Новости за 24.06.2017

Վանաձորցի Թեմուրյանների ընտանիքը դատական քաշքշուքների մեջ է հայտնվել։ Մեկ տարի առաջ փորձել են Բագրատաշենի մաքսակետով 100 հազար դրամի չափով միրգ ու բանջարեղեն՝ հիմնականում լոլիկ ներկրել, բայց խնդիրների առաջ են կանգնել։ Հայաստանի մաքսավորները չեն թույլատրել ներկրել Վրաստանից ցածր գներով ձեռք բերված լոլիկը։ 30-ամյա Աշոտ Թեմուրյանը պատմում է․ «Ասեցին մաքսազերծում չենք կարող անել։ Հարցրի՝ բա ի՞նչ անեմ, ասին՝ կողքով գետ ա անցնում, տարեք թափեք գետը»։ Ապրանքը գետը չեն լցրել։ Պահ են տվել մաքսակետի ոչ սառնարանային... Читать дальше...

Չինաստանի Սիչուան նահանգում սողանքի հետևանքով ավերվել են մեծ թվով շենքեր: Ենթադրվում է, որ զոհվել է ավելի քան 140 մարդ: Ըստ ականատեսների, մի ամբողջ լեռ տառացիորեն փլուզվել է: Աղետի գոտում աշխատում է ավելի քան 400 փրկարար: Նրանք հայտնել են, որ կեսօրի դրությամբ հաջողվել է փրկել ընդամենը երեք մարդու:

Կատարը հայտարարել է, որ Al-Jazeera հեռուստակայանի գործունեությունը դադարեցնելու, Իրանի հետ դիվանագիտական կապերը խզելու և Թուրքիայի օդային ռազմակայանը փակելու վերաբերյալ արաբական չորս երկրների ներկայացրած պահանջն անընդունելի է: Սաուդյան Արաբիան, Եգիպտոսը, Բահրեյնը և Արաբական Միացյալ Էմիրությունները Դոհային են ներկայացրել 13 կետից բաղկացած պահանջագիր, հայտարարելով, որ միայն դրա իրագործումը թույլ կտա վերականգնել հարաբերությունները Կատարի հետ: «Այդ ցանկը հաստատում է այն, ինչ մենք արդեն ասել ենք՝... Читать дальше...

Պենտագոնը հայտնել է, որ Ռուսաստանը շարունակում է օգտագործել «թեժ գիծը»՝ Սիրիայում ամերիկացիների հետ անհարկի բախումներից խուսափելու համար: Այդ մասին հայտարարել է «Իսլամական պետության» դեմ ռազմական գործողությունները համակարգող՝ Բաղդադում տեղակայված հրամանատարական կենտրոնի ներկայացուցիչ գնդապետ Ռայան Դիլոնը: Վերջերս, երբ ամերիկացիները խոցել էին մի սիրիական ռազմական օդանավ, ռուսներն ասել էին, թե անջատելու են «թեժ գիծը» և թիրախ են համարելու Սիրիայի օդային տարածքում հայտնված ցանկացած ոչ ռուսական և ոչ սիրիական օդանավ... Читать дальше...

Բելգրադում ավարտվել է Սերբիայի նորընտիր նախագահ Ալեքսանդր Վուչիչի պաշտոնամուտի հանդիսավոր արարողությունը, որին ներկա են եղել մեծ թվով երկրների ղեկավարներ և բարձրաստիճան պաշտոնյաներ, ընդհանուր առմամբ՝ մոտ 5 հազար մարդ: Հայաստանից այդ արարողությանը մասնակցել է արտգործնախարար Էդվարդ Նալբանդյանը: 46-ամյա Վուչիչը երդմամբ ստանձնել է նախագահի պաշտոնը մայիսի 31-ին, բայց պաշտոնամուտի գլխավոր հանդիսությունը տեղի է ունեցել երեկ: Վուչիչի ընտրությունը երկրում հրահրել է բողոքի ցույցեր, ընդդիմությունը պնդում է... Читать дальше...

Իրանի ատոմային էներգետիկայի ղեկավար Ալի Աքբար Սալեհին, ով մեծ դեր է ունեցել 2015 թվականի միջուկային համաձայնագիրը կնքելու հարցում, «Գարդիան» պարբերականում հրապարակել է հոդված, որում Վաշինգտոնին կոչ է արել զերծ մնալ Սաուդյան Արաբիայի հետ գործարքից: Սալեհիի համոզմամբ, հնարավոր գործարքը կխախտի ուժերի հավասարակշռությունը Մերձավոր արևելքում: Միացյալ Նահանգները մտադիր է մոտ 110 միլիարդ դոլարի զենք ու զինամթերք վաճառել տարածաշրջանում Իրանի թիվ մեկ մրցակից Սաուդյան Արաբիային: Սալեհին այդ գործարքն անվանում է «սադրանք»... Читать дальше...

Վաշինգտոնը հայտարարել է, որ Հնդկաստանին անօդաչու թռչող սարքեր վաճառելու ծրագիրը չի սպառնում Պակիստանի անվտանգությանը: Սպիտակ տունն այդ մասին ասել է Հնդկաստանի վարչապետ Նարենդրա Մոդիի՝ ԱՄՆ կատարելիք այցի նախօրեին: Նախագահ Դոնալդ Թրամփիը Մոդիին կընդունի հունիսի 26-ին: Միացյալ Նահանգները Հնդկաստանին վաճառելու է 22 անօդաչու թռչող սարք: Գործարքի գինը 2 միլիարդ դոլար է: Եթե այն իրականացվի, դա կլինի ՆԱՏՕ-ի անդամ չհանդիսացող երկրին նման տեսակի սարքեր վաճառելու առաջին դեպքը:

Ըստ գործադիրի, լրացուցիչ ջուրն ուղղվելու է Արարատյան դաշտի մի քանի համայնքների հողատարածքների ոռոոգմանը, ինչպես նաև Սևան-Հրազդան ՀԷԿ-երի համակարգում արտադրվող էլեկտրաէներգիայի ծավալների ընդլայնմանը:

Հավաքական անվտանգության պայմանագրի կազմակերպության (ՀԱՊԿ) մշտական խորհրդում քննարկվել է Սիրիա խաղաղապահներ ուղարկելու հարցը: ՀԱՊԿ-ում կայացած այդ քննարկման մասին հայտնել է Ղրղըզստանի անվտանգության խորհրդի քարտուղար Թիմուր Ջումակադիրովը: «ՀԱՊԿ մշտական խորհրդում քննարկվել է սիրիական խնդրի կարգավորման գործընթացում Ղրղըզստանի խաղաղապահ ուժերի հնարավոր մասնակցության հարցը»,- նախօրեին ղրղըզ պաշտոնյայի այս խոսքերն է մեջբերել РИА новости-ին: Այլ մանրամասներ չեն հաղորդվել: Ջումակադիրովը նշել է նաև, թե Բիշքեկն... Читать дальше...

Հունիսի 18-ից 24-ն ընկած ժամանակահատվածում ղարաբաղա-ադրբեջանական հակամարտ զորքերի շփման գծում հակառակորդը տարբեր տրամաչափի հրաձգային զինատեսակներից հրադադարի պահպանման ռեժիմը խախտել է շուրջ 400 անգամ՝ շփման գծի տարբեր հատվածներում կիրառելով նաև 60 և 82 միլիմետրանոց ականանետեր ու հաստոցավոր հակատանկային 7 ավտոմատ նռնականետեր: Այս մասին հաղորդում է ԼՂ պաշտպանության նախարարությունը: «Բացի հրադադարի պահպանման ռեժիմի վերոնշյալ խախտումներից, հունիսի 21-ի լույս 22-ի գիշերը ադրբեջանական հատուկ ջոկատայինները... Читать дальше...

Մամուլն անդրադառնում է ներքաղաքական խնդիրներին, կառավարության ծրագրին, ղարաբաղյան հակամարտությանը:

Այսօր առավոտյան ժամը 08:31-ին Մ-14 ավտոճանապարհի Վարդենիս-Շորժա հատվածում ՊՆ պետհամարանիշով «ԳԱԶ 66» մակնիշի ավտոմեքենան դուրս է եկել ավտոճանապարհի երթևեկելի հատվածից և մոտ 6 մետր սահել մոտակա ձորակը (թափքը պոկվել է)։ 14 զինծառայողներ տարբեր աստիճանի մարմնական վնասվածքներով տեղափոխվել են Վարդենիսի զինվորական հոսպիտալ, որտեղ բժիշկները 7 տուժածի առողջական վիճակը գնահատել են ծանր, իսկ մյուս 7-ինը՝ միջին ծանրության: «Արմենպրես»-ի հաղորդմամբ, այս մասին տեղեկացրել է ՀՀ ՊՆ մամուլի քարտուղար Արծրուն Հովհաննիսյանը... Читать дальше...