ზუგდიდი-თბილისის მატარებლის ვაგონი ლიანდაგიდან გადავიდა
„ჯერჯერობით დაუზუსტებელი მიზეზების გამო, ლიანდაგს აცდა ორი გორგოწყვილით“, - აცხადებს საქართველოს რკინიგზა და ამატებს, რომ შემთხვევის შედეგად არავინ დაშავებულა.
რკინიგზის ინფორმაციით, კომპანია ცდილობს მგზავრების სხვა მატარებელში გადაყვანას, რისთვისაც დამატებითი მატარებელი მარელისში უკვე გაგზავნა.
„საქართველოს რკინიგზა წუხს მომხდარის გამო და შექმნილი დისკომფორტისა და დაგვიანებისთვის მგზავრებს ბოდიშს უხდის. თითოეულ მგზავრს მგზავრობის თანხა სრულად აუნაზღაურდება“.