იუწყებიან, რომ ავღანეთში თავდასხმებისას მოკლეს ხუთი პოლიციელი, დაიჭრა 12
![იუწყებიან, რომ ავღანეთში თავდასხმებისას მოკლეს ხუთი პოლიციელი, დაიჭრა 12](https://gdb.rferl.org/D28CE519-30E7-4F7E-87A6-896AEA0515E5_w800_h450.jpg)
სულ მცირე ხუთი პოლიციელი დაიღუპა და 12 დაიჭრა ავღანეთში მომხდარი ორი თავდასხმის შედეგად, - აცხადებენ ოფიციალური პირები 13 თებერვალს.
თალიბანის თვითმკვლელმა მოიერიშემ დანაღმული მანქანა ააფეთქა ქვეყნის სამხრეთში, ყანდაარის პროვინციაში, რის შედეგადაც დაიჭრა 12 პოლიციელი, - აცხადებს შინაგან საქმეთა სამინისტრო. უწყების პრესმდივნის, ტარიყ არიანის თქმით, თავდამსხმელი ამოიცნეს და მიზანში ამოიღეს მანამ, სანამ ის მიაღწევდა პოლიციის გამშვებ პუნქტთან ახლოს.
ღამით თავდასხმა განხორციელდა აღმოსავლეთში, კუნარის პროვინციაშიც, რასაც ხუთი პოლიციელი შეეწირა, - იუწყებიან პროვინციის ოფიციალური პირები.
თავდასხმების ფონია ძალადობის მკვეთრი გახშირება ავღანეთის მასშტაბით, მიუხედავად ძალისხმევისა, მშვიდობა დამყარდეს ქაბულში დასავლეთის მიერ მხარდაჭერილ მთავრობასა და თალიბანს შორის.