Новости за 24.05.2017

Անգլիական «Մանչեսթր Յունայթեդ» ֆուտբոլային ակումբը իր պատմության մեջ առաջին անգամ դարձավ ՈւԵՖԱ-ի Եվրոպայի լիգայի հաղթող։ Հեղինակավոր մրցաշարի՝ չորեքշաբթի ուշ երեկոյան Ստոկհոլմում կայացած եզրափակիչ խաղում «Մանչեսթր Յունայթեդ»-ը 2:0 հաշվով առավելության հասավ Ամստերդամի «Այաքս»-ի նկատմամբ։ Հանդիպման հաշիվը բացեց Պոլ Պոգբան 18-րդ րոպեին, իսկ Հայաստանի հավաքականի ավագ Հենրիխ Մխիթարյանը 48-րդ րոպեին գեղեցիկ գոլով կրկնապատկեց այն։ Եվրոպայի լիգայում խփած 6 գոլերով հայ ֆուտբոլային աստղը դարձավ մրցաշարում «Մանչեսթեր Յունայթեդ»-ի լավագույն ռմբարկուն... Читать дальше...

Միացյալ Նահանգների նախագահ Դոնալդ Թրամփը ժամանել է Բրյուսել, որտեղ վաղը մասնակցելու է ՆԱՏՕ-ի գագաթնաժողովին: Ակնկալվում է, որ Թրամփը կոչ է անելու 28 անդամներից բաղկացած ռազմական դաշինքի անդամներին մեծացնել իրենց ռազմական ծախսերը և ավելի մեծ ջանքեր գործադրել միջազգային ահաբեկչության դեմ պայքարում: Այցի շրջանակներում Թրամփը հանդիպումներ կունենա նաև Եվրոպական Միության կառույցների ղեկավարների հետ:

«Ավրորա» մրցանակի անցած տարվա դափնեկիր Մարգարետ Բարանկիցեն Գյումրիում էր

Սառը պատերազմի տարիներին Խորհրդային Միությունում Միացյալ Նահանգների դեսպան Ջեք Մեթլոքն այսօր «Ազատության» հետ զրույցում անդրադառնալով Ղարաբաղյան խնդրին՝ կարծիք հայտնեց, թե գերտերությունները Հայաստանի ու Ադրբեջանի փոխարեն խնդիրներ չեն լուծելու, յուրաքանչյուր երկիրը ինքը պետք է որոշի՝ ցանկանում է պատերազմել, թե գտնել խաղաղության ուղիներ:  «Ես ցնցված էի 1989-ին, երբ այստեղ էի և խոսեցի կոմկուսի քարտուղարների հետ: Երևանում պարոն Հարությունյանն էր, իսկ Բաքվում՝ դեսպան Վեզիրովը: Նրանցից յուրաքանչյուրն... Читать дальше...

Պոլսո հայոց պատրիարքի հրաժարականով ըստ էության, հարթվում է Հայոց նոր պատրիարքի ընտրության շուրջ առաջացած ճգնաժամը:

Հանրապետության նախագահ, ՀՀ զինված ուժերի գերագույն գլխավոր հրամանատար Սերժ Սարգսյանն այսօր ՀՀ պաշտպանության նախարարության վարչական համալիրում հանդիպում է ունեցել ՀՀ ԶՈՒ ղեկավար կազմի հետ: Այս մասին տեղեկացնում է ՀՀ նախագահի պաշտոնական կայքը: Հանդիպման մասին այլ մանրամասներ չեն հաղորդվում:

Հայաստանի վարչապետ Կարեն Կարապետյանի գլխավորած կառավարական պատվիրակությունը մայիսի 25-ին երկօրյա աշխատանքային այցով կմեկնի Ռուսաստանի Դաշնություն՝ Կազան քաղաքում կայանալիք Եվրասիական միջկառավարական խորհրդի և ԱՊՀ կառավարությունների ղեկավարների խորհրդի նիստերին մասնակցելու նպատակով: Այս մասին տեղեկացնում է Կառավարության պաշտոնական կայքը:

Լեհաստանի արտգործնախարարությունը հաստատել է, որ Մանչեստրի ահաբեկչական հարձակման հետևանքով զոհվածների թվում Լեհաստանի երկու քաղաքացի կա: Լեհաստանի արտգործնախարարությունը հրապարակել է նրանց անունները՝ անգլիական Յորք քաղաքում ապրող Անգելիկա և Մարցին Քիլս ամուսինները մեկնել էին Մանչեստր՝ Արիանա Գրանդեի համերգին մասնակցելու եկած իրենց դուստրերին տուն տանելու համար: Լեհաստանի արտգործնախարար Վիթոլդ Վաշիկովսկին, մասնավորապես, հայտարարել է․ - «Ծնողները եկել էին համերգից հետո իրենց երեխաներին վերցնելու... Читать дальше...

Ռուսաստանաբնակ հայտնի գործարար Ռուբեն Վարդանյանի կարծիքով, Հայաստանի անկախության նախորդ 25 տարիները բավարար էին պատմությունը գնահատելու և եզրակացությունների համար, իսկ այժմ ժամանակն է երկիրը հաջողակ ու բարգավաճող դարձնելու համար:  «Մենք անցել ենք մի ոչ դյուրին փուլ՝ շատ լուրջ ճգնաժամից դեպի վերականգնում, և այժմ մեր ամբիցիաների հարցն է, թե ինչպես անել, որ ճգնաժամից վերականգնված բավականին կայուն երկիրը դարձնենք ծաղկող և հաջողակ», - «Ազատության» հետ զրույցում ասաց Վարդանյանը: «Ավրորա» մարդասիրական նախաձեռնության... Читать дальше...

Մանչեսթրի համերգասրահում ահաբեկչություն իրականացնելու մեջ կասկածվող Սալման Աբեդին նախկինում այցելել էր Լիբիա, «հնարավոր է նաև» Սիրիա և կապեր ուներ «Իսլամական պետություն» խմբավորման հետ, այսօր հայտարարել է Ֆրանսիայի ներքին գործերի նախարար Ժերար Կոլոմբը: BFMTV-ի հետ զրույցում Կոլոմբը, մասնավորապես, ասել է․ - «Այսօր մենք գիտենք միայն այն, ինչ բրիտանացի քննիչներն են մեզ ասել՝ նա Բրիտանիայի քաղաքացի է, ով արմատներով Լիբիայից է և Լիբիա, այնուհետև հավանաբար նաև Սիրիա կատարած այցից հետո հանկարծ ծայրահեղական... Читать дальше...

ՈՒԵՖԱ-ն հաստատել է, որ «Մանչեստր Յունայթեդ» - «Այաքս» հանդիպման հանդիսավոր բացման արարողությունը տեղի կունենա առավել զուսպ և սեղմ սցենարով:

“Zhamanak” suggests that President Serzh Sarkisian’s unwillingness to speak about his political plans prompts that not everything is under his control. “The actions of Sarkisian reveal his goal – not to allow anyone to understand what he is doing. This is not an action or tactic of a person who keeps the situation under his control.”

Leader of the opposition Yerkir Tsirani party Zaruhi Postanjian on Wednesday filed an action with the administrative court to annul the results of the May 14 municipal elections in Yerevan.

Դեռ անցյալ տարի Մշակույթի նախարար Արմեն Ամիրյանը հայտարարեց, որ 2017 թվականին կինոարվեստի ոլորտում լուրջ փոփոխություններ են տեղի ունենալու, որոնք պիտի նպաստեն հայ կինոյի զարգացմանն ու տարածմանը: Ենթադրվում է, որ 2017-ին վերջապես կընդունվի «Կինոյի մասին» օրենքը, որի մասին խոսվում է արդեն երկու տասնամյակից ավելի: Երեկ Մշակույթի նախարարություն իր աշխատանքային այցի ընթացքում վարչապես Կարեն Կարապետյանը հանձնարարել է մեկ ամսվա ընթացքում մշակել և ներկայացնել կինոարդյունաբերության զարգացման ծրագիր, իր ձևակերպմամբ՝ «կոնցեպցիա... Читать дальше...

An opposition alliance has asked authorities to look into some alleged evidence suggesting that vote buying by Armenia’s ruling party during municipal elections in Yerevan earlier this month had a “systematized and centralized” nature.

Այսօր Բիշքեկում տեղի է ունեցել ԱՊՀ երկրների անվտանգության մարմինների և հատուկ ծառայությունների ղեկավարների խորհրդի հերթական նիստը, որին մասնակցել է Հայաստանի կառավարությանն առընթեր Ազգային անվտանգության ծառայության (ԱԱԾ) տնօրեն, գեներալ-մայոր Գեորգի Կուտոյանի գլխավորած պատվիրակությունը: ԱԱԾ մամուլի կենտրոնի հաղորդագրության համաձայն՝ նիստի ընթացքում քննարկվել են միջազգային ահաբեկչության և ծայրահեղականության, կազմակերպված հանցավորության դեմ պայքարի, միջազգային փոխադրամիջոցների անվտանգության ապահովման... Читать дальше...

Ոստիկանությունից «Ազատությանը» փոխանցեցին, որ առայժմ հետաքննություն է անցկացվում՝ պարզելու փաստաբան Ինեսսա Պետրոսյանի և նրա ընտանիքի անդամների հասցեին թե՛ Էրեբունիի դատարանում և թե՛ համացանցում հնչեցված սպառնալիքների հեղինակներին։

Քննչական կոմիտեի Գեղարքունիքի մարզային քննչական վարչության Վարդենիսի քննչական բաժնում հարուցվել է քրեական գործ՝ Վարդենիսում այսօր տեղի ունեցած պայթյունի դեպքի առթիվ: «Նախնական տվյալներով՝ 2017 թ. մայիսի 24-ին` ժամը 04:00-ի սահմաններում, Վարդենիս քաղաքի բնակիչներից մեկի բակում տեղի է ունեցել պայթյուն, որի հետևանքով վնասվել են բակում կայանված «BMW 525i» մակնիշի ավտոմեքենան, բնակարանի պատուհանների ու մուտքի դռան ապակիները՝ քաղաքացուն պատճառելով զգալի չափերի գույքային վնաս», - ասված է Քննչական կոմիտեի հաղորդագրությունում... Читать дальше...

Ազգային ժողովի նախագահ Արա Բաբլոյանի որոշմամբ, կառավարության նախաձեռնությամբ մայիսի 30-ին ժամը 11-ին կգումարվի խորհրդարանի արտահերթ նիստ` նախաձեռնողի սահմանած օրակարգով: Այդ մասին հաղորդում է Ազգային ժողովի հասարակայնության հետ կապերի վարչությունը: Նիստի օրակարգում ընդգրկված են, մասնավորապես, Հայաստանի կառավարության կառուցվածքի մասին, Քննչական կոմիտեի մասին, Պետական պաշտոններ զբաղեցնող անձանց վարձատրության մասին, Հեռուստատեսության և ռադիոյի մասին, Պետական տուրքի մասին օրենքներում փոփոխություններ և լրացումներ կատարելու մասին օրինագծերը... Читать дальше...

Վարչապետ Կարեն Կարապետյանի գլխավորած կառավարական պատվիրակությունը վաղը երկօրյա աշխատանքային այցով կմեկնի Ռուսաստան՝ Կազան քաղաքում կայանալիք Եվրասիական միջկառավարական խորհրդի և ԱՊՀ կառավարությունների ղեկավարների խորհրդի նիստերին մասնակցելու նպատակով: Այդ մասին հայտնում է Հայաստանի կառավարության տեղեկատվության և հասարակայնության հետ կապերի վարչությունը: Եվրասիական միջկառավարական խորհրդում ընդգրկված են Եվրասիական տնտեսական միության (ԵԱՏՄ) անդամ երկրների կառավարությունների ղեկավարները:

Առանցքային մի շարք հարցերում տրամագծորեն հակառակ դիրքորոշումներ ունեցող առաջնորդների հանդիպումը Վատիկանում անցել է ջերմ մթնոլորտում:

ՄԱԿ-ի բնակչության հիմնադրամի հայաստանյան գրասենյակի գործադիր ներկայացուցիչ Գարիկ Հայրապետյանը կարծիքով, 2040 թվականին Հայաստանի բնակչության թիվը 4 միլիոնի հասցնելը դժվար իրագործելի է: Նախագահ Սերժ Սարգսյանը մայիսի 18-ին նորընտիր Ազգային ժողովին իր ուղերձում մտահոգիչ էր համարել վիճակը՝ առաջիկա տասնամյակների համար որպես գերխնդիր նշելով Հայաստանի ժողովրդագրական իրավիճակի էական բարելավումը: Սարգսյանը նաև առաջին անգամ կոնկտեր թվեր հնչեցրեց՝ 2040 թվականին Հայաստանում առնվազն 4 միլիոն բնակիչ պետք է լինի... Читать дальше...

Մեծ Բրիտանիայում երեք մարդ է ձերբակալվել, որոնք կասկածվում են Մանչեսթրի համերգասրահում իրականացված ահաբեկչությանն առնչություն ունենալու մեջ: Այսօր Միացյալ Թագավորության ներքին գործերի նախարար Էմբըր Ռադը BBC-ին ասել է, թե հնարավոր է՝ հարձակվողը միայնակ չի գործել: Ավելի վաղ ոստիկանությունը հրապարակել էր հարձակվողի ինքնությունը՝ 22-ամյա Սալման Աբեդի, ծնվել է Մանչեսթրում՝ Լիբիայից ներգաղթած ընտանիքում: Մանչեսթրի համերգասրահում նրա կատարած ահաբեկչական հարձակման արդյունքում 22 մարդ է զոհվել, 59-ը վիրավորվել են... Читать дальше...

Հայաստանի արտգործնախարարի պաշտոնակատար Էդվարդ Նալբանդյանը այսօր Մադրիդում մասնակցել է «Էթնիկ և կրոնական բռնության զոհերը Մերձավոր Արևելքում» խորագրով միջազգային նախարարական համաժողովին, որը կազմակերպվել էր Իսպանիայի և Հորդանանի կողմից։ Արտգործնախարարության մամուլի և տեղեկատվության վարչության փոխանցմամբ՝ համաժողովին մասնակցում էին շուրջ 60 միջազգային կազմակերպությունների և պետությունների բարձրաստիճան պատվիրակություններ։ Պատվիրակությունների ղեկավարներին ընդունել է Իսպանիայի թագավոր Ֆելիպե վեցերորդը։... Читать дальше...

Մոսկվայում 75 տարեկանում մահացել է խորհրդային բռնապետ Իոսիֆ Ստալինի թոռը՝ Ալեքսանդր Բուրդոնսկին: Նա Վասիլի Ստալինի որդին է, բայց վերցրել էր մոր ազգանունը: Ալեքսանդր Բուրդոնսկին բեմադրող ռեժիսոր էր Ռուսական բանակի թատրոնում, շուրջ երկու տասնյակ բեմադրությունների հեղինակ է, ինչպես նաև երկար տարիներ դասավանդել է Թատերական ինստիտուտում՝ ГИТИС-ում:  Բուրդոնսկու մահվան մասին հաղորդում է «Ինտերֆաքս» լրատվական գործակալությունը՝ վկայակոչելով թատրոնի ներկայացուցիչներին: