Новости за 02.05.2023

ბრიანსკის ოლქში უკანასკნელი ორი დღის განმავლობაში მეორედ მოხდა აფეთქება რკინიგზაზე. რეგიონის ხელმძღვანელმა ალექსანდრ ბოგომაზმა განაცხადა, რომ „სნეჟეცკაიას სადგურის რაიონში ამოუცნობი ასაფეთქებელი მოწყობილობა აფეთქდა“. მისივე თქმით, მსხვერპლი არ ყოფილა. „რუსეთის რკინიგზამ“ განაცხადა, რომ ელმავალი და 20-მდე სატვირთო ვაგონი რელსებიდან გადავიდა. ღია აალება არ არის, მოძრაობა სნეჟეცკაია-ბელიე ბერეგის მონაკვეთზე შეჩერებულია. „ადგილზე მუშაობენ საქალაქო სახანძრო ბრიგადები, გაგზავნილია ასევე სახანძრო მანქანა და ორი სარემონტო მატარებელი“... Читать дальше...

თბილისის საქალაქო სასამართლოში, მაგისტრატი მოსამართლის წინაშე ჩვენება მისცა გარდაცვლილი 23 წლის თამარ ბაჩალიაშვილის საქმის ყოფილმა გამომძიებელმა სერგო შუბითიძემ. მან სასამართლოს შენობა კომენტარის გარეშე დატოვა. ადვოკატმა მარიამ მაღრაძემ თქვა, რომ მისი დაცვის ქვეშ მყოფმა შეკითხვებს ამომწურავი პასუხების გასცა. „კითხვები დაისვა ძირითადად ტელეფონთან დაკავშირებით და ასევე, იმ საკითხებთან დაკავშირებით, რაზეც უკვე ისაუბრა გადაცემაში. ის პირები დასახელდა, რომლებზეც ისაუბრა ეთერში. ამ ეტაპზე მეტ კომენტარს ვერ გავაკეთებ"... Читать дальше...

"უცნობის კიდობანში" დაგეგმილი და 30 აპრილს, რესპუბლიკის მოედანზე გამართული აქციის მოთხოვნები საქართველოს პარლამენტში კანონპროექტების სახეს იღებს. მოთხოვნებს შორისაა საქართველოში პლებისციტური დემოკრატიისა და სუვერენული ეკონომიკური პოლიტიკის დანერგვა.

ევროკომისიამ 2 მაისიდან 5 ივნისამდე აკრძალა ხორბლის, სიმინდის, რაფსის და მზესუმზირას თესლის ექსპორტი უკრაინიდან ბულგარეთში, უნგრეთში, პოლონეთში, რუმინეთსა და სლოვაკეთში. კვლავაც ნებადართულია ამ ქვეყნების გავლით უკრაინის სოფლის მეურნეობის პროდუქციის ტრანზიტი, საქონლის ექსპორტი ასევე შესაძლებელია ევროკავშირის ყველა სხვა წევრ ქვეყანაში. „პარალელურად ბულგარეთმა, უნგრეთმა, პოლონეთმა და სლოვაკეთმა პირობა დადეს, რომ გააუქმებენ ცალმხრივ ზომებს ხორბლის, სიმინდის, რაფსისა და მზესუმზირას თესლის, ისევე როგორც... Читать дальше...

“ევროპასა და შტატებს რომ მეტი ყურადღება მიექციათ იმისთვის, თუ როგორ ჩაიგდო ხელში ქართულმა ოცნებამ სახელმწიფო, ამის აღკვეთა შესაძლებელი იქნებოდა. უკრაინის ომი არ უნდა დაგვჭირვებოდა იმისთვის, რომ თვალები გაგვეხილა და რუსული გავლენის საფრთხე დაგვენახა საქართველოში, იმის გათვალისწინებით, რომ სწორედ ეს ქვეყანა იყო რუსული აგრესიის პირველი მსხვერპლი სამეზობლოში.” - ეუბნება რადიო თავისუფლებას სტენფორდის უნივერსიტეტის პროფესორი, ფრენსის ფუკუიამა. ვაჟა თავბერიძე ამერიკელ პოლიტოლოგს თბილისში, ეკონომიკური პოლიტიკის კვლევის ცენტრში... Читать дальше...

კულტურის სამინისტროს დაქვემდებარებული ორგანიზაცია, გიორგი ჩუბინაშვილის კვლევითი ცენტრი მინისტრს დისკრიმინაციულ მიდგომასა და შიდა საქმეებში ჩარევაში ადანაშაულებს და სამინისტროს წინააღმდეგ სასამართლოში ჩივის.

სულ მცირე სამი მშვიდობიანი მოქალაქე დაიღუპა და რამდენიმე დაიჭრა რუსეთის ჯარების მიერ განხორციელებული ახალი დაბომბვის შედეგად სამხრეთ უკრაინაში მდებარე ხერსონის ოლქში, განაცხადა რეგიონულმა ხელისუფლებამ 2 მაისს. მოსკოვმა გააძლიერა სამხრეთ უკრაინის დაბომბვა აღმოსავლეთში ბახმუტის კონტროლისთვის გაჭიანურებული ბრძოლის ფონზე. რეგიონული სამხედრო ადმინისტრაციის ხელმძღვანელმა, ალექსანდრ პროკუდინმა განაცხადა, რომ 2 მაისის თავდასხმამდე 24 საათის განმავლობაში რეგიონი 71-ჯერ იქცა რუსეთის არმიის სამიზნედ. ... Читать дальше...

9 მაისს, როცა რუსეთში „გამარჯვების დღეს“ აღნიშნავენ და წითელ მოედანზე სამხედრო აღლუმს გამართავენ, მეტი პომპეზურობისათვის შესაძლოა ოფიციალურად გამოაცხადონ, რომ რუსეთის შეიარაღებულმა ძალებმა მრავალთვიანი ბრძოლების შემდეგ ქალაქი ბახმუტი აიღეს. თუმცა, როგორც სამხედრო ექსპერტები ამბობენ, ამ განცხადებით არსებითად არაფერი შეიცვლება: ბახმუტი კვლავ დარჩება ყველაზე ცხელ წერტილად და რუსეთის შეიარაღებული ძალების უბედურების მთავარ წყაროდ. აშშ-ის ეროვნული უშიშროების საბჭოს წარმომადგენელმა ჯონ კირბიმ თეთრ სახლში... Читать дальше...

აქონდროპლაზიის დიაგნოზის მქონე ბავშვების მშობლებთან გამართული შეხვედრის შესახებ ინფორმაციას ავრცელებს ჯანდაცვის სამინისტრო. როგორც ის აღნიშნავს, შეხვედრაზე იშვიათი დაავადებების, მათ შორის აქონდროლაზიის მართვის -გაიდლაინებისა და პროტოკოლების შემუშავებასთან დაკავშირებული საკითხები განიხილეს. სამინისტრო  აცხადებს, რომ მშობლებს სამოქმედო გეგმა გააცნეს და შეთანხმდნენ, რომ მშობლები ჩართულნი იქნებიან იშვიათი დაავადებების საკითხებზე მომუშავე საკოორდინაციო საბჭოს ფორმატში. საბჭოს მორიგი სხდომა, მშობლების მონაწილეობით 5 მაისს გაიმართება. Читать дальше...

ნარგილე (თინა) მეჰთიევა ერთადერთი ქალია, ვინც საქართველოში ტრადიციულ საკრავზე, საზზე უკრავს. საზი პატარაობიდანვე შეიყვარა, თუმცა ბევრმა ურჩია, ამ პროფესიაზე ხელი აეღო. აშუღი მუდმივად გზაზეა, სოფლიდან სოფელში დადის, კონცერტიდან კონცერტზე, სად უთენდება იქ უღამდება, ქალისთვის ძნელიაო. ნარგილემ საზი მაინც ისწავლა და ახლა უკვე სხვებს ასწავლის.

ევროპაში ამერიკის შეერთებული შტატების ორგანიზებულ სამხედრო წვრთნებში, „მცველი 23“ (Defender 23) მონაწილეობის არმიღების საკითხზე საქართველოს თავდაცვის სამინისტრომ განცხადება გაავრცელა. სამინისტრო მიიჩნევს, რომ ამ თემაზე ინფორმაცია მიკერძოებულად გავრცელდა, რაც, მისი შეფასებით, „წარმოადგენს მორიგ პროვოკაციას თავდაცვის უწყების მიმართ".  სამინისტროს განმარტებით, „დამცველი 2023”-ში მონაწილეობაზე უარის თქმა განპირობებული იყო იმით, რომ მეტი ძალისხმევა და რესურსები მიმართულიყო ისეთ საერთაშორისო და ადგილობრივ სწავლებებზე... Читать дальше...

უკრაინა აგვისტოდან დაიწყებს გერმანული საზენიტო დანადგარი Gepard-ის ჭურვების მიღებას. ამის შესახებ გერმანიის კანცლერმა ოლაფ შოლცმა განაცხადა. თავდაპირველად გერმანიამ უკრაინას გადასცა Gepard-ის 34 დანადგარი ექვსი ათასი ჭურვით. ის ასევე გეგმავს კიევისთვის კიდევ სამი დანადგარისა და 300 ათასი ჭურვის მიწოდებას. გერმანიას სურდა, უკრაინისთვის გადაეცა Gepard-ის ჭურვები, რომლებიც შვეიცარიაშია წარმოებული. მაგრამ შვეიცარიამ უარი თქვა საბრძოლო მასალის რეექსპორტზე - შვეიცარიის კანონით აკრძალულია იქ წარმოებული იარაღის მიწოდება იმ ქვეყნებისთვის... Читать дальше...

როგორ შეიძლება ზღაპრის ენით აღწერო ამბავი, რომელიც თან შენს ქვეყანაში აწუხებთ და თან ის ბავშვებს წააკითხო? ვთქვათ, როგორ ცხოვრობენ ქალები, როგორ ჩაგრავენ რაიმე ნიშნით გამორჩეულ ადამიანებს, როგორ ნაწილდება როლები და ადგილები ქალებსა და კაცებს შორის, როგორია მშობლების და შვილების ურთიერთობა... მოკლედ, როგორ მოვუყვეთ ბავშვებს (და მათ მშობლებსაც) გენდერულ თანასწორობაზე მარტივად. „თუკი ოდესმე მეფის ასული ყოფილხართ, კარგად გეცოდინებათ, თუ რა რთულია სასახლეში ცხოვრება“, - ასე იწყება ქართველი ავტორის... Читать дальше...

უკრაინის უმაღლესმა რადამ კანონმდებლობაში შეიტანა სიტყვა „რაშიზმი“ მას შემდეგ, რაც სამშაბათს მიიღო დადგენილება სახელწოდებით „რუსეთის ფედერაციის პოლიტიკური რეჟიმის მიერ რაშიზმის იდეოლოგიის გამოყენების, რაშიზმის პრინციპებისა და პრაქტიკის, როგორც ტოტალიტარულისა და მიზანთროპულის, დაგმობის შესახებ“. BBC-ის უკრაინული სამსახურის ცნობით, უმაღლესი რადის დეპუტატებმა დოკუმენტის ტექსტში თავი მოუყარეს რუსეთის ამჟამინდელი ხელისუფლების განმარტებებსა და მახასიათებლებს, რომლებითაც ამ ფენომენის მეცნიერულად ახსნას შეეცადნენ როგორც უკრაინელი... Читать дальше...

კიევის ამოცანაა, გადატეხოს ომის მსვლელობა. თუ კონტრშეტევა ჩავარდა, დასავლეთმა შეიძლება უბიძგოს უკრაინას სამშვიდობო მოლაპარაკებებისკენ.

სომხეთის მოსახლეობა 3 მილიონზე ოდნავ ნაკლებია, როგორც აჩვენებს ოქტომბერში ჩატარებული აღწერის მონაცემები. ეს არის დაახლოებით 90000 ადამიანით ნაკლები, ვიდრე 2011 წელს, როდესაც წინა აღწერა ჩატარდა. საერთო რაოდენობა, 2928914, მოიცავს იმ ადამიანებს, რომლებსაც ქვეყანა არ დაუტოვებიათ ერთ წელზე მეტი ხნით. აღწერის დროს სომხეთში ფიზიკურად მცხოვრებთა რიცხვი 233000-ით ნაკლები იყო 2011 წლის მაჩვენებელთან შედარებით. ეს არის პირველი შემთხვევა, როცა სომხეთის მოსახლეობის რაოდენობა 3 მილიონზე დაბლა დაეცა მას შემდეგ... Читать дальше...

ჯანდაცვის სამინისტროში აქონდროპლაზიის დიაგნოზის მქონე ბავშვების მშობლები მინისტრის პირველ მოადგილეს, თამარ გაბუნიას, შეხვდნენ. თითქმის 2-საათიანი შეხვედრის შემდეგ, მშობლები ნაწილობრივ დადებითად აფასებენ გამართულ საუბარს. როგორც მათ თქვეს, პრეპარატ „ვოსორიდიტის“ შესახებ ეჭვები შეხვედრაზე აღარ გამოუთქვამთ. თუმცა მშობლები აღნიშნავენ, რომ საქართველოში მედიკამენტის შემოტანის დროის განსაზღვრამდე, აქციები გაგრძელდება. აქონდროპლაზიის დიაგნოზის მქონე ბავშვის მშობელმა ქეთი ბეგიაშვილმა შეხვედრის შემდეგ თქვა... Читать дальше...

მოსამართლე: ცნობთ თუ არა წარდგენილ ბრალდებაში თავს დამნაშავედ? არჩილ მეფარიძე: არა! თითქმის ოთხი თვე დასჭირდა ქალზე ძალადობაში ბრალდებულ მომღერალს, არჩილ მეფარიძეს, რომ თბილისის საქალაქო სასამართლოში, მის წინააღმდეგ სისხლის სამართლის საქმეზე მიმდინარე სასამართლო პროცესზე გამოცხადებულიყო და მოსამართლისთვის ეთქვა, რომ ის თავს დამნაშავედ არ ცნობს. ამ ხნის განმავლობაში ჩატარებულ სხდომებს მომღერალი ხან ჯანმრთელობის მდგომარეობის გამო არ დაესწრო, ხან ადვოკატმა ურჩია, სასამართლოში არ გამოცხადებულიყო. Читать дальше...

საქართველოს საზღვაო ტრანსპორტის სააგენტო - იუწყება, რომ ორი ქართველი მეზღვაური აფრიკაში გემიდან გაიტაცეს. საქართველოს საკონსულოს ინფორმაციით, შემთხვევა 2 მაისს, ღამის საათებში, მოხდა. "გაბონის ტერიტორიულ წყლებში ღუზაზე მდგომი გემიდან გაიტაცეს სამი მეზღვაური, მათ შორის ორი საქართველოს მოქალაქეა. გემზე დარჩენილ მეზღვაურებს საფრთხე არ ემუქრებათ... ქართველი მეზღვაურების უსაფრთხოებიდან გამომდინარე, მოგიწოდებთ თავი შეიკავოთ დეტალებისა და რამე სახის მაიდენტიფიცირებელი ინფორმაციის საინფორმაციო საშუალებებით გავრცელებისგან"... Читать дальше...

პარლამენტის დეპუტატი "ევროპელი სოციალისტებიდან" ფრიდონ ინჯია აპირებს კანონპროექტად დაარეგისტრიროს ის მოთხოვნები, რომლებიც რამდენიმე დღის წინ "უცნობის" აქციაზე გაჟღერდა. მან პარლამენტის ტრიბუნიდან ამ აქციაზე სიტყვით გამომსვლელებს მადლობა გადაუხადა. "ჩამოვწერე ის მოთხოვნები, რომელიც იქ გაჟღერდა და ჩავთვალე წამეკითხა კიდევ ერთხელ იმისთვის, რომ მმართველმა პარტიამ წაიკითხოს", - თქვა დეპუტატმა ინჯიამ და „უცნობის“ აქციის მოთხოვნები პარლამენტის სხდომათა დარბაზში ჩამოთვალა: რევოლუციის თავიდან ასაცილებლად... Читать дальше...

ოკუპირებულ აფხაზეთში დააკავეს ჯეირან მარღანიას განზრახ მკვლელობაში ბრალდებული, ინფორმაციას დე ფაქტო პროკურატურა ავრცელებს. დე ფაქტო უწყების ცნობით, დაკავებულმა, 1997 წელს დაბადებულმა დავიდ ახიბამ, დანაშაული უკვე აღიარა. 33 წლის ჯეირან მარღანიას ცხედარი რუსეთის მიერ ოკუპირებულ აფხაზეთში, გაგრის რაიონში, ყოფილი მეფრინველეობის ფაბრიკის ტერიტორიაზე, 29 აპრილს იპოვეს. ცხედარი სამშენებლო ნარჩენების ქვეშ ქსოვილგადაფარებული ნახეს, მას მრავალი ცეცხლნასროლი ჭრილობა აღენიშნებოდა. რადიო თავისუფლებას გალში მცხოვრებმა რესპონდენტმა უამბო... Читать дальше...

რუსეთი, სავარაუდოდ, მაისში განაახლებს თავისი რეზერვებისთვის უცხოური ვალუტის შესყიდვას. ეს ხდება ნავთობის შემოსავლების ზრდის შედეგად სახელმწიფო ფინანსების სტაბილიზაციის ფონზე. ამის შესახებ Bloomberg-ი იტყობინება. სააგენტოს ცნობით, ამის შესახებ ფინანსთა სამინისტრომ შესაძლოა მიმდინარე კვირაში გამოაცხადოს. საწყისი შესყიდვის მოცულობა შეიძლება იყოს თვეში დაახლოებით ორასი მილიონი დოლარის ეკვივალენტი იუანებში. Bloomberg-ის თანახმად, ჩინური ვალუტა არის მთავარი აქტივი, რომელიც რუსეთს ჯერ კიდევ შეუძლია გამოიყენოს... Читать дальше...

თბილისის პროკურატურაში გამოკითხვაზე უარი თქვა თამარ ბაჩალიაშვილის საქმის ყოფილმა გამომძიებელმა სერგო შუბითიძემ. ამის შესახებ ჟურნალისტებს უთხრა მისმა ადვოკატმა მარიამ მაღრაძემ. მან ილაპარაკა სერგო შუბითიძის გადაწყვეტილების მიზეზზე. "ამ ეტაპზე სერგო შუბითიძეს არანაირი ჩვენება არ მიუცია, მას სასამართლოში გამოჰკითხავენ. ჩვენი მოთხოვნა და მისი სურვილი იყო, რომ მან ჩვენება მისცეს უშუალოდ სასამართლოს, მაგისტრატი მოსამართლის წინაშე და იქ მოხდეს მისი გამოკითხვა. ამაზე მეტ ინფორმაციას ვერ მოგცემს... მას სურს... Читать дальше...

უკრაინამ გერმანიის მიერ მიწოდებული იარაღი არ უნდა გამოიყენოს რუსეთის ტერიტორიის დაბომბვისთვის. ამის შესახებ გერმანიის კანცლერმა ოლაფ შოლცმა ბენდორფში განაცხადა საზოგადოებასთან დიალოგის ფარგლებში გამოსვლისას. გერმანიის მთავრობის მეთაურმა ხაზგასმით აღნიშნა, რომ დასავლეთის სხვა ქვეყნები, რომლებიც უკრაინას იარაღს აწვდიან, იმავე მოთხოვნას უყენებენ კიევს. შოლცის თქმით, უკრაინას დახმარება სჭირდება, მაგრამ ამან არ უნდა გამოიწვიოს ესკალაცია და კონფლიქტში ნატოს ჩართვა. შეერთებულმა შტატებმა ასევე განაცხადა... Читать дальше...

აშშ-ის კინოსამრეწველო ცენტრში - ჰოლივუდში - გაიფიცნენ სცენარისტები. ამის შესახებ ლოს-ანჯელესიდან იტყობინება აშშ-ის საავტორო პროფკავშირები, WGA. გაფიცვამდე კინოსტუდიებსა და პლატფორმებს შორის, რომლებიც ფილმებს ფართო საზოგადოებას უჩვენებენ, გაიმართა ტარიფების შესახებ მოლაპარაკება, მაგრამ ის უშედეგოდ დასრულდა. იმ კომპანიების რაოდენობის ზრდის გამო, რომლებიც ფილმებს უჩვენებენ, სცენარის ავტორები მოითხოვენ უფრო მაღალ ანაზღაურებას და მოგებაში უფრო დიდ წილს. დღემდე ისინი წლიურ, წინასწარ შეთანხმებულ ჰონორარს იღებდნენ. Читать дальше...