სსრკ-ზე გერმანიის თავდასხმაზე საუბრისას მერკელმა გააკრიტიკა ყირიმის ანექსია
მერკელმა ტექსტში სინანული გამოხატა მეორე მსოფლიო ომის დროინდელი მილიონობით მსხვერპლის გამო რუსეთის, უკრაინისა და ბელარუსის ტერიტორიებზე, ასევე ბალტიის ქვეყნებში. „არ შეიძლება იმის დავიწყება, რომ ჩვენ ვალში ვართ მილიონობით მსხვერპლისა და მათი შთამომავლების წინაშე“, თქვა კანცლერმა.
თავის განცხადებაში მან ილაპარაკა რუსეთისა და გერმანიის ისტორიულ კავშირზე, მადლობა გადაუხადა სსრკ-ის ყოფილ ლიდერს, მიხაილ გორბაჩოვს, მისი როლისთვის გერმანიის ხელახლა გაერთიანების საქმეში. მაგრამ მან თანამედროვე პოსტსაბჭოთა სივრცეში მიმდინარე მოვლენებზეც ილაპარაკა.
კერძოდ, შეეხო ბელარუსსა და რუსეთში საპროტესტო გამოსვლების დარბევას და თქვა, რომ როგორც გერმანია, ისე მთელი ევროპის კავშირი მიუღებლად მიიჩნევენ რუსეთის მიერ ყირიმის ანექსიას და აღმოსავლეთუკრაინელი სეპარატისტების მხარდაჭერას.