Птушыны інтэрнат з’явіўся каля СШ №5 у Слоніме
Каля двух дзясяткаў рознакаляровых птушыных домікаў прымацавалі да галінак бярозы, вырабленай з металу. На шпакоўнях намаляваны літары беларускага алфавіту.
Нагадаем, што ў гэтай школе ў суботу, 31 жніўня, пройдзе навукова-практычная канферэнцыя «Слонімскія чытанні». Арганізатарамі імпрэзы з`яўляюцца Нацыянальная акадэмія навук Беларусі, Міністэрства інфармацыі, Гродзенскі аблвыканкам, Слонімскі райвыканкам.
Будзе таксама дзейнічаць выстава «Мы ёсць народам! (Мітрафан Доўнар-Запольскі)», прысвечаная гісторыі станаўлення беларускай дзяржаўнасці, а таксама выставачны праект «Маладая Беларусь: асоба і творчасць Янкі Купалы ў гісторыі краіны», прысвечаны 100-годдзю ўтварэння БССР. Іх арганізатарамі выступаюць Дзяржаўны літаратурны музей Янкі Купалы і Дзяржаўны музей гісторыі беларускай літаратуры.