პუტინი იმედოვნებს, რომ რუსეთში არ იქნება შემოღებული ქვეყნის მასშტაბით ლოკდაუნი
„პირდაპირ ხაზში“, რომელშიც რუსეთის პრეზიდენტი 2 მილიონამდე შეკითხვიდან ზოგიერთს სცემს პასუხს, პუტინმა იმედი გამოთქვა, რომ რუსეთი თავიდან აიცილებს ქვეყნის მასშტაბით ლოკდაუნს და არ შემოიღებს სავალდებულო ვაქცინაციას, თუმცა რუსეთში ამჟამად ვაქცინაციის მაჩვენებელი ერთ-ერთი ყველაზე უფრო დაბალია დიდ ინდუსტრიულ ქვეყნებს შორის. მრავალი ადამიანი არ ენდობა რუსულ ვაქცინას ან ზოგადად მთავრობას.
29 ივნისს, ჯანდაცვის მესვეურთა თქმით, აღირიცხა ინფიცირების 21000 და სიკვდილის 652 ახალი შემთხვევა, რაც დღიური სიკვდილიანობის ახალი რეკორდია რუსეთში. მთლიანობაში ქვეყანაში COVID-19-ით გარდაიცვალა 135 ათასზე მეტი ადამიანი. კრემლი იძულებული იყო, ეღიარებინა, რომ ვერ იქნება მიღწეული მთავრობის მიზანი, მოხდეს მოსახლეობის 60% პროცენტის ვაქცინაცია.