په نیمروز کې د فوټبال جام سیالۍ پای ته ورسېدې
نیمروز ولایت کې له (جګړې د پنا غوښتنې) ترعنوان لاندې د فوټبال جام سیالۍ د کاپیټان ۱۰ لوبډلې په اتلوالۍ سره پای ته ورسېدې.
د افغانستان د فوټبال فدراسیون ویاند فیروز مشعوف نن ازادي راډیو ته وویل، چې دغه سیالۍ شل ورځې وړاندې د نيمروز د بدني روزنې امریت او فوټبال فدارسیون استازولۍ له لوري په زرنج ښار کې د ۱۶ټیمونو ترمنځ پیل شوې وې.
ښاغلی مشعوف زیاتوي، د سیالۍ په وروستۍ لوبه کې د کاپیټان ۱۰ او ملي پاڅون پیوستون لوبډلو په خپلو کې سیالۍ وکړه، چې د کاپیټان ۱۰ لوبډلې مقابل لوري ته درې د یو پر وړاندې ماته ورکړه او د لوبو اتلوالي یې خپله کړه.