"ქართული ოცნება" ბორჯომში სამუშაო შეხვედრას მართავს
"სამუშაო ფორმატში გავივლით დეტალებს, მინისტრები და პრემიერ-მინისტრი წარმოადგენენ თავის ხედვებს გრძელვადიან განვითარებასთან დაკავშირებით და ჩვენ ამასთან დაკავშირებით გვექნება დისკუსია. ამის შემდეგ პრემიერი გამოვა პარლამენტში... არანაირ ცვლილებაზე არ იქნება საუბარი არც დღეს და არც მომდევნო პერიოდში. მსგავსი საკითხები არ განიხილება, ასევე არ განიხილება მერების საკითხები... ანუ პარტიული და საარჩევნო საკითხები არ განიხილება", - თქვა მდინარაძე.
ბოლო რამდენიმე დღეა მედიაში ვრცელდება ინფორმაცია, რომ პარტია "ქართული ოცნების" თავმჯდომარის თანამდებობაზე ირაკლი კობახიძეს მოქმედი პრემიერი ირაკლი ღარიბაშვილი შეცვლის. ამას მმართველ პარტიაში უარყოფენ.
ბიუროს გადაწყვეტილებით, პრემიერ-მინისტრი ირაკლი ღარიბაშვილი პარლამენტის წინაშე სამთავრობო პროგრამის შესრულების მიმდინარეობის შესახებ მოხსენებით საგაზაფხულო სესიის ბოლო კვირაში წარდგება. ეს ღარიბაშვილის პირველი მოხსენება იქნება პრემიერის თანამდებობაზე დაბრუნების შემდეგ.