Прафілактыку алкагалізму кадзіраваннем плануюць мастоўскія начальнікі
Пытанні забеспячэння правапарадку ў Мастоўскім раёне былі абмеркаваны на паседжанні каардынацыйнага савета суб`ектаў прафілактыкі.
На ім адзначана, што за першы квартал у раёне зарэгістравана 13 крадзяжоў: 1 крадзеж веласіпеда, 3 — грошай, 7 — таварна-матэрыяльных каштоўнасцяў, 2 — мабільных тэлефонаў.
Вынікі прафілактычнай працы, па словах начальніка аддзялення прафілактыкі Яўгена Кудрашова, паказалі, што ў гандлёвых залах адсутнічаюць камеры відэаназірання, парушаецца жэтонная сістэма аховы ў сельгаспрадпрыемствах, вартаўнікі на рабочым месцы знаходзяцца ў нецвярозым стане.
Пасля выступлення намесніка дырэктара па ідэалагічнай працы сельгаспрадпрыемства «Азяранскі» Людмілы Васілеўскай было прынята рашэнне актывізаваць працу па кадзіраванні ад алкагольнай залежнасці за кошт арганізацый… у лік заработнай платы работніка.