Մնացականյան. Հայ-ռուսական հարաբերություններում ճգնաժամ չկա
«Այս պահի դրութամբ մեզ պետք է սպասել, մինչեւ ավարտվի այս փուլը, ինչը բխում է համավարակից, եւ շարունակել աշխատանքը ԱԳ նախարարների մակարդակով»,- նշել է նախարարը Ազգային ժողովում կայացած ճեպազրույցի ընթացքում։
Անդրադառնալով հայ-ռուսական հարաբերություններին՝ Զոհրաբ Մնացականյանը ասել է, որ դրանց հիմքում խորքային ճգնաժամ չկա:
«Հայ-ռուսական հարաբերությունների հիմքում ոչ թե խորքային ճգնաժամ է, այլ այն ռազմավարական դաշնակցային գործընկերությունը, որի հիման վրա կառուցվում է երկխոսության համագործակցության ամբողջ ծավալը՝ բոլոր ուղղություններով։
Իսկ ունենք խնդիրներ, թե ոչ, այդ հարցադրման պատասխանն է՝ եթե որեւէ խնդիր չունենք, ուրեմն հարաբերություններ չունենք։ Ունենք բազմաթիվ խնդիրներ, բայց խորքային պրոբլեմ, որը ճգնաժամային է, չունենք»,- ասաց նա:
Նախարարը հավելել է, որ կան հարցեր, որոնց շուրջ թափանցիկ ու բաց խոսվում է․ «Հիմք չկա դրանք դիտարկել որպես պրոբլեմ, որը սեպ է խրում մեր հարաբերությունների մեջ»։