Formel 1-løp i Kina utsett
![Formel 1-løp i Kina utsett](https://gfx.nrk.no/JO95Frf9s6iKqC4GNcCoFwqD_Vto-9Q2I2OkJA5gg6zg.jpg)
Kina Grand Prix i formel 1, som skulle gått i Shanghai 19. april, er utsett på ubestemt tid, vedtok det internasjonale forbundet FIA i dag.
Formel 1-sesongen skal omfatte 22 løp og opne i Melbourne i Australia i mars. FIA håpar å kunne arrangere løpet i Shanghai seinare i år.
Mange idrettsarrangement i Kina er utsette eller avslyste som følgje av det smittsame covid-19-viruset. Kina Grand Prix er ved sida av innandørs-VM i friidrett det mest profilerte idrettsarrangementet som så langt er utsett.