«Մարդիկ պետք է հասկանան, թե ինչ ենք անում եւ ուր ենք գնում»
«Բոլորդ շատ լավ հասկանում եք, թե ինչի մասին է խոսքը: Մայր եւ աղջիկ՝ նույն դպրոցում եւ այլն: Չեմ բացառում, որ նման դեպքեր կլինեն, բայց պետք է տարբերակել՝ որտեղ է օբյեկտիվ, որտեղ՝ սուբյեկտիվ»,- ասել է Կարեն Կարապետյանը:
ԿԳՆ-ին հանձնարարվել է գյուղական դպրոցների զարգացման հայեցակարգի շրջանակում ապահովել շաբաթական առնվազն մեկ դպրոցի հետ հեռահաղորդակցային կապի իրականացում՝ մշակելով տվյալ դպրոցի հետ ուսուցողական ծրագրի մեխանիզմները:
Աշխատանքի եւ սոցիալական հարցերի նախարարին հանձնարարվել է ծառայությունները դարձնել ավելի հասանելի եւ առաջարկություններ ներկայացնել երեխայի ծննդյան միանվագ նպաստի համար առցանց եղանակով դիմելու հնարավորության վերաբերյալ:
Նույն գերատեսչությանն ուղղված հաջորդ հանձնարարականով վարչապետն առաջարկել է հնարավորություն ընձեռել, որպեսզի կենսաթոշակ եւ նպաստ նշանակելու դիմումը քաղաքացին կարողանա ներկայացնել ցանկացած տարածքային բաժին՝ անկախ շահառուի հաշվառման վայրից:
Սպորտի եւ երիտասարդության հարցերի նախարարին հանձնարարվել է կրճատել չհիմնավորված ծախսերը:
Կարեն Կարապետյանն այսօրվա նիստում նախարարներին առաջարկել է այսուհետ հարցերը զեկուցել տեղից՝ առանց ամբիոնին մոտենալու:
Ամփոփելով հանձնարարականները՝ վարչապետը բոլոր գերատեսչությունների ղեկավարներին առաջարկել է թափանցիկ ու բաց աշխատել մամուլի հետ եւ հասարակությանը պարբերաբար ներկայացնել կառավարության աշխատանքի վերաբերյալ տեղեկություններ:
«Մարդիկ պետք է հասկանան, թե ինչ ենք անում, ինչու ենք անում եւ ուր ենք գնում»,- ամփոփել է Կարեն Կարապետյանը: