ევროკავშირი გმობს რუსეთში დამოუკიდებელი საინფორმაციო საშუალებებისა და ჟურნალისტების დევნის კამპანიას არჩევნების წინ
ამ კრიტიკული განცხადების ფონია, რუსეთის ხელისუფლების მიერ რამდენიმე ჟურნალისტისა და არასამთავრობო ორგანიზაციის „უცხოეთის აგენტებად“, ხოლო გამოცემა „პროექტის“ - არასასურველ ორგანიზაციად გამოცხადება.
ევროკავშირი ყურადღებას ამახვილებს ადვოკატთა გაერთიანებასა და „გუნდი 29“-ის ჟურნალისტებზე დიდ ზეწოლაზე, რამაც აიძულა ისინი, მუშაობა შეეწყვიტათ.
ევროკავშირმა არაერთხელ დაგმო „უცხოეთის აგენტისა“ და „არასასურველი ორგანიზაციის“ შესახებ რუსეთში მიღებული კანონები, რომლებიც ლახავს ადამიანის შეკრებისა და გამოხატვის თავისუფლებას და ძირშივე ეწინააღმდეგება რუსეთის მიერ ნაკისრ საერთაშორისო ვალდებულებებს.