Ջերմուկի շախմատի պատանեկան Գրան Պրիի հաղթողը Կիրիլ Շեւչենկոն է
Վերջին՝ 11-րդ տուրում նա առավելության է հասել Մամիկոն Ղարիբյանի նկատմամբ ու վաստակել 10 միավոր:
8,5 միավորով 2-րդը Շանթ Սարգսյանն է, իսկ եռյակը 7,5-ով եզրափակել է Արամ Հակոբյանը: Սարգսյանը վերջին պարտիայում ոչ-ոքի է խաղացել Սերգեյ Լոբանովի հետ, իսկ Հակոբյանը՝ Արսենի Նեստերովի:
Շախմատի եվրոպական միության ու Հայաստանի շախմատի ֆեդերացիայի աջակցության շնորհիվ այս տարվանից հնարավոր է դարձել «Աշխարհի պատանի աստղեր» մրցաշարը վերափոխել 3 մրցաշարից բաղկացած Գրան Պրի շարքի: Առաջինը մայիսին տեղի է ունեցել Կիրիշի քաղաքում, երկրորդը Ջերմուկում էր, իսկ վերջինը կրկին Կիրիշիում կլինի՝ 2018 թվականին։