მოსკოვში 15 დღით დააპატიმრეს პანკ ჯგუფ „ფუსი რაიოტის“ წევრი
ნიკულშინა წინა დღით დააკავეს, რადგან პოლიციამ ჩათვალა, რომ ის თითქოს სანკტ-პეტერბურგში მიმდინარე ფეხბურთში ევროპის ჩემპიონატის ღონისძიების ჩაშლას აპირებდა.
ვერონიკა ნიკულშინა 16 ივნისს მოსკოვში თავის სახლთან ახლოს დააკავეს. ამის შემდეგ მისი ტელეფონი მიუწვდომელი გახდა. იგი მანამდე 12 ივნისსაც დააკავეს ლიუბლინაკაზე ინტერვიუს ჩაწერის დროს. პოლიციელები ამტკიცებდნენ, რომ ნიკლუშინა თითქოს უწმაწურად იგინებოდა და საზოგადოებრივი თავშეყრის ადგილში სიგარეტს ეწეოდა. თავად აქტივისტი კი მიიჩნევს, რომ ის პრევენციულად დაააკვეს, რათა არ დაეშვათ „ფუსი რაიოტი“ ხელისუფლების მიერ ორგანიზებულ "რუსეთის დღეზე".
თანაც ნიკულშინა აცხადებს, რომ არავითარი აქციის მოწყობას არ აპირებდა. მას წვრილმანი ხულიგნობის ოქმი გაუფორმეს და საღამოსვე გაათავისუფლეს.
როგორც „ფუს რაიოტის“ წევრის ადვოკატმა, სერგეი ტელნოვმა აცნობა რადიო თავისუფლებას, ვერონიკა ნუკულშინას ამჯერდა 15 დღით პატიმრობა შეუფარდეს.