ფრიდონ ინჯია: ეს მთავრობა საქართველოს მთავრობაა და ვგულშემატკივრობთ
ინჯიამ განათლების მინისტრობის კანდიდატს, მიხეილ ჩხენკელს მიმართა და დაინტერესდა თბილისის სკოლებში კორონავირუსით ინფიცირებულთა რაოდენობით. როგორც ინჯია აღნიშნავს, პირველი მარტიდან სტუდენტები დაიწყებენ სწავლას.
„როგორც ვიცით, ევროპასა და მსოფლიოში ელოდებიან მესამე სტადიას პანდემიის, რამდენად ეს გადაწყვეტილება იქნება გათვლილი ყველა მხრივ.
თუ ზოგიერთი ჯგუფი გინდაც ოპოზიციიდან საუბრობს იმაზე, რომ უნდა მოიხსნას ის შეზღუდვები, რომელიც დღემდე არის, ეს სხვა კონტექსტში უნდა განვიხილოთ, მათ შეიძლება უნდოდეთ ხელისუფლების ჩამოშლა კოვიდის დახმარებით. ამიტომ ძაან ფრთხილად უნდა ვიყოთ“, - განაცხადა დეპუტატმა.
ფრიდონ ინჯიამ განათლების საკითხებზე სხვა შეკითხვებიც დასვა. „ფიქრობთ თუ არა, რომ უნდა აღდგეს მეცნიერებათა აკადემიის ინსტიტუტები, რომლებიც წლების განმავლობაში იყო და მუშაობდა. თუ ისინი აღდგებიან, აღდგება მიონი, საავიაციო ქარხანა...“ - აღნიშნავს დეპუტატი და განაგრძობს: - „თუ ეს არ გაკეთდება, ის მაინც გაკეთდეს, რომ სოფლად, რაიონებში „ტეხნიკუმები“ ანდა პროფისიონალური სასწავლებლები აღდგეს, იმისათვის, რომ შეძლოს, მეტ-ნაკლებად კვალიფიცირებული მუშახელი, ბრიგადირები, საქმისმწარმოებლები იყოს სოფლად“.
პარლამენტში ირაკლი ღარიბაშვილის ხელმძღვანელობით მთავრობის შემადგენლობისთვის ნდობის გამოცხადების საკითხს განიხილავენ.