პუტინმა პირობა დადო, რომ დუმის არჩევნებამდე დამატებით მილიარდობით რუბლი გამოიყოფა
მიუხედავად იმისა, რომ პუტინი ფორმალურად არ არის პარტიის წევრი, „ედინაია როსიას“ მთავარი პლატფორმაა პუტინის მხარდაჭერა და ამ მექანიზმის მეშვეობით კრემლი პრაქტიკულად ხელისუფლების ყველა დონეზე ახორციელებს მონოპოლიას.
პუტინმა მაღალი შეფასება მისცა „ედინაია როსიას“ იმისთვის, რომ მას აქვს „განახლებისა და მუდმივად განვითარების უნარი“.
გამოსვლაში პუტინმა თქვა, რომ გაზრდის ხარჯებს ინფრასტრუქტურის, განათლებისა და ჯანდაცვის სფეროსთვის.
პუტინი ასევე გამოვიდა წინადადებით, პარტიის ეროვნულ სიაში შეიყვანოს თავდაცვის მინისტრი სერგეი შოიგუ და საგარეო საქმეთა მინისტრი სერგეი ლავროვი. მას არ უხსენებია შედარებით არაპოპულარული ყოფილი პრეზიდენტი დმიტრი მედვედევი, რომელიც ხელმძღვანელობს „ედინაია როსიას“ და რომელიც ასევე გამოვიდა 19 ივნისს.
ამჟამად „ედინაია როსიას“ რეიტინგი ისტორიულად დაბალ დონეზეა. ლევადა ცენტრის თანახმად, მას მხარს უჭერს რუსეთის მოსახლეობის მხოლოდ 27%. შარშან აგვისტოში ეს მაჩვენებელი 31%-ს შეადგენდა.
პარლამენტის 450-ადგილიანი ქვედა პალატის, სახელმწიფო დუმის არჩევნების წინ კრემლმა მკაცრი, ზოგჯერ სასტიკ ზომებს მიმართა ოპოზიციონერი პოლიტიკოსებისა და დამოუკიდებელი მედიის წინააღმდეგ.