ჭაბუკმა წყალბურთელებმა ევროპის ჩემპიონატის საგზური მოიპოვეს
თბილისის საწყლოსნო კომპლექს „ოლიმპიკში“ გამართულ ოთხდღიან შეჯიბრებაზე ქართველმა ჭაბუკებმა სულ ოთხი შეხვედრა ჩაატარეს. ბელარუსის ნაკრები ანგარიშით 17:10 დაამარცხეს, სლოვაკეთს უფრო ადვილად აჯობეს - 17:7, ლიეტუვას - 20:8 და ევროპირველობაზე თამაში შესარჩევი ციკლის დასრულებამდე ერთი ტურით ადრე გაინაღდეს. ბოლო ტურში კი ოცბურთიანი უპირატესობით - 27:7 მოუგეს მოლდოვას.
17 წლამდელთა შორის ევროპის 2021 წლის ჩემპიონატი 12-19 სექტემბერს გაიმართება, მალტაში.