Судзяць журналіста Дзяніса Івашына
КДБ абвінаваціў Дзяніса ў супрацы з украінскай выведкай.
Artykuł Судзяць журналіста Дзяніса Івашына pochodzi z serwisu БЕЛАРУСКАЕ РАДЫЁ РАЦЫЯ.
Сёння пачнецца суд над журналістам Дзянісам Івашыным. Стала вядома, што працэс будзе праходзіць у закрытым рэжыме. Суд спаслаўся на тое, што будуць разглядаць „дзяржаўныя таямніцы”.
КДБ абвінаваціў Дзяніса ў супрацы з украінскай выведкай. Спачатку журналіст праходзіў падазраваным паводле артыкулу „Умяшанне ў дзейнасць супрацоўніка органаў унутраных справаў”. Пазней яму выставілі абвінавачванне яшчэ і паводле ч. 1 арт. 356 КК „Здрада дзяржаве”. На падставе гэтага артыкулу журналісту пагражае ад 7 да 15 гадоў няволі.
Судовы працэс будзе весці яго будзе суддзя Валерый Раманоўскі.
Дзяніс Івашын – гарадзенскі журналіст, вядомы расследаваннямі пра ўдзел беларускіх сілавікоў у баявых дзеяннях на ўсходзе Украіны ў складзе прарасейскіх фармаванняў, а таксама пра лёс чальцоў „Беркуту”, якія ўцяклі з Украіны і служаць у АМАПе Беларусі.
Artykuł Судзяць журналіста Дзяніса Івашына pochodzi z serwisu БЕЛАРУСКАЕ РАДЫЁ РАЦЫЯ.