Зацвердзілі праект зон аховы гісторыка-культурных каштоўнасцей у Жыровічах Слонімскага раёна
Праект зон аховы распрацаваны ўнітарным прадпрыемствам «БелНІІПГрадабудаўніцтва з мэтай забеспячэння захавання гісторыкакультурных каштоўнасцей і іх навакольнага асяроддзя.
На тэрыторыі аг. Жыровічы размешчаны наступныя нерухомыя матэрыяльныя гісторыка-культурныя каштоўнасці, якія ўнесены ў Дзяржаўны спіс гісторыка-культурных каштоўнасцей Рэспублікі Беларусь.
Гэта:
«Ансамбль Свята-Успенскага манастыра: Успенскі сабор. Дэкаратыўнае аздабленне сабора: роспіс у консе «Спас Пантакратар», арнаментальны дэкор на скляпеннях паўднёвай сакрысціі і ўсіх нефаў, іканастас, бакавыя алтары, Богаяўленская царква, Крыжаўзвіжанская царква, званіца, будынак семінарыі, жылы корпус, гаспадарчыя пабудовы» катэгорыі «1»,
«Свята-Георгіеўская царква. Алтар Свята-Георгіеўскай царквы» катэгорыі «2»;
«Цэнтральная частка аг. Жыровічы (уключаючы тэрыторыю Свята-Успенскага манастыра)» катэгорыі «3»;
«Брацкая магіла» катэгорыі «3»
Пастановай вызначана ахоўная зона, зона рэгулявання забудовы першага рэжыму, зона аховы ландшафту і зона аховы культурнага пласта (слоя).
У адпаведнасці з вызначанымі зонамі на тэрыторыі Жыровічаў забараняецца праводзіць тыя ці іншыя работы.
Напрыклад, на тэрыторыі ахоўнай зоны гісторыка-культурнай каштоўнасці «СвятаГеоргіеўская царква. Алтар Свята-Георгіеўскай царквы» забараняецца будаўніцтва, не звязанае з правядзеннем рэстаўрацыйна-аднаўленчых работ на гісторыка-культурнай каштоўнасці.
Сообщение Зацвердзілі праект зон аховы гісторыка-культурных каштоўнасцей у Жыровічах Слонімскага раёна появились сначала на Газета Слонімская.