Ուժի հակառակ կողմը
Երբ չորս տարի առաջ հոլիվուդյան հսկա Disney ընկերությունը ձեռք բերեց լեգենդար Ջորջ Լուկասի Lucasfilm ստուդիան, որի կենտրոնական լոտը «Աստեղային պատերազմներ» մեդիաֆրանշիզն էր, երկրպագուներն անհանգստացած էին ու նյարդայնացած։ Իմանալով ֆրանշիզների հետ վարվելու՝ Disney-ի սովորությունը, կարելի էր սպասել միայն ահռելի գումարներ աշխատող հոսքագծի գործարկում, որի համար կենտրոնականը շահույթն է, իսկ երկրպագուների զգացմունքները երկրորդական են։ 2015թ-ի դեկտեմբերին մեծ էկրաններ բարձրացավ վերագործարկված ֆրանշիզի առաջին ֆիլմը՝ «Ուժն արթնանում է»։ Այստեղ հեղինակներն ամեն ինչ արել էին «Աստեղային պատերազմների» երկրպագուների սիրտը շահելու համար՝ ամեն մի կադրով հղում անելով սիրելի աշխարհի հերոսներին։ Սակայն Disney-ի պլաններն ավելի հավակնոտ էին․ շարունակել ոչ միայն կենտրոնական պատմությունը, այլ ճյուղավորումների տեսքով ներկայացնել այն, ինչ ընդհանուր ֆրանշիզի համար ընդամենը հավելված է։ Այս ուղղությամբ աշխատանքների առաջին փորձը ստացավ Rogue One անվանումը։