У слонімскіх лясах для ранняга выяўлення пажараў скарыстаюць відэакамеры
Згодна з дакументамі, пададзенымі на аўкцыён, набытыя відэакамеры, якія дапамогуць аператыўна ўбачыць у лесе ачаг загарання, будуць устаноўлены на пажарна-назіральных вышках у Жыровіцкім, Дзераўноўскім і Міжэвіцкім лясніцтвах.
Інфармацыя з камер будзе па інтэрнэту адлюстроўвацца на маніторах персанальных камп`ютараў у лясніцтвах і адміністратыўным будынку лясгаса. Пры гэтым камеры будуць аўтаматычна паварочваюцца вакол вертыкальнай восі на 360 градусаў, і пры выяўленні дыму, што паднімаецца над лесам, сістэма папярэдзіць аператара гукавым сігналам і пакажа на маніторы скрыншоты месца задымлення на карце. Дарэчы, камера адрознівае дым ад туману ці пылу і можа выявіць яго ў добрае надвор`е на адлегласці да 50 км.
Паводле дадзеных Міністэрства лясной гаспадаркі, летась з 580 пажарных вышак і мачтаў у лясгасах краіны 80% былі абсталяваны камерамі відэаназірання.
Фінансавацца закупка відэасістэм будзе са сродкаў, атрыманых ад вядзення лясной гаспадаркі.
Нагадаем, што пачатак пажаранебяспечнага сезону сёлета загадам Слонімскага лясгаса быў устаноўлены з 22 сакавіка.