Новости за 23.01.2016

Նախագահ Սերժ Սարգսյանն այսօր ընդունել է Ֆրանսիայի զարգացման և ֆրանկոֆոնիայի հարցերով պետքարտուղար Աննիկ Ժիրարդենին, ով նաև Ֆրանսիայի նախագահի անձնական ներկայացուցիչն է Ֆրանկոֆոնիայի միջազգային կազմակերպությունում: Հայաստանի նախագահի պաշտոնական կայքի փոխանցմամբ՝ զրուցակիցները երկուստեք գոհունակությամբ են խոսել հայ-ֆրանսիական առանձնաշնորհյալ հարաբերությունների, պատմամշակութային ամուր հիմքի վրա խարսխված հայ և ֆրանսիացի ժողովուրդների դարավոր բարեկամության մասին:  Սարգսյանը շնորհակալություն է հայտնել... Читать дальше...

Պատշաճ բժշկական օգնություն չցուցաբերելու և մասնագիտական պարտականությունները չկատարելու մեջ կասկածվող բժիշկը մեկ օր ձերբակալված մնալուց հետո ազատ արձակվեց։

«Հորդորում ենք իշխանություններին անել հնարավորը, որ ազատազրկման պայմանները համապատասխանեն եվրոպական չափանիշներին»,- ասել է Հայաստանում ԵՄ պատվիրակության ղեկավարը:

Ազգային ժողովի պատգամավոր Նիկոլ Փաշինյանը իր «Ֆեյսբուք»-ի էջում հայտնել է, որ այսօր «Նուբարաշեն» քրեակատարողական հիմնարկում տեսակցել է Հայկ Կյուրեղյանին և Գևորգ Սաֆարյանին: «Տղաները գտնվում են առանձին խցերում: Նրանց հետ մանրամասն քննարկեցի վերջին շաբաթվա ընթացքում տեղի ունեցած իրադարձությունները: Հույս ունեմ քրեակատարողական համակարգի պաշտոնյաները զերծ կմնան լարվածության նոր առիթներ ստեղծելուց»,- գրել է պատգամավորը։

Միացյալ Նահանգների պետքարտուղար Ջոն Քերրին և Ռուսաստանի արտաքին գործերի նախարար Սերգեյ Լավրովը անցած գիշեր հեռախոսով քննարկել են Սիրիայում ստեղծված կացությունը: Երկու երկրների արտաքին քաղաքական գերատեսչությունների ղեկավարների հեռախոսային բանակցությունները կայացել են հաջորդ շաբաթ Ժնևում սիրիական կարգավորմանը նվիրված համաժողովի մեկնարկից երկու օր առաջ: Քերրին և Լավրովը Սիրիայում ստեղծված կացությունը վերջին անգամ քննարկել էին երեք օր առաջ` հունվարի 20-ին:

«Վլադիմիր Պուտինը չի խնդրել Բաշար Ասադին հրաժարական ներկայացնել Սիրիայի նախագահի պաշտոնից»,- պատասխանելով ռուսական TACC գործակալության թղթակցի հարցին՝ այսօր հայտարարել է Ռուսաստանի նախագահի մամուլի խոսնակ Դմիտրի Պեսկովը: Երեկ բրիտանական Financial Times պարբերականը մի հոդված էր հրապարակել, որում պնդում է, որ Պուտինը Ռուսաստանի Գլխավոր հետախուզական վարչության (ГРУ) պետ Իգոր Սերգունի միջոցով հատուկ ուղերձ է հղել Ասադին` կոչ անելով նրան հրաժարական ներկայացնել: Ասադը մերժել է Մոսկվայի առաջարկը: Բրիտանական... Читать дальше...

Մամուլը վերլուծում է կոալիցիա կազմելու շուրջ Սերժ Սարգսյան-Հրանտ Մարգարյան բանակցությունները, անդրադառնում է նաև գազի գնի շուրջ բանակցություններին, էլեկտրաէներգիայի սակագնի հնարավոր վերանայմանը և այլ հրատապ թեմաների։

Պյոտր Սվիտալսկին ասել է՝ Հայաստանի միջազգային գործընկերները պատրաստ են իշխանությունների հետ քննարկումներ ծավալել Ընտրական օրենսգրքի շուրջ։

Դատարանը ապօրինի է համարել «Շենգավիթ» բժշկական կենտրոնի բժշկուհի Շուշանիկ Բախշյանի ձերբակալման որոշումը և նրան ազատ արձակելու որոշում է կայացրել, «Ազատությանը» փոխանցեց բժշկուհու փաստաբան Ալեքսանդր Սիրունյանը։ Փաստաբանի խոսքով՝ քննիչը «փախել է դատարանից»՝ առանց դատավորի որոշումը կատարելու, այսինքն ձերբակալված բժիշկին ազատ արձակելու փաստաթղթային ձևակերպումները տալու։ Արդեն մեկ ժամ է անցել դատարանի որոշումից, բայց Բախշյանը դեռևս գտնվում է դատարանի շենքում։  Քիչ առաջ դատարան եկավ «Շտապօգնության» մեքենան... Читать дальше...

Այսօր տեղի է ունեցել Հայ ազգային կոնգրեսի (ՀԱԿ) վարչության նիստ: Նկատի ունենալով Հայաստանի ժողովրդական կուսակցության (ՀԺԿ) հետ ձեռք բերված քաղաքական պայմանավորվածությունը, վարչությունը որոշել է մարտի 1-ին հրավիրել ՀԱԿ-ի և ՀԺԿ-ի համատեղ հանրահավաք և երթ: Քննարկվել են հանրահավաքի և երթի նախապատրաստման հետ կապված հարցեր, տեղեկացնում է ՀԱԿ-ի լրատվական ծառայությունը։ ԱԺ Կոնգրեսի անդամ պատգամավորները ներկայացրել են գարնանային նստաշրջանում խմբակցության ծրագիրը, մասնավորապես` նախապատրաստվող օրենսդրական նախաձեռնությունների փաթեթը... Читать дальше...

Երևանի քաղաքապետարանը տեղեկացնում է, որ «Հայպետհիդրոմետ» ծառայության տվյալների համաձայն, այսօր՝ հունվարի 23-ի երեկոյան ժամերից Երևանում սպասվում են ձյան տեսքով տեղումներ, որոնք կշարունակվեն մինչև հունվարի 26-ի ցերեկը: Առաջիկա օրերին սպասվում է նաև ջերմաստիճանի կտրուկ նվազում մինչև -17 աստիճանի: «Հաշվի առնելով այս հանգամանքը, Երևանի քաղաքապետարանի համապատասխան բոլոր ծառայությունները կաշխատեն արտակարգ ռեժիմով՝ փորձելով առավելագույնս մեղմել տեղումներով պայմանավորված քաղաքացիներին պատճառվող հնարավոր անհարմարությունները։ Հարկ է նշել... Читать дальше...

Նախագահ Սերժ Սարգսյանն այսօր այցելել է Հայկական ատոմային էլեկտրակայան։ Նախագահի պաշտոնական կայքի փոխանցմամբ՝ Սարգսյանը շրջայց է կատարել կայանում, ծանոթացել ՀԱԷԿ-ի ընթացիկ աշխատանքներին, անցած տարվա արտադրատնտեսական գործունեության արդյունքներին, ինչպես նաև երկրորդ էներգաբլոկի շահագործման ժամկետի երկարացման նպատակով իրականացվող աշխատանքների առաջին փուլի ընթացքին։ Ատոմակայանի ղեկավարությունը նախագահին ներկայացրել է ՀԱԷԿ-ի շահագործման ժամկետը ևս 10 տարով երկարացնելու նպատակով Ռուսաստանի Դաշնության... Читать дальше...

ՀՀ քննչական կոմիտեի Շիրակի մարզային քննչական վարչությունում քննվող քրեական գործերով պարզվել են թիվ 34/01, 35/37, 34/06, 35/35 ընտրատեղամասերում այլ անձանց փոխարեն քվեարկություն կատարելու հանգամանքները, առերևույթ հանցագործություն կատարած անձանց ինքնությունը։ Քննչական կոմիտեն հայտնում է, որ ձեռք բերված ապացույցների համակցությամբ՝ մեղադրանքներ են առաջադրվել համապատասխանաբար 35/37, 35/35 տեղամասային ընտրական հանձնաժողովի անդամներին՝ Նազելի Բաղդասարյանի և Հովհաննես Մաթևոսյանի փոխարեն քվեարկելու համար։... Читать дальше...

Թուրքիայի իշխանությունները չեն պատրաստվում համագործակցել Սիրայի քրդերի ամենաազդեցիկ ուժի` «Ժողովրդական միության կուսակցության» (PYD) հետ: Այս մասին հայտարարել է Թուրքիայի վարչապետ Ահմետ Դավութօղլուն` հակադարձելով Միացյալ Նահանգների փոխնախագահ Ջոզեֆ Բայդենը հայտարարությանը, ըստ որի «Անկարան չպետք է հավասարության նշան դնի Թուրքիայում գործող «Քրդական աշխատավորական կուսակցության» և Սիրիայի քրդերի միջև»: «Երբ հայտարարում են, որ այդ երկու խմբավորումները տարբեր են, թերևս տեղյակ չեն, որ «Քրդական աշխատավորական... Читать дальше...

Աշխարհի ամենահեղինակավոր ֆինանսական վարկանիշային կազմակերպություններից մեկը` Moody's-ը, ուրբաթ օրը վերանայել է ադրբեջանական վեց բանկերի կացությունը` հանդես գալով դրանց ապագայի հոռետեսական կանխատեսումներով: Դիտարկված բանկերից երեքի` VTB-Azerbaijan-ի, Bank of Baku-ի և UniBank-ի պարագայում իջեցվել են թե՛ վարկանիշները, և թե՛ բազային վարկային գնահատականները: «Բանկերի հետագա շահութաբերության կանխատեսումն, ըստ Moody's-ի մասնագետների, ևս բացասական է: Ադրբեջանի բանկային համակարգում ստեղծված անկայունության... Читать дальше...

«Գերմանիան կոչ է անում Թուրքիայի իշխանություններին գործուն քայլեր ձեռնարկել անօրինական ներգաղթյալների հոսքը դեպի Եվրամիություն սահմանափակելու համար»,- երեկ Բեռլինում Թուրքիայի վարչապետ Ահմետ Դավութօղլուի հետ համատեղ ասուլիսի ժամանակ հայտարարել է Գերմանիայի դաշնային կանցլեր Անգելա Մերկելը։ Մերկելը նաև անընդունելի է համարել հանգամանքը, որ Թուրքիայի և Հունաստանի միջև ներգաղթյալների տեղափոխման անօրինական մեխանիզմներ են գործում: Գերմանիայի կանցլերը նշել է, որ Եվրամիությունը անօրինական միգրացիայի խնդրում պարտավոր է միասնական դիրքորոշում որդեգրել... Читать дальше...

Վաշինգտոնը չի բացառում, որ Ռուսաստանի դեմ պատժամիջոցները կարող են վերացվել արդեն առաջիկա ամիսներին: Այս մասին Դավոսի միջազգային տնտեսական համաժողովի ընթացքում հայտարարել է Միացյալ Նահանգների պետքարտուղար Ջոն Քերրին՝ նշելով, որ Վաշինգտոնը նման հավանականությունը կքննարկի այն դեպքում, եթե Մոսկվան նպաստի Ուկրաինայի արևելքում հրադադարի հաստատմանն ուղղված Մինսկի համաձայնագրերի լիարժեք կատարմանը:

Ռուսաստանի Դաշնությունը արգելել է Հայաստանից մի շարք գյուղմթերքների, այդ թվում՝ մսի, կաթնամթերքի ներմուծումը։

Գյուղացիների պնդմամբ, ՀԷԿ-ի կառուցումից հինգ տարի է անցել, իսկ իրենցից վերցված հողերի դիմաց դեռ փոխհատուցում չի տրվել։

Լեռնային Ղարաբաղի Պաշտպանության բանակի օպերատիվ տվյալների համաձայն, հունվարի 17-23-ն ընկած ժամանակահատվածում Ղարաբաղի և Ադրբեջանի հակամարտ զորքերի շփման գծում հակառակորդի կողմից տարբեր տրամաչափի հրաձգային զինատեսակներից և 82 միլիմետրանոց ականանետից հայ դիրքապահների ուղղությամբ արձակվել է ավելի քան 3200 կրակոց: «ՊԲ առաջապահ զորամասերը տիրապետում են օպերատիվ-մարտավարական իրադրությանը և շարունակում վստահորեն իրականացնել մարտական հերթապահություն»,- հայտնում է Լեռնային Ղարաբաղի պաշտպանության նախարարության... Читать дальше...

Անցած հուլիսին մահացած ծննդկան Մերի Մարգարյանի գործով ձերբակալվել է նրա բժշկուհին՝ Շուշանիկ Բախշյանը։ Այս մասին «Ազատությանը» հայտնեց ՀՀ քննչական կոմիտեի նախագահի խորհրդական Սոնա Տռուզյանը՝ հավելելով, որ «Շենգավիթ» բժշկական կենտրոնի բժշկուհին ձերբակալվել է երեկ և հղի կնոջ մահվան փաստով հարուցված քրեական գործում ներգրավվել է որպես կասկածյալ։ 26-ամյա Մերի Մարգարյանի հարազատները բժշկուհուն են մեղադրում կնոջ և նրա նորածին երեխայի մահվան մեջ՝ պնդելով, թե Բախշյանը հրաժարվել էր հոսպիտալացնել չորս օր ջերմող հղիին... Читать дальше...

Ինը տարվա ազատազրկման դատապարտված Հայկ Կյուրեղյանը դադարեցրել է հացադուլը և ջրադուլը։ Այս մասին հայտնում է Արդարադատության նախարարության քրեակատարողական հիմնարկներում վերահսկողություն իրականացնող հասարակական դիտորդների խումբը, որը «Նուբարաշեն» ՔԿՀ-ում Կյուրեղյանին այցելել է հունվարի 22-ի երեկոյան։ Այցելության ընթացքում դիտորդական խմբի անդամներ Ա․ Զալյանը, Ա․ Սահակյանը ինչպես նաև փորձագետ Ա․ Սաքունցը հանդիպում են ունեցել «Նուբարաշեն» ՔԿՀ-ի պետի հետ։ Հանդիպման ընթացքում դիտորդները և փորձագետը ներկայացրել... Читать дальше...

Հայաստանի տարածքում հունվարի 24-26-ին շրջանների զգալի մասում սպասվում են տեղումներ, 24-ին հովտային գոտիներում‵ թաց ձյուն: Հունվարի 27-28-ին սպասվում է առանց տեղումների եղանակ: Օդի ջերմաստիճանը 24-27-ին աստիճանաբար կնվազի 12-15 աստիճանով: Մայրաքաղաք Երևանում հունվարի 24-ին սպասվում է թաց ձյուն, 25-26-ին‵ ձյուն: 27-28-ին սպասվում է առանց տեղումների եղանակ, հայտնում է Տարածքային կառավարման և արտակարգ իրավիճակների նախարարությունը։