Новости за 16.02.2024

1990 жылдары 12 және 13-сайланған Жоғарғы кеңес бірінен кейін бірі таратылды. Екіншісін таратарда Нұрсұлтан Назарбаев Конституциялық сотты пайдаланды. «Сот шешіміне амалсыз бағынатынын» мәлімдеді. Артынша Конституциялық сотты Конституциялық кеңеске айналдырып, өкілетін кесіп тастады. Саяси сарапшылар мұны Назарбаев өз билігін күшейту үшін жасады деп санайды.

Қазақстанда тұратын қарақалпақ белсендісі Ақылбек Мұратов ұсталды. Ол көпшілікке Мұратбай деген тегімен белгілі. Полиция оның Өзбекстанның өтінішімен қамауға алғанын айтты. Экстрадиция қаупі төніп тұрған белсендінің ісіне құқық қорғаушылар араласып жатыр.

Владимир Путиннің оппоненті, ресейлік саясаткер Алексей Навальныйдің түрмеде көз жұмғаны хабарланды. // Қазақстанда пойыз билетін қымбаттату ұсынылды. Бұған себеп – "Қазақстан темір жолы" ұлттық компаниясының қарызға батқаны. // Алматыда тұрып жатқан қарақалпақ белсендісі Ақылбек Мұратбайды полиция ұстады. Ол Өзбекстанға экстрадициялануы мүмкін. // Қаңтар оқиғасының соттары жалғасып жатыр. Алматы соты "резиденцияға шабуылдап, әскерді кепілге алды" деген күдікке ілінгендерден жауап алды.

"Қазақстан темір жолы" ұлттық компаниясының қарызы 3 трлн теңгеге жуықтады. Компания төрағасы қарызды қайтару үшін тарифтерді көтеру не компанияны мемлекеттен қаржыландыру керегін айтты. ҚТЖ мұндай қарызға қалай батты? Оның қызметіне жолаушылардың көңіл тола ма?

Алматыда Қаңтар оқиғасына байланысты тағы 11 адамның ісі қаралып жатыр. Оларға «жаппай тәртіпсіздікке қатысты», «Алматы әкімдігі мен президент резиденциясына шабуылдады» деген айыптар тағылған.

Ақтау мен Жаңаөзен қаласы, Жетібай кенті мен Түпқараған ауданында жүздеген маңғыстаулық азамат талап қойып тұр. Бір топтың ереуіл бастағанына екі айдан асса, басқалары кейінгі бір аптада наразылық білдіре бастаған. Бәрінің талабы ұқсас: бірі — жұмыс, екіншісі еңбек жағдайын жасқартуды сұрайды.

14 ақпанда әл-Фараби атындағы Қазақ ұлттық университетінің екі жүзге жуық студентінің жеке дерегі, арасында қыздардың жыныстық өмірі жөніндегі мәліметі бар ақпарат желіге тарап кетіп, қоғам наразылығын тудырды. Алматы прокуратурасы қылмыстық бап бойынша тергеу басталғанын мәлімдеді.

Ұрып-соғып, пышақтап, айдалада қалдырған. Орал көшесінен өлі табылған Нариман Рагуфтің қазасына күдікті ретінде жергілікті судьяның ұлы мен оның танысы тұтқындалып, істі болды. Оларға "Бұзақылық" және "Адам ұрлау" баптары бойынша айып тағылған.

Былтыр көктемде Орал қаласының маңынан денесінде пышақ пен соққы іздері бар 21 жастағы жігіт өлі табылған. Тергеу бұл оқиға кісі өлтіруге жатпайды деп ұйғарды. Күдікті екі жас жігіттің үстінен қозғалған іс бір жылдай уақыт өткенде сотқа жетті. Күдіктілердің бірі – судьяның ұлы.