Ադրբեջանցի իրավապաշտպան ազատ արձակվեց
Բաքվի Գերագույն դատարանն այսօր որոշում կայացրեց Ինթիգամ Ալիևի հանդեպ որպես խափանման միջոց ընտրել պայմանական ազատազրկումը՝ 5 տարի ժամկետով։
«Գերագույն դատարանը վճռել է անհապաղ ազատ արձակել 2014 թվականի օգոստոսից բանտում գտնվող Ալիևին», - ադրբեջանական լրատվամիջոցների փոխանցմամբ՝ դատարանից հայտնել է Ալիևի պաշտպանը։
Բաքվի դատարանը 2015 թվականի ապրիլին Ինթիգամ Ալիևին դատապարտեց 7.5 տարվա ազատազրկման՝ հարկերից խուսափելու, ապօրինի ձեռնարկատիրության և ծառայողական դիրքի չարաշահման համար։
Ինքը Ալիևը համարում է, որ իրեն դատել են ընդդեմ Ադրբեջանի Եվրադատարան ուղարկած ավելի քան 200 գանգատների պատճառով։