Слонімскія школьнікі праверылі свае фізічныя здольнасці
Спаборніцтвы праводзіліся па скачках у даўжыню і вышыню, патройным скачку, штурханні ядра, кіданні дзіды і дыска.
Па выніках усіх дысцыплін сярод гарадскіх школ першае агульнакаманднае месца ў СШ №3 (279 балаў), а сярод сельскіх — у Азярніцкай сярэдняй школы (61 бал).
Другое месца сярод гарадскіх школ — у СШ №9 (259 балаў), а трэцяе — у каманды з СШ №5 (248 балаў).
Сярод сельскіх школ другое месца — у Міжэвіцкай сярэдняй школы (33 балы).
Асноўныя спаборніцтвы праходзілі на стадыёне «Юнацтва».
У дысцыпліне «скачок у даўжыню» першае месца сярод юнакоў заняў Уладзіслаў Вайцяховіч (лепшы вынік — 4,54 м), а сярод дзяўчат — Карына Місцюкевіч (4,49 м).
У патройным скачку лідарам быў ізноў Уладзіслаў Вайцяховіч (9,82 м), а ў дзяўчат — Вераніка Бандалоўская (9,73 м).
У штурханні ядра ў юнакоў вызначыўся Дзяніс Быцко (11,00 м) і Анастасія Траян (7,25 м).
У кіданні дыска не было роўных гімназісту Раману Грыгарану (28,40 м) і навучэнцы СШ №3 Лізавеце Бязрукавай (21,25 м).
У кіданні дзіды лепшым быў Данііл Комлеў з СШ №7 (24,30 м) і Ефрасіння Крыт з СШ №8 (18,30 м).
У лёгкаатлетычным манежы дзеці спаборнічалі ў скачках у вышыню. Найлепшы вынік паказалі Аляксандр Дабрынін і Карына Рагаткіна. Абодва пакарылі планку вышынёй 130 см.
Сообщение Слонімскія школьнікі праверылі свае фізічныя здольнасці появились сначала на Газета Слонімская.