Новости за 18.04.2024

«Хозур» нәшрият йорты «Дин вә мәгыйшәт» редакциясе «Дин турында. Сезнең сорауларга җавап» телеграм-каналында «Әввәбин» намазын уку тәртибен аңлаталар.

Ринат Рахматуллин, исерек килеш автомобиль йөртү һәм юл-транспорт һәлакәте китереп чыгаруда гаепләнеп, 6 айга колония-поселениегә хөкем ителгән иде. Аңа суд карары 7 августта аңа игълан ителде. Бүген, 18 апрельдә, социаль челтәрдә Ринат Рахматуллин җәза срогы тәмамлануын белдерде.

Лилия Хәйруллина бу көннәрдә, барлык тамашачыларын һәм социаль челтәрдәге дусларын шаккаттырып, үзенең дүртенче тапкыр әни булуын хәбәр итте. Бу хакта биредә яздык:

Дагыстанда 3 бала утырган машина таудан төшеп киткән. 1 кыз үлгән, 2 малай җитди имгәнгән. Бу турыда Россия Тикшерү комитетына сылтама белән «Вести» каналы хәбәр итте.

«Башкорт хуҗабикәсе» буларак танылган блогер Миләүшә Шәйхелисламова Уфа клиникаларының берсендә очраклы рәвештә генә җырчы Салават Фәтхетдиновны күргән һәм аңа кызыклы тәкъдим белән мөрәҗәгать иткән.

Мәскәүнең Люблино районында 21 яшьлек егет 24 яшьлек Кирилл Ковалёвка урам уртасында пычак кадаган. Ковалев аңа машинасын тротуарга куйган өчен кисәтү ясаган була. Россия Тикшерү комитеты хәбәр иткәнчә, һөҗүм итүче – Бәйсез дәүләтләр берлеге илләренең берсендә туган гражданин, ул Россиядә законсыз яшәгән.

Язын сулыкларда боз кузгалу себер татарларын да энә өстендә тота: Төмән, Томск, Омск өлкәләрендә яшәүчеләрнең көнүзәк мәсьәләсе – су басу ихтималы. «Интертат» шул төбәкләрдә яшәүче милләттәшләр белән сөйләшеп, андагы язгы ташу галәмәтләре турында белеште.

Сенаторлар «терлекчелекнең өстәмә продуктлары белән эш итү таләпләрен үтәмәгән өчен» дигән административ җаваплылык турындагы законны хуплады. Бу хакта РИА Новости яза.

Америкада бер бала йөзендә кап-кара миң белән туган, бу тапны «Бэтмен битлеге» дип атый башлаганнар.

19 апрельдә Татарстанда аязучан-болытлы, явым-төшемнәрсез һава торышы була. Көньяктан, көньяк-көнчыгыштан 8-13, көндез урыны белән 15-20 метр тизлектә көчле җил. Төнлә һава температурасы +11..+16˚, көндез +22..+27˚ градус.

Башкортстанның Белорет шәһәрендә яшәүче хатын-кыз буада сулыкта батып үлгән. Бу турыда Башкортстан буенча Гадәттән тыш очраклар комитетына сылтама белән «Башинформ» хәбәр итте.

Бу көннәрдә Дубайны су басты. Көчле һәм яшенле яңгырлар күпләрне хафага салгандыр, мөгаен. Шәһәр эчендә җыелган яңгыр сулары машиналарның тәрәзәсенә кадәр менә. Кая инде машиналар, хәтта самолетлар су эчендә йөзеп йөрүен яңалыклардан күреп белдек. Дәүләт оешмалары һәм шәхси компанияләр өйдән торып эшләүгә күчкән. Шәһәр эчендәге транспорт бөтенләй эшләми. Шулай ук метро поездлары авырлык белән йөри.

Язучылар Берлектә уздырылган төрле әдәби кичәләргә бик йөрергә яратмасалар да, Казанның Яңа Татар бистәсе зиратында татар халкының бөек шагыйре Габдулла Тукай каберенә чәчәкләр салу мәрасименә күпләп киләләр. Язучылар берлеге ишегалдыннан бер микроавтобус шыгрым тулып, Ркаил Зәйдулла җитәкчелегендә, Яңа Бистә зиратына таба кузгалдык. Әлеге рәсми чара турында рәсми мәгълүматны биредән укырга мөмкин. Халык шагыйре Зиннур Мансуровның Тукайны өйрәнүче үзәк кирәклеге мәсьәләсен күтәрүе дә биредә язылган. Читать дальше...

Бразилиядә яшәүче Эрика де Соуза Виейра Нуньес үзенең үлгән абыйсы исеменә кредит алмакчы булган, хәтта Рио-де-Жанейродагы банкка аның мәетен дә алып килгән. Бу хакта «Diario de Noticias» газетасына сылтама белән РБК сайты яза.

Танылган алып баручы Гөлназ Сәфәрова социаль челтәрдәге сәхифәсендә язылучыларының сорауларына җавап биргән.

Телевизор караучы хатын-кызлар, экран каршына утырып ял иткәндә, иң еш «Домашний» каналын сайлый. Чөнки һәрвакыт анда сериал яки программа табылачагын төгәл беләләр. Безнең хәбәрчебез «Домашний» генераль директоры Марина Хрипунова белән каналның гадәти тамашачысы, уңышлы сериалларның сере һәм яңа телевизион сезон премьералары турында сөйләште.

Чебурекны гадәттә майда йөздереп пешерәләр. Ә инде артык майлы ризык ашарга ярамаган яки теләмәгән кешеләр өчен коры табада пешкән чебурек рецептын тәкъдим итәм.

Эльвин Грей тәхәллүсе белән чыгыш ясаучы Радик Юльякшинның «Матур көн» дигән яңа җыры чыкты. Җырчы аны татар һәм башкорт телләрендә тәкъдим иткән.

Асия Исламовна, язның беренче яңгырына ничек кенә сөенмәсен, барыбер идарә компаниясенә шикаять язып барырга мәҗбүр булды.

Удмуртиядә 2 баласын яндырып үтергән ир-атны 24 елга ирегеннән мәхрүм иттеләр. Бу турыда республика судларының берләштерелгән матбугат хезмәтенә сылтама белән РЕН ТВ хәбәр итте.

Шагыйрә Гөлүсә Шаһбан шушы көннәрдә кызы белән Берләшкән Гарәп Әмирлекләрендә ял итеп кайтты. Ул исән-имин Казанга кайтып җитү шатлыгы белән социаль челтәрдәге сәхифәсендә уртаклашкан, чөнки Дубайда көчле яңгыр сәбәпле, йортларны су баса, машиналар йөзә.

18 апрельдә Татарстанда аязучан-болытлы һава торышы була. Урыны белән яңгыр явачак. Көньяк-көнбатыштан, төньяктан, 6-11 метр тизлектә, урыны белән 15-18 метр тизлектә көчле җил. Төнлә һава температурасы +11..+16˚, көндез +14..+19˚, көньяк һәм көнчыгыш районнарда +24˚.