Freedom House-ի զեկույցի համաձայն՝ Ադրբեջանը ամենաավտորիտար երկրներից է
![Freedom House-ի զեկույցի համաձայն՝ Ադրբեջանը ամենաավտորիտար երկրներից է](http://gdb.rferl.org/4764A329-29FB-4062-A91B-D609F6570486_cx0_cy3_cw0_w800_h450.jpg)
Freedom House իրավապաշտպան կազմակերպությունը հրապարակել է աշխարհում ազատությունների վիճակի մասին ամենամյա ուսումնասիրությունների արդյունքները։
Ըստ զեկույցի՝ նախկին ԽՍՀՄ պետություններից՝ Թուրքմենստանից և Ուզբեկստանից հետո Ադրբեջանը ամենաավտորիտար երկրներից է։
«Իշխանությունները փորձում են երկիրը ներկայացնել որպես ժամանակակից, աշխարհիկ պետություն, որը այդ վտանգավոր տարածաշրջանում կայունության կղզյակ է»,- նշում են զեկույցի հեղինակները՝ թվարկելով վերջին մեկ տարվա ընթացքում Ալիևի վարչակազմի հեղինակած բռնաճնշումները լրագրողների, իրավապաշտպանների և քաղաքացիական հասարակության ներկայացուցիչների նկատմամբ։