Новости за 06.05.2019

Kombet e Bashkuara kritikuan Korenë e Veriut pas testimit të fundit të armëve, duke e paralajmëruar se veprimi i tillë mund të rrisë tensionet në rajon. Të shtunën, Koreja e Veriut testoi një hedhës të raketave dhe disa armë të paspecifikuara taktike. "Jemi në dijeni për provat e fundit të Koresë së Veriut. Ato i shërbejnë vetëm rritjes së tensioneve në rajon", tha zëdhënësi i OKB-së, Stephane Dujarric. Sekretari i përgjithshëm i Kombeve të Bashkuara, Antonio Guterres, u bën thirrje të gjitha... Читать дальше...

Ushtria e Shqipërisë njoftoi se një pjesëtare e saj u vra në një bazë ushtarake në Letoni, gjatë stërvitjeve për një mision të NATO-s në Evropën lindore. Shefi i shtabit të ushtrisë, gjeneral Bardhyl Kollçaku, tha se Zarife Hasanaj, 32 vjeçe, vdiq nga plagët e marra nga shpërthimi i disa municioneve në bazën Adaz. Një major dhe një rreshter nga Shqipëria u plagosën po ashtu, raporton AP. Shqipëria i është bashkuar NATO-s në vitin 2009. Ajo kontribuon me 214 ushtarakë në NATO dhe në misionet paqeruajtëse ndërkombëtare në Letoni... Читать дальше...

Ministri i Arsimit, Shkencës dhe Zhvillimit Teknologjik i Serbisë, Mlladen Sharçeviq, dhe ministrja e Arsimit, Rinisë dhe Sportit e Shqipërisë, Besa Shahini, u pajtuan për përkthimin e librave për komunitetin shqiptar në jug të Serbisë.  "Përkthimin do ta bëjnë ekspertë nga Tirana dha nga Fakulteti Filologjik në Beograd", tha Sharçeviq, raporton Shërbimi i Ballkanit i Radios Evropa e Lirë. Ai tha se është rënë dakord për formimin e ekipeve punuese në Serbi dhe Shqipëri, me qëllim që të përkthehen... Читать дальше...

Presidenti i Shteteve të Bashkuara, Donald Trump, tha se këshilltari i posaçëm, Robert Mueller, "nuk duhet të dëshmojë" para Kongresit.  Më herët, Trump ka thënë se nuk do ta bllokonte Muellerin nga dëshmia dhe se do t'ia linte vendimin përfundimtar prokurorit të përgjithshëm, William Barr. Mueller, në raportin 448 faqesh, nuk ka nxjerrë ndonjë provë për bashkëpunim të fshehtë midis Rusisë dhe fushatës zgjedhore të Trumpit më 2016. Dëshmia e tij, megjithatë, mund t'i japë Kongresit qasje në informacione të tjera, që janë redaktuar. Читать дальше...

Kryetari i Kuvendit të Kosovës, Kadri Veseli, ka nisur sot edhe formalisht procedurat për iniciativën për formimin e Tribunalit Ndërkombëtar për krimet që Serbia ka kryer gjatë luftës në Kosovë. Në Kuvendin e Kosovës, ai u është drejtuar të hënën përfaqësuesve të shoqatave të familjarëve të personave pagjetur, organizatave të dala nga lufta, institucioneve të drejtësisë dhe institucioneve tjera të pavarura, duke thënë se serbët që kanë kryer krime ndaj shqiptarëve të Kosovës ende nuk janë gjykuar për ato krime... Читать дальше...

Rezultati i zgjedhjeve presidenciale ka përçuar një mesazh të qartë për të gjitha partitë politike, thonë njohësit e zhvillimeve politike në Shkup. Sipas tyre, leksoni fillon nga koncepti qytetar, ai për një ardhmëri euroatlantike si rruga më e sigurt deri te fitorja. Ndërkohë që opozita maqedonase, theksohet se duhet të dalë nga gëzhoja nacionaliste. Besa Arifi, njohëse e çështjeve politike, për Radion Evropa e Lirë konsideron se fitorja e Stevo Pendarovskit për president të Maqedonisë, si kandidat... Читать дальше...

Dukesha e Sussexit lindi djalë, bëri të ditur Duka i Sussexit. Princi Harry tha se ata janë "jashtëzakonisht të ngazëllyer" dhe falënderoi publikun për mbështetjen gjatë kohës sa Meghan ka qenë shtatzënë. Harry tha se Meghan dhe foshnja janë mirë dhe se ende nuk kanë vendosur për emrin e saj. Pallati Mbretëror i Britanisë tha se i është gëzuar lajmit. Foshnja që lindi të hënën, është i shtati në radhë për marrjen e fronit.

Presidenti i Kosovës, Hashim Thaçi, tha se ka zhvilluar një bisedë telefonike me presidentin e zgjedhur të Maqedonisë së Veriut, Stevo Pendarovski. “Homologun tim të ri e urova për fitoren në zgjedhjet presidenciale, e cila është fitore edhe për Maqedoninë e Veriut si shtet shumetnik, që aspiron anëtarësimin në Bashkimin Evropian”, tha Thaçi në një postim në Facebook. "Ne biseduam edhe për avancimin e marrëdhënieve bilaterale dhe për bashkëpunimin në procesin e integrimeve euroatlantike", bëri të ditur Thaçi. Читать дальше...

Qeveria e Kosovës kërkon nga kompania “Z-Mobile”, që pagesa e borxhit prej mbi 25 milionë euro të mundësohet të bëhet me këste nga Telekomi i Kosovës, në të kundërtën kompania mund të falimentojë. Borxhi prej mbi 25 milionë euro që Telekomi i Kosovës i ka kompanisë "Z-Mobile", ka të bëjë me mospërmbushjen e kontratës nga ana e Telekomit për dhënien e 100 mijë numrave të telefonit dhe shërbimeve të internetit 3G dhe 4G. Z-Mobile përmes një letre zyrtare që shënon datën 26 prill të këtij viti,... Читать дальше...

Bisedimet midis negociatorëve amerikanë dhe përfaqësuesve talibanë në Doha të Katarit u ndërprenë, për të shënuar fillimin e Muajit të Ramazanit. Dy palët kanë zhvilluar gjatë gjithë javës së kaluar rrethin e gjashtë të negociatave, me qëllim gjetjen e një zgjidhjeje për t'i dhënë fund luftës gati 18-vjeçare në Afganistan. Zëdhënësi politik i talibanëve, Suhail Shaheen, tha në një postim në Twitter se bisedimet do të ndërpriten për ditën e parë të Muajit të Ramazanit, gjatë të cilit myslimanët agjërojnë... Читать дальше...

Gjatë katër muajve të parë të vitit 2019, Policia e Kosovës ka evidentuar 175 raste të lëndimeve trupore të nxënësve të shkollave në Kosovë. Rastet më të shpeshta, ndodhin si pasojë e mosmarrëveshjeve në mes nxënësve. Lëndimet shpesh vijnë edhe si pasojë e zënkave dhe mosmarrëveshjeve mes nxënësve, raste të cilat shpesh kanë përfunduar edhe me plagosje si pasojë e përdorimit të mjeteve të mprehta, përkatësisht thikave.  Baki Kelani, zyrtar për informim në Policinë e Kosovës, thotë se këtë vit nuk ka ndodhur asnjë vrasje... Читать дальше...

Pesëdhjetepesë vetë u vranë në kryeqytetin e Nigerit, Niamej, pas shpërthimit të një cisterne të përmbysur. Turmat e njerëzve ishin mbledhur për të marrë karburantet që derdheshin, thanë autoritetet dhe dëshmitarët. Shpërthimi, i cili ndodhi pranë aeroportit ndërkombëtar të Niamejit, po ashtu u vuri flakën disa shtëpive pranë. Një zëdhënës i Ministrisë së Brendshme të Nigerit tha se 55 njerëz u vranë dhe 36 u plagosën. Cisterna ishte përmbysur në hekurudhat e trenit. Nigeri, vend i varfër i Afrikës Perëndimore... Читать дальше...

Në ditën e dytë të vizitës në Bullgari, Papa Françesku vizitoi qendrën e refugjatëve Vrazhdebna, e cila ndodhet në periferi të Sofjes. Fëmijë nga Iraku, Pakistani dhe zona të tjera të konfliktit kënduan për Papën dhe i dhuruan atij vizatime. Papa i krahasoi vujatjet e refugjatëve me Krishtin e kryqëzuar. "Sot, bota e migrantëve dhe refugjatëve është një lloj kryqi, kryqi i njerëzimit. Është një kryq që shumë njerëz e vuajnë", tha Papa. Qeveria e qendrës së djathtë e Bullgarisë është kritikuar... Читать дальше...

Ambasadori i Shteteve të Bashkuara në Kosovë, Philip Kosnett, uroi besimtarët myslimanë për Muajin e Shenjtë të Ramazanit. "Urimet më të mira për të gjithë agjëruesit e Ramazanit në Kosovë", shkroi Kosnett në një postim në Twitter. Ai postoi aty edhe një mesazh të sekretarit amerikan të Shtetit, Mike Pompeo, në të cilin thuhet: "Me fillimin e këtij muaji të shenjtë, shpresojmë të ketë përtëritje shpirtërore, mirësi, dashamirësi dhe harmoni në të gjithë botën". Muaji i Ramazanit nisi të hënën dhe do të zgjasë 30 ditë. Читать дальше...

Në Shkup të Maqedonisë së Veriut, janë bërë përgatitjet e fundit për vizitën e Papa Françeskut. Ati i Shenjtë është në një turne treditor në Ballkan. Ai ka qëndruar në Bullgari dhe të martën pritet të qëndrojë në Maqedoninë e Veriut.

Liderët palestinezë në Gaza janë pajtuar për arritjen e armëpushimit me Izraelin të hënën, në mënyrë që t’i japin fund përshkallëzimit dyditor të situatës, që ka kërcënuar me zgjerim të luftës, kanë thënë disa zyrtarë që kanë qenë në dijeni për marrëveshjen, transmeton agjencia e lajmeve AFP. Një zëdhënëse e ushtrisë izraelite ka mohuar të komentojë për këtë marrëveshje, derisa nuk është raportuar të ketë pasur ndonjë nisje të raketave izraelite, pasi armëpushimi ka nisur së zbatuari, ka thënë një korrespodent i kësaj agjencie në Gaza. Читать дальше...

Prodhuesi amerikan i aeroplanëve, Boeing, e ka ditur se lloji i tij i avionëve 737 Max ka probleme. Kompania tha se ka qenë në dijeni për defektet një vit para se dy avionë të këtij lloji u përfshinë në aksidente fatale. Boeing tha se, pa dashje, e ka bërë një njoftim për alarm opsional, në vend se ta bënte standard. Ky njoftim thuhet se u mundëson pilotëve të dinë se kur dy sensorë të ndryshëm raportojnë të dhëna kontradiktore. Firma instistoi se një gjë e tillë nuk e ka rrezikuar sigurinë  e fluturimit. Читать дальше...

Stevo Pendarovski do të jetë president i ri i Maqedonisë së Veriut. Ai në zgjedhjet e së dielës ka mundur kandidaten e opozitës, Gordana Siljanovska-Davkova me një epërsi prej rreth 6 për qind të votave. Pendarovski në fjalimin e fitores premtoi se do të jetë president i të gjithëve.

Kryeministri i Kosovës, Ramush Haradinaj, ka uruar  qytetarët e Maqedonisë se Veriut për siç ka thënë zgjedhje të lira e demokratike presidenciale. Me këtë rast, ai ka uruar edhe fitoren e presidentit të zgjedhur, Stevo Pendarovski. Përmes një postimi në rrjetin social, Facebook, Haradinaj ka thënë se “Kosova është gjithmonë e gatshme për fuqizimin e bashkëpunimit dhe avancimit të marrëdhënieve të mira me Maqedoninë e Veriut, në të mirë të të dy popujve tanë, të forcimit të bashkëpunimit rajonal dhe të perspektivës sonë euro-atlantike”. Читать дальше...

Tregjet e aksioneve në Kinë kanë shënuar rënie të hënën, pasi presidenti amerikan, Donald Trump ka kërcënuar me vënie të tarifave të reja kundër këtij shteti, duke vënë në pikëpyetje arritjen e ndonjë marrëveshjeje tregtare. Ai ka thënë përmes një postimi në Twitter se Shtetet e Bashkuara do të dyfishojnë tarifat në mallrat kineze në vlerë të 200 miliardë dollarëve, si dhe do të shtojë tarifa shtesë. Para deklaratave të presidentit Trump, ishte menduar se të dyja palët kanë qenë afër miratimit të një dokumenti. Читать дальше...

Sekretari amerikan i Shtetit, Mike Pompeo i ka kërkuar Rusisë “të largohet” nga Venezuela, derisa homologu i tij rus, Sergei Lavrov, i ka bërë thirrje Uashingtonit që të “braktisë planet e tij të papërgjegjshme” në shtetin e Amerikës Latine. Pompeo dhe Lavrov kanë biseduar para takimit të tyre të planifikuar këtë javë në Finlandë, në kohën kur janë rritur tensionet në mes të Moskës dhe Uashingtonit, lidhur me situatën në Venezuelë. Lideri opozitar në Venezuelë, Juan Guaido, e ka shpallur veten president të përkohshëm në muajin janar. Читать дальше...

Shtetet e Bashkuara do të dërgojnë pajisje ushtarake shtesë në Lindje të Mesme duke përçuar “mesazh të qartë” për Iranin, ka thënë Shtëpia e Bardhë. “Në përgjigjje të një numri të paralajmërimeve shqetësuese, Shtetet e bashkuara do të pozicionojnë një anije transportuese dhe një taskë-forcë për bomba në rajonin e Komandës Qendrore amerikane”, ka thënë Këshilltari për Siguri Kombëtare, John Bolton përmes një deklarate. Bolton ka thënë se angazhimi ushtarak në këtë zonë, që përfshin Lindjen e Mesme... Читать дальше...

Dyzetë e një persona janë vrarë pasi një aeroplan rus i pasagjerëve ka bërë një ulje emergjente dhe është përfshirë nga flakët në Aeroportin Sheremetyevo të Moskës, kanë njoftuar autoritetet. Aeroplani i llojit, Sukhoi Superjet SSJ100, është shfrytëzuar nga linja kombëtare ajrore Aeroflot, dhe është raportuar se ka qenë duke bartur 73 pasagjerë dhe pesë pjesëtarë të ekuipazhit kur ka ndodhur incidenti më 5 maj. “Sipas të dhënave tona, 37 persona kanë mbijetuar”, ka thënë Komiteti Hulumtues përmes një deklarate. Читать дальше...