯვენე პოლიტიკური ჯგუფების ლიდერები საუბრისას აღნიშნავენ, რომ მათ შესაძლოა უსმენენ.
გავრცელებული დოკუმენტების შესახებ:
12 სექტემბერს, გვიან ღამით მედიებმა მიიღეს დაუცველი ვებსაიტის ბმული, რომელზეც ათასობით დოკუმენტი - 25 გიგაბაიტზე მეტი მოცულობის ტექსტური ფაილები, ვიდეო- და აუდიოჩანაწერები, ფოტომასალა იყო განთავსებული. ამ ათასობით დოკუმენტს ის აერთიანებს, რომ ჩანაწერები სასულიერო პირებს ეხება.
ესაა სატელეფონო საუბრების შინაარსები, მიმოწერები სოციალურ ქსელებში, შეხვედრები, პოლიტიკური განწყობები - ამ ყველაფერს, სავარაუდოდ, სუს-ი წლების განმავლობაში აგროვებდა და აარქივებდა.
უშუალოდ საეკელესიო მსახურებზე სავარაუდო მიყურადების გარდა ასევე არის ეკლესიის წარმომადგენლებთან დაკავშირებით ჟურნალისტებს და დიპლომატებს შორის შიდა კომუნიკაციის, ასევე ულტრა-მემარჯვენე ძალების წარმომადგენელთა შორის საუბრის ჩანაწერების შინაარსი.
მას შემდეგ, რაც მედიამ გაავრცელა ინფორმაცია ფარულ ჩანაწერებსა და ამ ჩანაწერების შეინაარსის შესახებ პროკურატურამ 14 სექტემბერს გამოძიება დაიწყო. პროკურატურა აცხადებს, რომ იძიებს კომუნიკაციის საიდუმლოების დარღვევის ფაქტს, საქართველოს სისხლის სამართლის კოდექსის 158-ე მუხლის 1-ლი და მე-2 ნაწილებით გათვალისწინებული დანაშაულის ნიშნებით. რაც გულისხმობს კერძო საუბრის უნებართვო ჩაწერას ან მიყურადებას, ასევე კერძო კომუნიკაციის ჩანაწერის, ტექნიკური საშუალებით მოპოვებული ინფორმაციის ან კომპიუტერული მონაცემის უკანონოდ გამოყენებას.