Агляд прэсы: пажар у егіпецкім храме – загінулі дзясяткі чалавек
Усталявалі ўсіх загінулых падчас выбуху ў Ерэване, дзясяткі загінулых у егіпіцкім храме, Новая прэтэнзія Польшчы на лідарства ў Еўразвязе мае падвох, памёр аўтар графіці пацалунку Брэжнева і Хонэкера.
Artykuł Агляд прэсы: пажар у егіпецкім храме – загінулі дзясяткі чалавек pochodzi z serwisu БЕЛАРУСКАЕ РАДЫЁ РАЦЫЯ.
Усталявалі ўсіх загінулых падчас выбуху ў Ерэване, дзясяткі загінулых у егіпіцкім храме, Новая прэтэнзія Польшчы на лідарства ў Еўразвязе мае падвох, памёр аўтар графіці пацалунку Брэжнева і Хонэкера, падрабязнасці ў аглядзе сусветнай прэсы Антона Разумоўскага.
Усталяваны асобы ўсіх загінулыых пры выбуху ў Ерэване, паведамляе армянскае выданне «Новое время»
„Анаіт Мхітаран, Джэма Назаран і Місак Маргаран”, — гаворыцца ў паведамленні. Па словах прэс-сакратара армянскага МНС Айка Кастаняна, невядомым застаецца лёс яшчэ 17 чалавек.
Выбух у гандлёвым цэнтры „Сурмалу” адбыўся 14 жніўня. Па папярэдняй прычыне, ён здарыўся на складзе піратэхнікі і справакаваў пажар. З-за гэтага будынак абрынуўся, пад заваламі засталіся людзі. Тры чалавекі загінулі, яшчэ 61 пацярпеў. Параненых шпіталізавалі, 36 з іх у стане сярэдняй цяжкасці.
Па факце выбуху ўзбуджана крымінальная справа па двух артыкулах: «парушэнне правілаў захоўвання лёгкаўзгаральных рэчываў, якое пацягнула па неасцярожнасці смерць чалавека» і «парушэнне правілаў пажарнай бяспекі, якое пацягнула па неасцярожнасці смерць чалавека».
Яшчэ пра адно здарэнне з большай колькасцю загінулых піша брытанскае выданне The Times. Найменьш 41 чалавек загінуў у выніку пажару, які ўзнік з-за няспраўнасці электрычнасці, у храме Егіпта, паведамляюць афіцыйныя асобы
Крыніцы кажуць, што большасць загінулых – дзеці пасля пажару ў копцкай царкве Абу Сіфін у Гізе. На службу сабраліся каля 5000 чалавек.
Полымя і дым закрылі ўваход у царкву, што выклікала цісканіну ў натоўпе. Некаторыя людзі скакалі з верхніх паверхаў, спрабуючы выратавацца, кажуць відавочцы.
Новая прэтэнзія Польшчы на лідарства ў Еўразвязе мае падвох, піша нямецкае Die Welt. Вайна ва Украіне зрабіла Польшчу цэнтральным гульцом у Еўропе. Але нацыянал-кансерватыўны ўрад працягвае рэструктурызацыю вяршэнства закона і выступае супраць Бруселю. Інтэрв’ю з палітыкамі ў польскіх навінах рэдка выклікаюць хвалю за межамі Польшчы. Аднак калі Яраслаў Качыньскі размаўляе з прадстаўнікамі прэсы, дыпламаты ў Бруселі і Берліне цяпер таксама ўважліва чытаюць. Бо тое, што гаворыць кіраўнік нацыянальна-кансерватыўнай кіруючай партыі «Права і справядлівасць» (PiS) і самы магутны палітык краіны, часта не толькі правакацыйнае, але і мае тэндэнцыйны характар для польскай палітыкі.
Калі гэта датычыцца і інтэрв’ю, якое Качыньскі даў праўладнаму штотыднёвіку Sieci. У ім 73-гадовы старшыня ПіС абвясціў канфрантацыйны курс супраць Бруселя.
The New York Times паведамляе, што кангрэс ЗША выступае супраць другога тэрміна прэзідэнцтва Байдэна
У аўтарытэтным выданні з’явілася нататка з каментаром старшыні камітэта палаты прадстаўнікоў ЗША па наглядзе і рэформе Кэралін Малані. Яна „мякка намякнула” на тое, што прэзідэнт ЗША Джо Байдэн не будзе балатавацца на другі тэрмін. Акрамя таго, у яе словах адбіваўся выразны пасыл аб тым, што кангрэс ЗША супраць другога прэзідэнцкага тэрміна Байдэна.
Пры гэтым раней афіцыйны прадстаўнік Белага дома Карын Жан-П’ер пацвярджала намеры Джо Байдэна вылучаць сваю кандыдатуру ў якасці прэзідэнта ЗША на другі тэрмін у 2024 годзе. Таксама Байдэн паведамляў аб такіх намерах экс-прэзідэнту ЗША Бараку Абаме.
МЗС Польшчы распрацоўвае канцэпцыю, якая дазваляе не выдаваць візы расейцам. Пра гэта заявіў у нядзелю Польскаму агенцтву друку намеснік кіраўніка МЗС Пётр Воўжык. Паводле яго слоў, Польшча падтрымлівае прыпыненне дзеяння пагаднення аб спрашчэнні візавага рэжыму для грамадзян Расійскай Федэрацыі. Аднак ён прызнаў, што не ўсе краіны Еўразвязу на гэта згодныя. „Супраць гэтага выступаюць буйныя дзяржавы-чальцы, у тым ліку Германія, Францыя і Нідэрланды”. Польшча ўжо некалькі тыдняў вядзе перамовы на гэтую тэму з некаторымі дзяржавамі. Паводле яго слоў, Літва, Латвія і Эстонія, Чэхія і Славакія прытрымліваюцца аналагічнай польскай думкі. Нагадаю, Эстонія з 18 жніўня перастане выдаваць расейцам шэнгенскія візы. Як растлумачыў у чацвер міністр замежных спраў рэспублікі Урмас Рэйнсалу, візы застануцца сапраўднымі, аднак да іх уладальнікаў будуць прымяняцца санкцыі, гэта значыць уезд у Эстонію ім будзе забаронены.
Памёр мастак Дзмітрый Урубель, аўтар знакамітага графіці на Берлінскай сцяне з пацалункам экс-генсека ЦК КПСС Леаніда Брэжнева і былога старшыні Дзяржсавета ГДР Эрыка Хонекера, паведаміла ў Facebook* галоўны рэдактар The Art Newspaper Russia Мілена Арлова.
Графіці „Госпадзе! Дапамажы мне выжыць сярод гэтага смяротнага кахання” Дзмітрыя Урубеля да гэтай пары знаходзіцца на ацалелым вучастку Берлінскай сцяны. „Дзіма Урубель памёр. Мае спачуванні ўсім блізкім і сябрам”, — напісала журналіст.
Яна не ўдакладніла прычыну смерці мастака і не прывяла ніякіх падрабязнасцей здарэння. Твор Урубеля вядомы ў Германіі пад назвай „Братэрскі пацалунак” і стаў адным з самых вядомых малюнкаў на сцяне, а таксама адным з сімвалаў Берліна.
Беларускае Радыё Рацыя
Artykuł Агляд прэсы: пажар у егіпецкім храме – загінулі дзясяткі чалавек pochodzi z serwisu БЕЛАРУСКАЕ РАДЫЁ РАЦЫЯ.