Новости за 06.08.2021

Лейлектин Катраң айылында жол тосууга айыпталып кармалган алты адам үй камагына чыкты. Алардын арасында жергиликтүү кеңештин депутаттары да бар. Мындан эки күн мурун Катраң айылындагы Алмалуу жайлоосундагы алтын кенин чалгындаган ишкана менен жергиликтүүлөр ортосунда чыр чыккан. 5-августта милиция жергиликтүү алты тургунду шектүү катары камакка алган. 6-августта жергиликтүү эл Лейлек - Исфана жолун бууп, алтын кенди чалгындоо иштерин токтотууну, кармалгандарды бошотууну талап кылышкан. Облус башчысы чогулгандар менен жолугуп... Читать дальше...

Түркмөнстанда Борбор Азия лидерлеринин жолугушуусу өтүп жатат. Президенттердин алгачкы диалогу бейрасмий форматта өтүп, өлкө президенти Гурбангулы Бердымухамедов конокторду Каспий деңизинин жээгинде тосуп алды. Жолугушуу деңиз жээгиндеги "Аваза" курортунда өтөт. Курорт Түркмөнбашы шаарынан 12 чакырым алыстыкта, Каспий деңизинин жээгинде жайгашкан. Президенттер келерден бир күн мурун шаарга кирген жолдор жабылып, жергиликтүү калктын күнүмдүк жашоосу үзгүлтүккө учураганы айтылууда. "Азаттык" радиосунун түркмөн кызматы кабарлагандай... Читать дальше...

Токио Олимпиада оюндарында сууда көркөм сүзүү боюнча мелдештер өтүп жатат. 5-августта спорттун бул түрүнүн эки спортчудан турган мелдештери жыйынтыкталды. Бүгүн командалык жарыштар башталды.

Москванын Преображенский райондук соту абакта отурган оппозициячыл саясатчы Алексей Навальныйдын иниси Олег Навальныйды бир жылга шарттуу кести. Бул тууралуу анын адвокаты Никос Параскевов "Твиттерге" жазды.   Олег Навальный санитардык ченемдерди бузууга шыкактоо фактысы боюнча айыптуу деп табылды. "Санитардык иш" быйыл 23-январда оппозициячыл саясатчы Алексей Навальныйды колдоо боюнча саясий акциянын катышуучуларына карата ачылган. Анда бийлик "оппозициялык саясатчынын тарапташтары пандемия... Читать дальше...

5-август күнү кечки саат 21:30дар чамасында Ала-Бука райондук ооруканасына 58 аскер дене табы көтөрүлүп кайрылышкан. Бул боюнча президенттин Жалал-Абад облусундагы өкүлү Абсаттар Сыргабаев "Азаттыкка" айтты. "Мен тийиштүүлөр менен сүйлөштүм. Кечээ, аскерлерге вакцина сайган экен. Айрымдарынын дене табы көтөрүлгөндүктөн 58и ооруканага түшкөн. Ал эми экөөсү бир аз кыйналып, булчуңдары тырышып кетиптир. Азыр аскерлердин абалы жакшы деп догдурлар айтып жатат". Бейтапканага жаткан аскерлердин кичүүсү 22 жашта болсо, улуусу 27 жашта. Читать дальше...

Министрлер кабинети (Минкаб) милиция кызматкерлерине ишкер чарбаларды текшерүү укугун берүүнү карап жатат. Участкалык милиционерлерге рычаг ыйгарылса алар салыкчыларга көмөктөшөт. Мурда бизнес чөйрөнү Финансы полициясы текшерчү жана экономикалык кылмыштарды да ушул мекеме иликтечү. Коомчулуктагы сын-пикирден кийин ал жоюлган эле. Жаңы демилге да сынга кабылды. Ниет жана сын Кыргыз өкмөтүнүн тиешелүү ниети тууралуу кабар Ички иштер министрлигинин (ИИМ) расмий маалыматынан соң белгилүү болду. Читать дальше...

Ооганстандын өкмөтүнүн маалымат саясатын жетектеген медиа борбордун башчысы Дава Хан Менапалды жоочулар 6-августа атып өлтүрдү. Бул тууралуу "Азаттыктын" ооган кызматы кабарлады. Бул “Талибан” кыймылынын Ооганстандын бийлигинин расмий өкүлдөрүнө кол салган соңку окуя болуп калды. Талибдердин өкүлү Забиулла Мужахид Менапалдын өлүмү үчүн жоопкерчиликти өзүнө алды. Ал ооган кызматынын суроосуна текст түрүндө берген жообунда “бул атайын кол салуу” деп жооп кайтарды. Бул окуя БУУнун Коопсуздук кеңеши... Читать дальше...

“Кыргызкөмүр” ишканасынын эмгек жамааты мамлекет башчысына кайрылуу жасады. Алар коррупцияга шектелип камакка алынган жетекчисине жалган жалаа жабылып жатат деп эсептешет. Кайрылууда 370 миң тонна көмүр уурдалууга мүмкүн эмес экени жазылган.

Улуттук коопсуздук боюнча мамлекеттик комитеттин (УКМК) басма сөз кызматы 6-августта Коопсуздук кеңешинин төрагасынын орун басары Таалатбек Масадыковдун айткандарына жообун жарыялады. Анда атайын кызмат Масадыковдун кеңештерине муктаж эмес экени айтылды. «УКМК бүгүнкү күндө масс-медиа менен иштөө бийлик органдары үчүн болуп көрбөгөндөй маанилүү, анткени бул аткарылып жаткан иш тууралуу коомчулукту кабардар кылып туруунун жеткиликтүү ыкмасы деп эсептейт. УКМК аткаруу бийлигинин маанилүү органы... Читать дальше...

Беларус мигранттарды чек арадан мыйзамсыз өткөрүп, беларустук спортчуга саясий башпаанек бергени үчүн Варшаваны “жазалагысы” келет. Бул тууралуу поляк бийлигинин өкүлү 5-августта билдирди. Буга чейин Польша Токиодогу Олимп оюндары учурунда мелдештен четтеп, Минскиге кетүүгө мажбурланган беларустук жөө күлүк Кристина Тимановскаяга саясий башпаанек берген. Ал шашылыш түрдө гуманитардык виза алып, Варшавага учуп келди. Аны беларус бийлигинен арачалап, коопсуз жетишин поляк дипломаттары камсыздады. Читать дальше...

Эки жылдан бери таптырбай жүргөн италиялык "Ндрангета" кланынын мафия башчысы Доменико Павильятини Испаниядан кармалып, камакка алынды. Испания менен Италиянын укук коргоо органдары ал бейшемби күнү Мадрид шаарынын борбордук көчөлөрүнүн биринен кармалганын жарыялады. "Ндрангета" кландык мафиясы Италиянын түштүгүндөгү Калабрияда жайгашып, бирок өлкөнүн сырткары аймактарында да кулач жайганы белгиленген. Из кубарлар дал ушул уюшкан кылмыштуу топ Европага кокаин ташый турганын жана анын жылдык... Читать дальше...

"Элиза үй буюмдары" деп аталган “каржылык пирамидага” байланыштуу шектүү катары кармалган Элиза Бактыбек кызынын бөгөт чарасы сотто каралып, ал 5-августта үй камагына чыгарылды. Бул тууралуу “Азаттык” радиосуна Свердлов райондук сотунан кабарлашты. Мекеменин маалыматына караганда, прокуратура анын камак мөөнөтүн узартууну суранды. Бирок колунда 1,5 жашар наристеси жана алты айлык боюнда бар экенине, анын атындагы акча каражаттары боюнча электрондук эсептер камакка алынгандыгына жана күнөөсүн мойнуна... Читать дальше...

Кыргызстандын АКШдагы элчиси Бактыбек Аманбаев бул өлкөнүн Эл аралык билим берүү боюнча кеңештеринин стратегиялык өнүгүү боюнча вице-президенти Майкл Кёртис менен жолугушуу өткөрдү. Тышкы иштер министрлигинин маалыматына караганда, жолугушуу 5-августта өттү.  Анда аталган уюм ишке ашырып жаткан долбоорлор тууралуу кеңири маалымат берилди. Элчи Аманбаев FLEX программасына катышкан кыргызстандыктарды көбөйтүү, элет жергесиндеги окуучуларга англис тилин терең үйрөтүү боюнча долбоорду кеңейтүү тууралуу сунуштарын айтты. Читать дальше...

Улуттук илимдер академиясындагы академик жана мүчө-корреспондент шайлоонун жыйынтыгы добуш берген окумуштуулардын абийиринде. Мындай пикирин аталган илимий мекеменин президенти Муратбек Жуматаев 6-августта “Азаттыкка” билдирди. Анын айтымында, шайлоо мыйзам алкагында, тыштан кийлигишүүсүз өттү: “Азыркы курамды карай турган болсок, 90 пайызы анык эле окумуштуулар, эч кандай деле суроо жаралбашы керек. Ал эми 10 пайызы суроо туудурган талапкерлер болду. Аны четке кага албайбыз. Эми шайлоонун жыйынтыгы добуш берген окумуштуулардын абийиринде. Читать дальше...

Дүйнө жүзүндө ысык аба ырайына байланыштуу бир канча өлкөлөрдүн токойлорундагы өрт өсүмдүктөр, жапайы жандыктарды гана эмес, адам курмандыктарына да алып келген учурлар катталууда. Калифорнияда үч жумадан бери токойду каптаган өрт 150 жылдык тарыхы бар Гринвилл шаарын жок кылды. Гринвиллде жашаган сегиз жүздөй турган чыгарылып, куткарылды. Түркияда болсо өрт каптаган райондордун жүздөгөн тургундары коопсуз жерлерге көчүрүлдү. Көмүр менен иштеген электр станцияндагы өрттү бейшембиге караганда араң өчүрүүгө мүмкүн болду. Читать дальше...

Бүгүн, 6-августта Лейлек районундагы алтын кенин иштетүүгө каршы нааразылык акциясына байланыштуу жергиликтүү тургундар тосуп алган Исфана – Баткен – Ош трассасы ачылды. Бул тууралуу президенттин Баткен облусундагы өкүлү Абдикарим Алимбаев “Азаттык” радиосуна билдирди. “Эл менен жолуктук. Маселесин карап жатабыз, чечебиз. Азыр жол ачылды. Исфана – Баткен – Ош трассасы ачык”, - деди президенттин өкүлү. Бүгүн эртең менен Лейлек районунун Катраң айыл аймагынын ондогон тургундары Коргон айылынын... Читать дальше...

Кыргыз-тажик чек арасынын тактала элек тилкесине үйдүн тосмосун курууга аракет кылган тажик жарандары боюнча эки тараптуу сүйлөшүү жүргүзүлөр замат алар ишин токтотушкан. Окуя кечээ 5-августта болгонун Кыргызстандын Чек ара кызматы кабарлады. Мекеменин басма сөз кызматынын өкүлү Сажира Чоколоеванын айтымында, азыр эки өлкөнүн чек ара тилкесинде абал туруктуу: “5-августта Баткен облусунун Лейлек районунун Максат айылында болжол менен саат 18:30да “Футбол талаасы” деген тактала элек участокто Тажикстандын... Читать дальше...

АКШ Конгрессинин өкүлдөр палатасындагы ондогон демократтар президент Жо Байденге Кубадагы Гуантанамо аскер түрмөсүн жабуу боюнча кайрылышты. Бул кайрылуу 11-сентябрдагы террактардын 20 жылдыгына саналуу күн калганда 5-августта жасалды. Жалпысынан 75 мыйзам чыгаруучу кол койгон кайрылууда бул түрмөнүн иштеп жатышы адам укугу менен мыйзамдуулуктун үстөмдүгүн алып жүргөн өлкөгө аброй алып келбей турганы белгиленген. “Бул түрмөнү толугу менен жаап, андагы адамдардын санын кескин кыскартуу боюнча кандайдыр бир кадамдарды жасашыңызды өтүнөбүз. Читать дальше...

Кыргызстан коронавируска каршы AstraZeneca вакцинасын колдонууну убактылуу токтотту. Бул тууралуу 6-августта Саламаттык сактоо жана социалдык өнүктүрүү министрлиги кабарлады. Буга Жалал-Абадда аталган вакцинаны сайгандан кийин 44 аскер кызматкеринин абалы начарлаганы себеп болгону, бул окуя менен вакцинанын байланышы барбы же жокпу, аныктоо үчүн республиканын бардык аймактарында аны колдонуу убактылуу токтотулганы маалым болду. “Азыр 44 аскер кызматкеринин баарынын абалы туруктуу, алар дарыгерлердин көзөмөлүндө” деп айтылат маалыматта. Читать дальше...

5-августта Улуттук илимдер академиясынын академик жана корреспондент-мүчө илимий наамдарына шайлоо өтөт. Ага 127 талапкерден арыз түшкөн. Илимий жогорку наамдарга ат салышып жаткандардын катарында министрлер, Баш мыйзамдын долбоорун жазган окумуштуулар да бар. Улуттук илимдер академиясынын академик жана корреспондент-мүчө илимий наамдарына шайлоо ар кандай себептерден улам он жылдан ашык мезгилден бери өтпөй келген.

7-августта түнкүсүн Ысык-Көл, Нарын облустарынын кээ бир райондорунда, Ош облусунун тоолорунда өткүн өтүп, күн күркүрөйт, Ош облусунун дыйканчылык аймактарында жана калган облустарда жаан-чачын жаабайт. Күндүз Ысык-Көл, Нарын облустарынын кээ бир райондорунда, Ош, Жалал-Абад, Чүй, Баткен облустарынын тоолорунда өткүн өтүп, күн күркүрөйт, Ош, Жалал-Абад облустарынын өрөөндөрүндө, Чүй, Баткен облустарынын дыйканчылык аймактарында жана Талас облусунда жаан-чачын жаабайт. Батыш тараптан келген шамалдын ылдамдыгы секундасына 4-9 метрге жетет. Читать дальше...

Эл аралык Олимпиада комитети Токиодо беларустук жөө күлүк Кристина Тимановскаянын Олимпиадага катышуу укугун басмырлап, мелдештен негизсиз четтеткени үчүн машыктыруучулар Артур Шумак менен Юрий Моисевичти аккредитациясынан ажыратты. Ошондой эле, эл аралык Олимпиада комитетинин талабы менен алар токтоосуз түрдө Олимпиада айылынан чыгарылды. Мындай кадам Беларустун спорт чиновниктерине карата эскертүү иретиндеги убактылуу чара. Мындан сырткары эл аралык Олимпиада комитетинин расмий өкүлү Марк Адамс... Читать дальше...

Кыргызстандагы “Сапат” билим берүү мекемелерин жетектеп келген Орхан Инанды Түркияда түрмөнүн ооруканасында колунан операция болду. Бул тууралуу 6-августта “Азаттык" радиосуна анын адвокаты Халил Ибрагим Йылмаз билдирди. Жактоочунун айтымында, Инандынын колун аны уурдоо учурунда сындырышкан. Азыр операциядан кийин калыбына келип жатат. Адвокат Инандыга козголгон кылмыш иши менен таанышуу жүрүп жатканын, прокуратура аны 22 жылга чейин эркинен ажыратууну сунуш кылганын, алгачкы сот отуруму 16-cентябрга белгиленгенин маалымдады. Читать дальше...

Бишкекте бүгүн 6-августта “Кыргыз жараны” концепциясын ишке ашыруу планын бекитүү боюнча мекеме аралык топтун жыйыны өттү. Жыйында 2021-2026-жылдарга эсептелген бул концепция кыргыз жараны болгон ар бир адам үй-бүлө, коом жана мамлекет калыптандыра турган билим берүүнүн, маданияттын, тарбиянын жана өнүгүүнүн бир бөлүгү катары сезе алгыдай болушу зарыл экени айтылды. Аталган документ 2013-2017-жылдардагы “Элдин биримдигин жана улут аралык мамилелерди бекемдөө” концепциясынын уландысы экени белгиленди. Читать дальше...

Баткенде чек арадагы кандуу окуяга үч ай болду. Жаңжалда адам өмүрү кыйылып, бир нече айылдарда ондогон үйлөр талкаланган. “Азаттыктын” теле тобу каргашадан кийинки калыбына келтирүү иштерин, элдин турмушун көрүү үчүн ал айылдарга барды. Чек ара жаңжалында эң көп кыйраган Лейлек районунун Максат айылында калыбына келтирүү иштери кандай жүрүүдө?