Մոլդովայում հազարավոր մարդիկ փողոց են դուրս եկել՝ պահանջելով միավորվել Ռումինիայի հետ
Ցուցարարները պահանջում են Մոլդովան միավորել Եվրամիության անդամ Ռումինիայի հետ՝ դրանում տեսնելով երկրում տիրող կոռուպցիան հաղթահարելու և Եվրամիությանն անդամակցելու ճանապարհը:
Ցույցի կազմակերպիչների պնդմամբ, «վերամիավորման երթին» շուրջ 50,000 մարդ է մասնակցել, մինչդեռ ոստիկանության գնահատականներով ցուցարարների թիվը հասել է 5,000-6,000-ի:
Ռումինիայի հետ միանալու գաղափարը Մոլդովայում նոր չէ, այդ երկրի քաղաքական գործիչները Խորհրդային Միության փլուզումից հետո պարբերաբար խոսում էին այդ մասին։ 1918 թվականի մարտի 27-ին բեսարաբիական խորհրդարանը քվեարկել էր Ռումինիային միանալու օգտին։ Այն ժամանակ Մոլդովայի տարածքում էին գտնվում ռումինական զորքերը։ Միավորման կողմնակիցներն ամեն տարի մարտի 27-ին երթեր ու հավաքներ են անցկացնում։