ერევანი: ბაქომ გახსნა გზა, რომელიც ერთმანეთთან აკავშირებს სომხეთის რეგიონის ორ ნაწილს
უშიშროების სამსახურის განცხადებით, გახსნილია გზის ორივე მონაკვეთი, რომლებიც, გავრცელებული ცნობებით, გადაიკეტა პირისთვის დანით ჭრილობის მიყენების ინციდენტის შემდეგ. სამსახური დასძენს, რომ სომხეთის საზღვრის დაცვის სამსახურის წევრები და რუსეთის ფედერალური უშიშროების სამსახურის მესაზღვრეები გზის გახსნის თაობაზე მოლაპარაკებას აწარმოებდნენ აზერბაიჯანთან.
გზის გადაკეტვამდე, აზერბაიჯანის თავდაცვის სამინისტრო აცხადებდა, რომ ორმა სომეხმა სამხედრომ ამ არეალში დანით დაჭრა აზერბაიჯანელი მესაზღვრე. სომხეთის თავდაცვის სამინისტრო უარყოფდა ამ ცნობას და აზერბაიჯანის განცხადებას უწოდებდა "მტკნარ სიცრუეს" და "კიდევ მეტ დეზინფორმაციას".
გორის-კაპანის გზის 21-კილომეტრიანი მონაკვეტი კამათის საგანი გახდა მას შემდეგ, რაც ბაქომ დაიბრუნა კონტროლი მთიანი ყარაბაღის დიდ ნაწილზე და მის მიმდებარე, მანამდე სომეხთა ძალების კონტროლის ქვეშ მყოფ ოლქებზე, შარშან 44 დღის განმავლობაში მიმდინარე ომის შემდეგ.