Новости за 16.01.2021

გერმანიამ რუსეთს გადასცა იმ ინტერვიუების გაშიფრული ტექსტები, რომლებიც მისი უწყებების წარმომადგენლებმა ჩამოართვეს კრემლის ხმამაღალ კრიტიკოსს, ალექსეი ნავალნის - და მოსკოვს მოთხოვა სრულმასშტაბიანი გამოძიების ჩატარება ოპოზიციონერი პოლიტიკოსის მოწამვლის საქმეზე. 16 იანვარს გადადგმული ეს ნაბიჯი ერთი დღით უსწრებს წინ ნავალნის მოსკოვში დაბრუნებას, მას შემდეგ, რაც მან რამდენიმე თვე დაჰყო გერმანიაში, სადაც მას მკურნალობდნენ 2020 წლის აგვისტოში მძიმედ მოწამვლის შემდეგ - რომელშიც ნავალნი რუსეთის ხელისუფლებას ადანაშაულებს. Читать дальше...

აშშ-ის არჩეულმა პრეზიდენტმა, ჯო ბაიდენმა სახელმწიფო დეპარტამენტის რანგით მეორე პოსტზე წარადგინა ვენდი შერმანი - ქვეყნის მთავარი მომლაპარაკებელი ბირთვული ხელშეკრულების შესახებ ირანთან შეხვედრებზე, 2015 წელს.  ბაიდენის გუნდმა 16 იანვარს გამოაცხადა, რომ შერმანი სახელმწიფო მდივნის მოადგილე იქნება. შერმანი აშშ-ის მთავარი წარმომადგენელი იყო მოლაპარაკებებში, რომელმაც შედეგად მოიტანა თეირანსა და მსოფლიოს წამყვან ქვეყნებს შორის ბირთვული ხელშეკრულების გაფორმება. ამ ხელშეკრულებით, თეირანმა იკისრა თავისი ატომური პროგრამის შეზღუდვა... Читать дальше...

16 იანვარს გერმანიის უდიდესი პარტიის, კონსერვატიული ქრისტიან-დემოკრატების (CDU) კავშირის ხელმძღვანელი არმინ ლაშეტი გახდა კენჭისყრით, რომლის შედეგები გასცდება საკუთრივ გერმანიას - ევროკავშირის უდიდეს წევრ ქვეყანას. ამ ფაქტს განიხილავენ ევროპის პოლიტიკაში ანგელა მერკელის შემდგომი ეპოქის ოფიციალურ დასაწყისად, თუმცა ჯერჯერობით გადაწყვეტილი არ არის ლაშეტი თუ იქნება ის ფიგურა, რომელიც მერკელს კანცლერის თანამდებობაზე შეცვლის. მერკელი სექტემბრის ბოლოს აპირებს გადადგომას, ამ პოსტზე 16-წლიანი მუშაობის შემდეგ. Читать дальше...

ეს არის ფერადი ფოტოები, რომლებიც რუსეთის იმპერიაში შემავალი საქართველოს ტერიტორიაზე გადაიღო რუსმა ფოტოგრაფმა, სერგეი პროკუდინ-გორსკიმ.

ევროსაბჭოს (CoE) ხელმძღვანელმა "ღრმა შეშფოთება" გამოხატა მას მერე, რაც ევროსაბჭოს პოლიტიკური კვლევების სკოლების ასოციაცია რუსეთში შეიყვანეს "არასასურველი" ორგანიზაციების სიაში.  14 იანვრით დათარიღებულ წერილში, რომელსაც რადიო თავისუფლება გაეცნო, ევროსაბჭოს გენერალური მდივანი, მარია პეიჩინოვიჩ-ბურიჩი მოსკოვს მოუწოდებს განმარტოს "პირობები", რომლებმაც ეს, მისი თქმით "მიუღებელი" გადაწყვეტილება მოიტანა.  "რთულია სრულად ხაზგასმა იმისა, თუ რაოდენ პრობლემურია მოსაზრება, რომ საფრთხეს შეიძლება წარმოადგენდეს... Читать дальше...

თალიბანის ექსტრემისტების ჯგუფმა დახოცა ავღანეთის უსაფრთხოების ძალების 12 წევრი, დასავლეთის პროვინცია ჰერატში განხორციელებული იერიშის შედეგად. პოლიციის ინფორმაციით, თავდასხმა შიგნიდან იყო მოწყობილი. პოლიცია აცხადებს, რომ 15 იანვარს, გვიან ღამით იერიში განახორციელა თალიბანის სულ მცირე ორმა წევრმა, რომლებმაც მანამდე უსაფრთხოების ძალების რიგებში შეაღწიეს. პოლიციის ცნობით, თავდამსხმელებმა შემთხვევის ადგილი დატოვეს დახოცილი პირების შეიარაღებით და ტყვია-წამლით. პოლიცია აცხადებს, რომ ამჟამად ტერიტორიას სამთავრობო ძალები აკონტროლებენ. Читать дальше...

ხუთგზის მსოფლიო ჩემპიონი მაია ჩიბურდანიძე 60 წლის გახდა. 8 წლის იყო როდესაც საჭადრაკო კარიერა დაიწყო. ის ჭადრაკის დედოფლის სტატუსს 14 წლის განმავლობაში ინარჩუნებდა.

თითქმის ერთწლიანი იძულებითი პაუზის შემდეგ საქართველოს თავისუფალი სტილით მოჭიდავეთა ნაკრები საერთაშორისო არენას დაუბრუნდა. ნიცაში, ანრი დელანის სახელობის პრესტიჟულ ტურნირზე, გრან პრიზე მედლების ათივე კომპლექტი დღეს, რამდენიმე საათში უნდა გათამაშდეს და გიორგი იანტბელიძის გაწვრთნილი გუნდი ბრწყინვალე შედეგის შანსს ინარჩუნებს - ათი ქართველი მოჭიდავიდან ცხრამ დილის პროგრამა წაუგებლად ჩაამთავრა და ნახევარფინალში გავიდა. ფინალს თითო შეხვედრის მოგება აშორებთ: ბექა ბუჯიაშვილს (57 კგ), ბექა ლომთაძეს (61 კგ)... Читать дальше...

ევროპის ქვეყნებმა ირანს მოუწოდეს, არ დაიწყოს მუშაობა ურანის ლითონზე დაფუძნებული საწვავის გამომუშავებაზე კვლევითი რეაქტორისთვის და განაცხადეს, რომ ეს წინააღმდეგობაში მოდის 2015 წელს გაფორმებულ ბირთვულ ხელშეკრულებასთან. "ირანს მძლავრად მოვუწოდებთ, შეწყვიტოს ეს ნაბიჯები და დაუყოვნებლივ დაუბრუნდეს ერთობლივი სრულმასშტაბიანი სამოქმედო გეგმის პირობების შესრულებას, თუკი ის სერიოზულად ეკიდება ხელშეკრულების ძალაში დატოვებას", - აცხადებენ საფრანგეთი, ბრიტანეთი და გერმანია 16 იანვარს გავრცელებულ ერთობლივ განცხადებაში. Читать дальше...

"ქართული ოცნების" ყრილობის პარალელურად მიმდინარე აქციაზე დაკავებული 9 პირიდან ყრილობის დასრულების შემდეგ ყველა გაათავისუფლეს. დაკავებულებს ადმინისტრაციულ სამართალდარღვევას ედავებოდნენ. ვითარება აქტივისტებსა და პოლიციელებს შორის ბანერის გაშლის მცდელობისას დაიძაბა, როცა აქციის მონაწილეები ცდილობდნენ გაშლილი ბანერით გადაეკეტათ გზის სავალი სივრცე. დაკავებულებს შორის იყვნენ ილიას უნივერსიტეტის ლექტორი გიორგი მუმლაძე, 20 ივნისს დაშავებული ირაკლი ფავლენიშვილი, "ერთიანი ნაციონალური მოძრაობის" წევრი ნიკა ნარსია, აქტივისტი ნიკა კვიტატიანი. Читать дальше...

"გასული წლების მანძილზე, ჩვენს გუნდს ჰქონდა უამრავი წარმატება. ბუნებრივია, იყო ხარვეზებიც და შეცდომებიც, რომელთათვისაც თვალის გასწორებას ჩვენ არასოდეს შევშინებივართ", - თქვა ირაკლი კობახიძემ "ქართული ოცნების" ყრილობაზე, სადაც ის პარტიის თავმჯდომარედ აირჩიეს. „ქართული ოცნება“ ალბათ სამ მთავარ რამეში გამოიხატება: პირველი, ეს არის ერთიანი საქართველო – ერთიანი ფიზიკურად და სულიერად. ფიზიკურად ერთიანი საქართველო აფხაზეთითა და სამაჩაბლოთი, აფხაზებითა და ოსებით. სულიერად ერთიანი საქართველო, სადაც ადამიანებს არ ჰყოფს სიძულვილი... Читать дальше...

აშშ-ის დაავადებათა კონტროლის და პრევენციის ცენტრი (CDC) გამოდის გაფრთხილებით, რომ მარტის თვისთვის აშშ-ში შესაძლოა კორონავირუსის წამყვანი ვარიანტი გახდეს B.1.1.7-ის სახელით ცნობილი ვერსია, რომელიც პირველად ბრიტანეთში აღმოაჩინეს. გავრცელებული ვარაუდით, ეს ვარიანტი ორჯერ უფრო სწრაფად ვრცელდება, ვიდრე აშშ-ში მოქმედი ვირუსის ამჟამინდელი ვერსია.  ვირუსის ახალი ვარიანტი აშშ-ის 12 შტატში იქნა აღმოჩენილი, აღრიცხულია მისით ინფიცირების 76 შემთხვევა - თუმცა, CDC ვარაუდობს, რომ ქვეყანაში მისი გავრცელება უფრო მაღალია, ვიდრე ამ მონაცემებიდან ჩანს. Читать дальше...

"მოგეხსენებათ, „ქართული ოცნების“ იდეის სულისჩამდგმელმა, ბიძინა ივანიშვილმა, პოლიტიკიდან წასვლის გადაწყვეტილება მიიღო. საუბარია ადამიანზე, რომელიც ჩვენი ქვეყნისთვის ყველაზე მძიმე დროს მოვიდა პოლიტიკაში, შეძლო საზოგადოების კონსოლიდაცია მაშინ, როდესაც ყველა იმედი დაკარგული ჩანდა, ჩვენს ხალხთან ერთად დაამარცხა მოძალადე რეჟიმი და საქართველოში თავისუფლების, მშვიდობისა და სტაბილურობის დამკვიდრების გარანტი გახდა. ამ და შემდგომი დიდი გამარჯვებების მიუხედავად, მიუხედავად იმისა, რომ ხალხმა მას და მთლიანად ჩვენს გუნდს მესამე ვადით გამოგვიცხადა ნდობა... Читать дальше...

გერმანიის კონსერვატიულმა ქრისტიან-დემოკრატიულმა კავშირმა (CDU) ახალ ლიდერად აირჩია არმინ ლაშეტი - გერმანიის ყველაზე მეტად დასახლებული შტატის პრაგმატული მმართველი. ეს კენჭისყრა გზას უხსნის კანცლერ ანგელა მერკელის შემცვლელის გამოკვეთას, მას შემდეგ, რაც ის წელს პოსტიდან გადადგება. 16 იანვარს, ინტერნეტით გამართულ კენჭისყრაში 59 წლის ლაშეტმა დაამარცხა ფრიდრიხ მერცი, კონსერვატორი და ერთ დროს მერკელის მეტოქე. ლაშეტმა 521 ხმა მიიღო, მერცმა - 466. მესამე კანდიდატი, გავლენიანი დეპუტატი ნორბერტ რიოტგენი, კენჭისყრას პირველ ეტაპზე გამოეთიშა. Читать дальше...

აშშ-ის მასშტაბით შტატების მმართველებს მზადყოფნაში მოჰყავთ ეროვნული გვარდიის სამხედროები და საგანგებო მდგომარეობას აცხადებენ, რადგან ჯო ბაიდენის პრეზიდენტად ინაუგურაციამდე დემონსტრაციებია მოსალოდნელი. გამოძიების ფედერალური სააგენტო (FBI) გამოდის გაფრთხილებით, რომ შტატების დედაქალაქებში შესაძლოა ძალადობის შემთხვევები იყოს და აცხადებს, რომ ინტერნეტში თვალს ადევნებს "ხშირ შემაშფოთებელ საუბრებს", მათ შორის, შეიარაღებული პროტესტის შესახებ. შტატების მესვეურებმა აამოქმედეს უსაფრთხოების ზომები, რათა თავიდან აიცილონ იმ ტიპის ძალადობა... Читать дальше...

შინაგან საქმეთა სამინისტრომ კასპში, ერთ-ერთ საწარმოში ორი პირის მძევლად აყვანის ბრალდებით დააკავა 1 პირი, 1993 წელს დაბადებული გ.მ., რომელიც შინაგან საქმეთა სამინისტროს ყოფილი თანამშრომელია. შინაგან საქმეთა მინისტრის მოადგილის, ვლადიმერ ბორცვაძის თქმით, რომელიც სპეცოპერაციის ადგილზე იმყოფებოდა, დაკავებულმა შინაგან საქმეთა სამინისტრო 2018 წელს დატოვა პირადი პატაკის საფუძველზე, მძევლების აყვანამდე კი პოლიციას მიმართა განცხადებით, სადაც დახმარებას ითხოვდა. ვლადიმერ ბორცვაძე ამბობს, რომ ამ საქმეზე გამოძიება... Читать дальше...

გერმანიის კონსერვატიულმა ქრისტიან-დემოკრატიულმა კავშირმა დაიწყო ინტერნეტში მიმდინარე შეხვედრა, რომელზეც 16 იანვარს ახალი ლიდერი უნდა აირჩიონ - ამ კენჭისყრით იწყება კანცლერ ანგელა მერკელის შემცვლელის შერჩევა, იმ პერიოდისთვის, როცა ის მიმდინარე წელს პოსტს დატოვებს. პარტიის ლიდერის პოზიციისთვის სამი კანდიდატი იბრძვის - არმინ ლაშეტი, ჩრდილოეთ რეინ-ვესტფალიის მიწის პრემიერი, ფრიდრიხ მერცი, კორპორაციული იურისტი და ნორბერტ რიოტგენი, საგარეო პოლიტიკის ექსპერტი. კორონავირუსის პანდემიის გამო, კამპანიის მსვლელობაში... Читать дальше...

"ქართული ოცნების" ყრილობაზე ახალი თავმჯდომარის გარდა, რომელიც ირაკლი კობახიძე გახდა, განახლებული პოლიტიკური საბჭო აირჩიეს. საბჭოს შემადგენლობა ასეთია:  პარტიის გენერალური მდივანი და პოლიტიკური საბჭოს წევრი - კახა კალაძე  პარტიის თავმჯდომარის მოადგილე - ვასილ მაღლაფერიძე გიორგი გახარია არჩილ თალაკვაძე მაია ცქიტიშვილი გიორგი ვოლსკი ირაკლი ღარიბაშვილი  თეა წულუკიანი მამუკა მდინარაძე კახა კუჭავა ვახტანგ გომელაური  ეკატერინე ტიკარაძე ვანო მაჭავარიანი  მაკა ბოჭორიშვილი შალვა... Читать дальше...

მმართველი პარტიის თავმჯდომარედ "ქართული ოცნების" ყრილობაზე ერთხმად აირჩიეს ირაკლი კობახიძე. თავისი სიტყვა პარლამენტის ყოფილმა თავმჯდომარემ ბიძინა ივანიშვილის მიმართ მადლობის სიტყვით დაიწყო. "ბატონ ბიძინა ივანიშვილს მინდა მადლობა გადავუხადო 2014 წლიდან პირადად ჩემთვის გამოცხადებული ნდობისთვის", - თქვა მან. პარტიისთვის ახალი თავმჯდომარის არჩევა მას შემდეგ დადგა დღის წესრიგში, რაც ბიძინა ივანიშვილმა პოლიტიკიდან წასვლის გადაწყვეტილების შესახებ გააკეთა განცხადება. პარტიის ყრილობა სამოქალაქო აქტივისტების პროტესტის ფონზე მიმდინარეობს... Читать дальше...

თბილისში, მმართველი პარტიის ყრილობის პარალელურად მიმდინარე აქციაზე დაკავებულია 9 პირი, - ამის შესახებ რადიო თავისუფლებას შინაგან საქმეთა სამინისტროში უთხრეს. დაკავებულები ადმინისტრაციული კანონდარღვევის გამო არიან დაკავებულები 166-ე და 173-ე მუხლების შესაბამისად. აქტივისტები აქციას "ქართული ოცნების" ყრილობასთან დაკავშირებით მართავენ და ამბობენ, რომ მმართველ პარტიას "არ შეარჩენენ არჩევნების მოპარვას". ისინი პოლიციას მოუწოდებდნენ, არ მოქცეულიყვნენ "მილიციასავით" და ახსენებდნენ, რომ მათი ვალი "ხალხის სამსახურია და არა ივანიშვილის მონების". Читать дальше...

თბილისში, მმართველი პარტიის ყრილობის დაწყებამდე სამოქალაქო აქტივისტებმა აქცია გამართეს. მათ სურდათ, დიდუბეში, საგამოფენო ცენტრ "ექსპო ჯორჯიას" სიახლოვეს, სადაც ყრილობა იმართება, გაეშალათ ბანერი, რომელზეც ეწერა: "არ შეგარჩენთ მოპარულ არჩევნებს". პოლიციამ აქტივისტებს გზის გადაკეტვის უფლება არ მისცა, რამაც ვითარება დაძაბა. "აქ არიან ქვეყნის დამღუპველები, მძარცველები, პუტინოვიჩები", "პოლიცია, ნუ იქეცით მილიაციად, ემსახურეთ ქვეყანას და არა მძარცველებს", "ქვეყანა არის ხალხი და არა ბიძინა და მისი ქურდები... Читать дальше...

სპორტის საწყლოსნო სახეობათა ფედერაციის ვიცე-პრეზიდენტი ალექსანდრე ბითაძე ილაპარაკებს წყალბურთელთა მიღწევებზე განვლილ უჩვეულო სეზონში და 2021 წლის ტურნირებში სავარაუდო შედეგებზე; მურთაზ ხურცილავა და სპორტული პროგრამის ავტორი მოიგონებენ მიხეილ მესხს, რომლის დაბადების დღე 12 იანვარს აღინიშნა; რადიომსმენელებს შევახსენებთ ჩვენი ძიუდოისტების მიღწევებს ყატარის დედაქალაქ დოხაში და მაია ჩიბურდანიძის დაბადების საიუბილეო თარიღს 17 იანვარს.

The Washington Post-ი ვრცელ სტატიას უძღვნის ბიძინა ივანიშვილის პოლიტიკიდან კიდევ ერთხელ წასვლას. სტატიაში ივანიშვილს აშშ-ის პრეზიდენტ დონალდ ტრამპს ადარებენ და შავ ზღვასა და კავკასიის ქედებს შორის გადაჭიმული ქვეყნის დე ფაქტო მმართველად იხსენიებენ. „64 წლის ოლიგარქი, ბიძინა ივანიშვილი ამბობს, რომ ახლა ის ქველმოქმედებაზე ახდენს კონცენტრირებას. შთამაგონებელი ნარატივია – განსაკუთრებით მაშინ, როდესაც სხვა პოსტსაბჭოთა ქვეყნების ლიდერები ხშირად არ ნებდებიან ხელისუფლებას და იშვიათად მიდიან ნებაყოფლობით. Читать дальше...

გურჯაანის მუნიციპალიტეტში სამი ადამიანი დაჭრეს. შემთხვევა მოხდა წუხელ, საქონლის ფერმაში, ე.წ. კომენდანტის საათის მოქმდების დროს.  პირველადი ინფორმაციით,  სოფელ ზეგაანში ოთხი პირი ერთად ვახშმობდა. ნასვამ მდგომარეობაში მყოფ მამაკაცებს შორის შელაპარაკება მოხდა, რა დროსაც  ერთ-ერთმა დანარჩენი სამი ცივი იარაღით დაჭრა.  დაშავებულთა ახლობლებს არ აქვთ ინფორმაცია, თუ რა შეიძლება გამხდარიყო დაპირისპირების მიზეზი. დაჭრილები სასწრაფო დახმარების ჯგუფმა გურჯაანის საავადმყოფოში წუხელვე  გადაიყვანა. ექიმებით თქმით... Читать дальше...

საქართველოში გასული 24 საათის განმავლობაში გამოვლინდა კორონავირუსით ინფიცირების 1 236 ახალი შემთხვევა, გარდაიცვალა 23 ინფიცირებული. გასულ 24 საათში ქვეყნის მასშტაბით ჩატარდა 15 152 კვლევა ტესტით, მათ შორის მათ შორის 9 208 კვლევა ანტიგენის ტესტით და 5 944 PCR ტესტით. ბოლო 24 საათში ვირუსისგან გამოჯანმრთელდა 2 189  პირი.  ქვეყანაში გამოვლენილი ინფიცირების 1 236 ახალი შემთხვევების უმეტესობა თბილისზე მოდის. გეოგრაფიული განაწილება ასეთია: თბილისი - 485 აჭარა - 84 იმერეთი - 219 ქვემო ქართლი... Читать дальше...