საქართველოს სარაგბო ნაკრებმა მსოფლიოს მოქმედ ჩემპიონთან - სამხრეთ აფრიკასთან პირველი ტესტ მატჩი ოცდათერთმეტქულიანი სხვაობით წააგო. პრეტორიაში გამართულ შეხვედრაში, ბორჯღალოსნები უძლიერეს მეტოქეს პირველი ტაიმის ბოლომდე უგებდნენ - 34-ე წუთზე ანგარიში 9:5 იყო სტუმრების სასარგებლოდ. ბოლო ექვს წუთში კი აფრიკელებმა ორი ლელო გაიტანეს და შესვენებაზე ათქულიანი ჰანდიკაპით (19:9) გავიდნენ.
მეორე ტაიმში მასპინძელთა სრული უპირატესობით წარიმართა და მათ ანგარიში კიდევ სამი გარდასახული ლელოთი გაზარდეს და ანგარიშით 40:9 მოიგეს.
საქართველოსა და სამხრეთ აფრიკის ნაკრებები 9 ივლისს, კიდევ ერთ ტესტ-მატჩს გამართავენ.