80 წლის ასაკში გარდაიცვალა როკჯგუფ Rolling Stones-ის დრამერი ჩარლი უოტსი
მუსიკოსი გულის ოპერაციიდან რამდენიმე კვირის შემდეგ გარდაიცვალა. სიკვდილამდე ცოტა ხნით ადრე ცნობილი გახდა, რომ ის მონაწილეობას ვერ მიიღებდა ჯგუფის ტურნეში, რომლის დაწყება სექტემბრისთვის არის დაგეგმილი.
უოტსი ერთ-ერთია The Rolling Stones-ის სამი მუსიკოსიდან, რომლებიც 30-ვე სტუდიური ალბომის ჩაწერაში მონაწილეობდნენ. პირველი ალბომი, რომელსაც ჯგუფის სახელწოდება ჰქვია, 1964 წელს გამოვიდა. უკანასკნელი - Shine a Light - 2008 წელს.
2016 წელს მუსიკალურმა ჟურნალმა Rolling Stone-მა ჩარლი უოტსი ისტორიის უდიდეს დრამერების სიაში მე-12 ადგილზე დააყენა. 2006 წელს ჟურნალმა Modern Drummer-მა ის თავის დიდების დარბაზში შეიყვანა. ჟურნალ Vanity Fair-ს უოტსი შეყვანილი ჰყავს ყველაზე მოდური ადამიანების სიაში.
ჯგუფის შემადგენლობაში მას მოპოვებული აქვს ათობით ყველაზე პრესტიჟული ჯილდო, მათ შორის ოთხი „გრემი“, ასევე ის შვიდჯერ შევიდა „გრემის“ დიდების დარბაზში.