5/10/15. Սարգսյանի վրդովմունքը, Վերշբոուի ախտորոշումը, «Սասնա ծռերի» ձերբակալումը
Մենք ապրում ենք հասարակությունում, որի շատ անդամներ այլեւս իրենց կյանքն առանց Ֆեյսբուքի ու այնտեղ իրենց կարծիքը հայտնելու չի պատկերացնում: Միգուցե, դա ունի որոշակի առավելություններ: Իսկ թերությունն է այն, որ այս կամ այն բուռն քննարկման մասնակիցները չեն հիշում, կամ էլ ընդհանրապես չգիտեն, թե ինչ է եղել Հայաստանում, օրինակ, 5, 10 կամ 15 տարի առաջ:
Այդ բացը լրացնելու ցանկությամբ Մեդիամաքս-ը վարում է 5/10/15 խորագիրը, որն ամեն շաբաթ ներկայացնում է իրադարձությունները, որոնք տեղի էին ունենում Հայաստանում 5, 10 եւ 15 տարի առաջ:
• 15 ՏԱՐԻ ԱՌԱՋ. 2006 ԹՎԱԿԱՆԻ ՀՈՒԼԻՍԻ 26-31
«Մտքերի ստեղծագործական փոխանակում»
Հուլիսի 29-ին Լեռնային Ղարաբաղի Հանրապետության նախագահ Արկադի Ղուկասյանը եւ ԵԱՀԿ Մինսկի խմբի ամերիկացի համանախագահ Մեթյու Բրայզան մտքերի «ստեղծագործական» փոխանակում էին անցկացրել կարգավորման գործընթացին վերաբերող որոշ գաղափարների եւ տարրերի շուրջ:
Ամերիկացի դիվանագետը նշել էր, որ հակամարտության կարգավորման վերաբերյալ նոր առաջարկներ չունի եւ զերծ է մնացել Արկադի Ղուկասյանի հետ հանդիպման մանրամասների բացահայտումից:
• 10 ՏԱՐԻ ԱՌԱՋ. 2011 ԹՎԱԿԱՆԻ ՀՈՒԼԻՍԻ 26-31
Հայաստանի նախագահը վրդովված է
Հուլիսի 28-ին Հայաստանի նախագահ Սերժ Սարգսյանն ասել էր, որ «Կազանյան հանդիպումից ոչ միայն մենք, այլեւ միջազգային հանրությունը մեծ ակնկալիքներ ուներ, որոնք, ցավոք, չիրականացան»:
Ելույթ ունենալով Երեւանում իր լեհ պաշտոնակից Բրոնիսլավ Կոմորովսկու հետ համատեղ ասուլիսին`Հայաստանի նախագահն ասել էր.
«Հարկավոր է հարգել Լեռնային Ղարաբաղի` իր ճակատագիրը տնօրինելու եւ իր պատմական հայրենիքում զարգացման հեռանկարներ ունենալու օրինական իրավունքը: Այդ իրավունքները պարտավոր են հարգել բոլորը: Այլ լուծում չկա»:
«Մթնոլորտը պետք է բարելավվի: Չի կարելի ամեն օր քո ժողովրդին թունավորել տարբեր տեսակի հայտարարություններով: Լսել եք, թե ի՞նչ հայտարարություններ է արել երեկ Ադրբեջանի նախագահը հայ ժողովրդի հասցեին: Եվ արդյո՞ք դրանք նորմալ մարդու հայտարարություններ են, որոնք հարիր են երկրի ղեկավարին: Մենք միայն մեկ պահանջ ունենք` որպեսզի հակամարտությունը կարգավորվի միջազգային իրավունքի սկզբունքների եւ նորմերի հիման վրա, որոնք ներկայացված են «Մադրիդյան սկզբունքներ» անունը կրող փաստաթղթում», - ասել էր Հայաստանի նախագահը:
Հայաստանը եւ Ադրբեջանն «ի զորու չեն»
Հուլիսի 29-ին ԱՄՆ պաշտպանության նախարարի միջազգային անվտանգության հարցերով օգնական Ալեքսանդր Վերշբոուն հայտարարել էր, որ Հայաստանը եւ Ադրբեջանը «հետքայլ ետ կատարել» ԼՂ կարգավորման գործընթացում:
Նա նշել էր, որ հունիսի 24-ին Կազանում կայացած բանակցությունները բեկումնային դարձնելու փորձը հաջողությամբ չավարտվեց, իսկ «լարվածությունը կողմերի շփման գծի երկայնքով աճում է»:
Ալեքսանդր Վերշբոուն ասել էր, որ Հայաստանը եւ Ադրբեջանը «տակավին ի զորու չեն ավարտել ԼՂ կարգավորման հիմնարար սկզբունքների համաձայնեցումը, եւ մենք մնում ենք ոչ կառուցողական եւ վտանգավոր պատային իրավիճակում»:
• 5 ՏԱՐԻ ԱՌԱՋ. 2016 ԹՎԱԿԱՆԻ ՀՈՒԼԻՍԻ 26-31
«Սասնա ծռեր»-ը վայր են դնում զենքերը
Հուլիսի 31-ին «Սասնա ծռեր» խմբի անդամ Վարուժան Ավետիսյանն ասել էր, որ խումբը որոշել է վայր դնել զենքերը եւ դուրս գալ ՊՊԾ գնդի տարածքից:
Նրա խոսքով, «խումբն իր առաքելությունը ավարտված է համարում» եւ որոշել է վայր դնել զենքերը՝ արյունահեղությունից խուսափելու նպատակով, սակայն շարունակելու է պայքարը բանտերից:
«Մենք կարծում ենք, որ մեր գործողությամբ տվեցինք այն կայծը, որը պետք էր ժողովրդին արթնացնելու համար», - ասել էր նա:
Հայաստանի Ազգային անվտանգության ծառայությունն, իր հերթին, հայտարարել էր, որ «հակաահաբեկչական օպերացիան ավարտվել է»:
«ՀՀ իրավասու իրավապահ մարմինների հատուկ նշանակության ստորաբաժանումներն իրենց հետեւողական եւ համաձայնեցված գործողություններով ստիպել են զինված խմբի անդամներին վայր դնել զենքը եւ հանձնվել իշխանություններին: Ձերբակալվել է 20 ահաբեկիչ», - ասված էր ԱԱԾ հայտարարության մեջ:
Արա Թադեւոսյան
Մենք ապրում ենք հասարակությունում, որի շատ անդամներ այլեւս իրենց կյանքն առանց Ֆեյսբուքի ու այնտեղ իրենց կարծիքը հայտնելու չի պատկերացնում: Միգուցե, դա ունի որոշակի առավելություններ: Իսկ թերությունն է այն, որ այս կամ այն բուռն քննարկման մասնակիցները չեն հիշում, կամ էլ ընդհանրապես չգիտեն, թե ինչ է եղել Հայաստանում, օրինակ, 5, 10 կամ 15 տարի առաջ:
Այդ բացը լրացնելու ցանկությամբ Մեդիամաքս-ը վարում է 5/10/15 խորագիրը, որն ամեն շաբաթ ներկայացնում է իրադարձությունները, որոնք տեղի էին ունենում Հայաստանում 5, 10 եւ 15 տարի առաջ:
• 15 ՏԱՐԻ ԱՌԱՋ. 2006 ԹՎԱԿԱՆԻ ՀՈՒԼԻՍԻ 26-31
«Մտքերի ստեղծագործական փոխանակում»
Հուլիսի 29-ին Լեռնային Ղարաբաղի Հանրապետության նախագահ Արկադի Ղուկասյանը եւ ԵԱՀԿ Մինսկի խմբի ամերիկացի համանախագահ Մեթյու Բրայզան մտքերի «ստեղծագործական» փոխանակում էին անցկացրել կարգավորման գործընթացին վերաբերող որոշ գաղափարների եւ տարրերի շուրջ:
Ամերիկացի դիվանագետը նշել էր, որ հակամարտության կարգավորման վերաբերյալ նոր առաջարկներ չունի եւ զերծ է մնացել Արկադի Ղուկասյանի հետ հանդիպման մանրամասների բացահայտումից:
• 10 ՏԱՐԻ ԱՌԱՋ. 2011 ԹՎԱԿԱՆԻ ՀՈՒԼԻՍԻ 26-31
Հայաստանի նախագահը վրդովված է
Հուլիսի 28-ին Հայաստանի նախագահ Սերժ Սարգսյանն ասել էր, որ «Կազանյան հանդիպումից ոչ միայն մենք, այլեւ միջազգային հանրությունը մեծ ակնկալիքներ ուներ, որոնք, ցավոք, չիրականացան»:
Ելույթ ունենալով Երեւանում իր լեհ պաշտոնակից Բրոնիսլավ Կոմորովսկու հետ համատեղ ասուլիսին`Հայաստանի նախագահն ասել էր.
«Հարկավոր է հարգել Լեռնային Ղարաբաղի` իր ճակատագիրը տնօրինելու եւ իր պատմական հայրենիքում զարգացման հեռանկարներ ունենալու օրինական իրավունքը: Այդ իրավունքները պարտավոր են հարգել բոլորը: Այլ լուծում չկա»:
«Մթնոլորտը պետք է բարելավվի: Չի կարելի ամեն օր քո ժողովրդին թունավորել տարբեր տեսակի հայտարարություններով: Լսել եք, թե ի՞նչ հայտարարություններ է արել երեկ Ադրբեջանի նախագահը հայ ժողովրդի հասցեին: Եվ արդյո՞ք դրանք նորմալ մարդու հայտարարություններ են, որոնք հարիր են երկրի ղեկավարին: Մենք միայն մեկ պահանջ ունենք` որպեսզի հակամարտությունը կարգավորվի միջազգային իրավունքի սկզբունքների եւ նորմերի հիման վրա, որոնք ներկայացված են «Մադրիդյան սկզբունքներ» անունը կրող փաստաթղթում», - ասել էր Հայաստանի նախագահը:
Հայաստանը եւ Ադրբեջանն «ի զորու չեն»
Հուլիսի 29-ին ԱՄՆ պաշտպանության նախարարի միջազգային անվտանգության հարցերով օգնական Ալեքսանդր Վերշբոուն հայտարարել էր, որ Հայաստանը եւ Ադրբեջանը «հետքայլ ետ կատարել» ԼՂ կարգավորման գործընթացում:
Նա նշել էր, որ հունիսի 24-ին Կազանում կայացած բանակցությունները բեկումնային դարձնելու փորձը հաջողությամբ չավարտվեց, իսկ «լարվածությունը կողմերի շփման գծի երկայնքով աճում է»:
Ալեքսանդր Վերշբոուն ասել էր, որ Հայաստանը եւ Ադրբեջանը «տակավին ի զորու չեն ավարտել ԼՂ կարգավորման հիմնարար սկզբունքների համաձայնեցումը, եւ մենք մնում ենք ոչ կառուցողական եւ վտանգավոր պատային իրավիճակում»:
• 5 ՏԱՐԻ ԱՌԱՋ. 2016 ԹՎԱԿԱՆԻ ՀՈՒԼԻՍԻ 26-31
«Սասնա ծռեր»-ը վայր են դնում զենքերը
Հուլիսի 31-ին «Սասնա ծռեր» խմբի անդամ Վարուժան Ավետիսյանն ասել էր, որ խումբը որոշել է վայր դնել զենքերը եւ դուրս գալ ՊՊԾ գնդի տարածքից:
Նրա խոսքով, «խումբն իր առաքելությունը ավարտված է համարում» եւ որոշել է վայր դնել զենքերը՝ արյունահեղությունից խուսափելու նպատակով, սակայն շարունակելու է պայքարը բանտերից:
«Մենք կարծում ենք, որ մեր գործողությամբ տվեցինք այն կայծը, որը պետք էր ժողովրդին արթնացնելու համար», - ասել էր նա:
Հայաստանի Ազգային անվտանգության ծառայությունն, իր հերթին, հայտարարել էր, որ «հակաահաբեկչական օպերացիան ավարտվել է»:
«ՀՀ իրավասու իրավապահ մարմինների հատուկ նշանակության ստորաբաժանումներն իրենց հետեւողական եւ համաձայնեցված գործողություններով ստիպել են զինված խմբի անդամներին վայր դնել զենքը եւ հանձնվել իշխանություններին: Ձերբակալվել է 20 ահաբեկիչ», - ասված էր ԱԱԾ հայտարարության մեջ:
Արա Թադեւոսյան