Новости за 24.03.2021

Европа Биримдиги коронавируска каршы вакциналарды Британия жана башка өлкөлөргө экспорттоого чектөө киргизген эрежелерди кабыл алууну көздөөдө. Буга шаркетке мүчө өлкөлөрдөгү эмдөөнүн жай жүрүп жатканы жана вирустун үчүнчү толкуну себеп болду. 24-мартта жарыяланары кабарланган документ вакцинанын импорту менен экспортунун балансын сактоого багытталган. Евробиримдик эмдөө жогорку темпте жүрүп жаткан же коронавирус жугузган өлкөлөргө вакцина сатуунун көлөмүн кыскартышы мүмкүн. Биримдиктин аймагында коронавируска каршы эмдөө жай жүрүп... Читать дальше...

Кыргызстанда коронавирус жуктургандар көбөйүп, Бишкекте санитардык көзөмөл күчөтүлдү. Бишкек мэриясы атайын мобилдик бригадалар менен мекеме-ишканаларды текшерип, жарандарды санитардык талаптарды так аткарууга чакырып жатат. Коронавируска каршы республикалык ыкчам штабдын маалыматы боюнча акыркы бир күндө вирус дагы 115 адамдан табылса, анын 66сы Бишкек шаарынын тургундары болуп чыкты. Бул 3-февралдан берки эң чоң көрсөткүч. Илдеттен эки бейтап каза тапты. Көз жумган бейтаптар Бишкек шаарынын тургундары болчу. Читать дальше...

БУУнун Адам укуктары боюнча кеңеши Беларустагы оппозициянын демонстрацияларынын жүрүшүндө күч колдонууну иликтөө боюнча атайын топ түзөт. Тиешелүү резолюцияны кеңешке мүчө өлкөлөрдүн өкүлдөрү 24-мартта кабыл алды. Документке 20 өлкө «макул», жети өлкө «каршы» деген добуш берди. 20 өлкө добуш берүүдөн карманышты. Учурдагы Беларус бийлигинин ишенимдүү өнөгү саналган Орусия демонстрациялар учурундагы мыйзам бузууларды иликтөөгө каршы чыкты. «Беларустун элине колдообузду көрсөтүп, адам укугун бузгандарга... Читать дальше...

“Фейсбуктагы” баракчасына саясий билдирүүлөрдү жазып жүргөн Бишкектин тургуну Кундуз Ажыбекова Улуттук коопсуздук боюнча мамлекеттик комитетине 26-мартка суракка чакырылды. Бул тууралуу “Азаттыкка” Ажыбекова өзү маалымдап, атайын кызматтын чакыруу кагазын көрсөттү.   Ал чакырууга “Фейсбук” баракчасындагы билдирүү себеп болушу мүмкүн экенин айтып жатат. Атайын кызматтан комментарий алууга мүмкүн боло элек. Укук коргоо органдары соңку айда бир нече жарандык активистти, журналисттерди суракка чакырды. Читать дальше...

Эл аралык футбол федерациясы - ФИФАнын мурдагы президенти Йозеф Блаттер алдыдагы алты жылда футболго аралашпайт. Бул тууралуу аталган уюмдун расмий сайты кабарлады. Блаттер бул ирет федерациянын эсебинен спорттук аткаминерлерге каражаттарды мыйзамсыз төлөп берген деп табылды. ФИФАнын эсебинен мыйзамсыз акча алгандардын арасында федерациянын мурдагы баш катчысы Жером Вальке да бар. Ага да алты жыл футболго аралашууга тыюу салынган. 85 жаштагы Йозеф Блаттер ФИФАны 1998-жылдан 2015-жылга чейин жетектеген. Читать дальше...

"Жоогазын ыңкылабына" 16 жыл толду. Аскар Акаевдин үй-бүлөлүк бийлигин кулаткан элдин нааразылыгы эмнеден тутанып, эмне менен аяктаганын эске салабыз. Жогорку сот Аида Салянованын "лицензия" ишин кайра кароого жөнөттү. УКМК Өмүрбек Бабановго карата иштерди жапты. Экс-премьер-министр жардам иретинде казынага 100 млн. сом төгөт.

Милиция Таластын “Чоң-Капка” көзөмөл өткөрмө бекетинин жанындагы тез татым жайында коронавирустун жасалма ПЦР анализдерин 1500 сомдон сатып жаткан шектүүлөр кармалганын билдирди. Талас облустук ички иштер башкармалыгынын басма сөз кызматы тараткан маалыматка ылайык, 18-мартта шектүү иштетип жаткан тез татым имаратын тинтүү учурунда жасалма ПЦР тесттер табылган. Бул ишке тиешеси бар делген дагы бир 18 жаштагы шектүүнүн үйү тинтилип, НР үлгүсүндөгү ноутбук жана принтер алынган. Шектүү Саламаттык... Читать дальше...

Дүйнөлүк банктын Кыргызстандагы өкүлчүлүгүнүн башчысы Навид Хасан Накви «Азаттык» радиосуна берген интервьюсунда былтыр коронавирус убагында Кыргызстанга берилген жардам, алардын бөлүштүрүлүшү, экономиканын абалы, жакырчылыктын деңгээли боюнча суроолорго жооп берди. - «Азаттык» радиосуна «Дүйнөлүк банк Кыргызстанга 17-19 млн. доллар жардам берүүнү сунуштаса өкмөт документ даярдоо иштерин кечеңдетип, каражатты ала албай жатыптыр» деген маалымат келип түштү. Муну «октябрь окуялары» козгогон саясий... Читать дальше...

Кыргызстандын Беларустагы элчиси Эрмек Ибраимов ал өлкөнүн Транспорт жана коммуникация министрлигинин Авиация департаментинин директору Артем Сикорский менен жолугушту. Тараптар эки мамлекет ортосунда түз аба каттамдарын ачуу жана кызматташтыкты талкуулашты. Бул тууралуу Кыргызстандын Тышкы иштер министрлиги маалымдады. Маалыматка ылайык, элчи Ибраимов «Avia Traffic Company» компаниясы тарабынан Бишкек – Минск – Бишкек жана Ош – Минск – Ош маршруту боюнча үзгүлтүксүз эл аралык аба ташууларды... Читать дальше...

Кыргызстандын Коргоо министрлиги Баткен, Ош жана Жалал-Абад облустарынын аймагында “Коопсуздук-2021” жана “Калыптандыруу-2021” деп аталган машыгууларды өткөрөт. 1-апрелден 3-апрелге чейин өтүүчү аскердик машыгууга даярдык башталганын Коргоо министрлигинен кабарлашты. Бул машыгууда өлкөнүн айрым аймактарында аскердик жана өзгөчө абал киргизилген шартта аскер органдары менен жергиликтүү бийликтин бирге иштешүүсү, мобилизациялоосу сыяктуу тапшырмалар иш жүзүндө аткарылат. Аскердик иш-чарага эки миңге жакын киши катышып... Читать дальше...

Украина ондогон орусиялык аткаминерлер менен компанияларга санкция салды.

Кыргызстанда коронавирус эпидемиясынын эң оор учурундагы абал тууралуу баяндаган электрондук маалымат ресурсу түзүлдү. "COVID-19 кыргызстандыктардын үнү менен" электрондук китебинде пандемиянын экономика, билим берүү, жалпыга маалымдоо каражаттары, медицина тармактарына жана катардагы жарандарга тийгизген таасири жөнүндө жүздөн ашуун маек бар. Маектерди журналисттер Бактыгүл Чыныбаева жана Кайыргүл Урумканова жүргүзүп, топтошкон. Бул сайттан “кызыл зонада” иштеген адамдардын, оорудан сакайып чыккандардын... Читать дальше...

Алга Кылычев 19-мартта "Азаттыктагы" маегинде абактагы үрөй учурган окуяларды ачыкка чыгарып, бийликтеги бир нече адамдын атын атап, "өлүмдөн башканын баарын көргөнүн" айткан.

Израилде экзит-поллдун жыйынтыгы боюнча премьер-министр Биньямин Нетаньяхунун “Ликуд” партиясы алдыга чыгышы мүмкүн. Өлкөнүн ири үч телеканалы жүргүзгөн сурамжылоо боюнча “Ликуд” 120 орундуу парламентте 53-54 мандат алышы ыктымал. Бирок бул жыйынтык өкмөттү өз алдынча куроого мүмкүнчүлүк түзбөйт. Ошондуктан Нетаньяху 12 жылдан бери ээлеп келе жаткан премьер-министрлик кызматын узартуу үчүн Нефтали Беннаттын “Ямина” партиясы менен коалиция боюнча сүйлөшүүлөрдү өткөрүшү керек. Сурамжылоолор боюнча... Читать дальше...

Жогорку Кеңештин 24-марттагы жыйынында депутат Жанар Акаев электр энергиясына байланышкан маселени көтөрдү.  Ал энергетика жана өнөр жай министри Кубанычбек Турдубаевге жарыкка болгон чектөөлөр алынабы деген суроо менен кайрылды: “Садыр Жапаров электр энергиясына болгон чектөөлөр жазында алынат деди эле. Жаз келгенине бир ай болду. Нарындыктар күтүп жатат. Качан чечилет?”. Турдубаев  буга “жаңы тарифтик саясатты даярдап, он күндүн ичинде өкмөткө киргизгенге аракет кылабыз”, - деп жооп берди.... Читать дальше...

Президенттин басма сөз катчысы Галина Байтерек Каржы полициясынын мурдагы жетекчиси Сыймык Жапыкеевге «Финансы полициясынын генерал-майору» жогорку атайын наамы ыйгарылышы тууралуу маалымат берди. Бүгүн, 24-мартта таратылган маалыматка караганда, президенттин жарлыгы менен мамлекеттик органдардын жетекчилик кызмат орундарынын жана тиешелүү жогорку атайын класстык чиндердин жана атайын наамдардын тизмеси бекитилген. Галина Байтерек “Бул жарлык менен Финполдун төрагасына "Финансы полициясынын генерал-майору"... Читать дальше...

Энергетика жана өнөр жай министри Кубанычбек Турдубаев 24-мартта Жогорку Кеңеште депутаттардын суроосуна жооп берип жатып  "Токтогул ГЭСиндеги суунун көлөмү кооптуу чекке жетти" деп билдирди. “Кооптуу чектен чыгыш үчүн 1 миллиард кВт саат электр энергиясын сырттан алып келишибиз керек эле. Бул боюнча Казакстан, Өзбекстан менен сүйлөшүүлөрдү жүргүздүк. 1-марттан баштап электр энергияны тыштан ала баштадык. Бүгүнкү күндө 120 миллион кВт саат электр алдык. Мындан тышкары, сууну өз деңгээлине чыгаруу... Читать дальше...

Врач-кардиолог, саламаттык сактоонун отличниги Күмүшбек Алтыкеев 2020-жылдын 16-июлунда өпкөсүнөн кагынып, өзү иштеген Бишкек шаардык №1 клиникалык оорукананын жандандыруу бөлүмүндө кайтыш болгон. Ал иш үстүндө коронавирусту жуктуруп каза болгон Кыргызстандагы 104 медицина кызматкеринин бири. Анын ысымы өзү жашаган Бишкектин четиндеги Комсомол айылындагы фельдшердик жана акушердик пунктка берилди.

Бирмада аскердик хунтага каршы демонстрациялар учурунда камалган жүздөгөн адамдар бошотулду. 24-мартта Рангун шаарындагы түрмөдөн адамдар эркиндикке чыкканын жергиликтүү маалымат каражаттары жазып чыкты. Аскердик бийлик бул боюнча расмий комментарий бере элек. Түштүк-Чыгыш Азиядагы бул өлкөдө быйыл 1-февралдагы аскердик теңкөрүштөн бери демонстрациялар токтобой жатат. Аскердик хунта Нобелдин Тынчтык сыйлыгынын ээси Аунг Сан Су Чжи баш болгон бийликти кулатып, камакка алган. Өлкөдөгү демократиялык... Читать дальше...

Бишкек шаарынын Октябрь райондук соту бүгүн, 24-мартта блогер Элмир Сыдымановду актаган өкүм чыгарды. Бул тууралуу "Азаттык" радиосуна анын адвокаты Али Магеев билдирди: "Прокуратура айыптоосунан баш тартып, менин жактоомдогу адамдын иш-аракетинде кылмыш жок экени айтылып, сот аны актаган өкүм чыгарды. Ал акталды". 10-мартта Башкы прокуратура блогерге койгон айыбынан баш тарткан жана "Соттук-лингвистикалык экспертизанын корутундусуна ылайык Сыдымановдун аракетинде аймак аралык кастыкты (араздашууну) козутууга... Читать дальше...

Конституциянын жаңы долбоору боюнча референдумду колдогон жана каршы чыккан топтор 25-марттан тарта мамлекеттик телеканалдар аркылуу үгүт иштерин баштайт. Баш мыйзамдын жаңы долбоорун колдоого жана ага каршы үндөй турган үгүт топтору Борбордук шайлоо комиссиясында (БШК) расмий каттоого алынып, алардын мамлекеттик телеканалдар аркылуу эфирге чыгуу убактысы аныкталды. 25-марттан тартып алар Коомдук телерадио корпорациясы (КТРК) жана «ЭлТР» телеканалдары аркылуу алгач өз-өзүнчө, ал эми референдумга жакындаганда дебат түрүндө үгүт жүргүзүшөт. Читать дальше...

Кыргызстанда муфтиятты ажылыкты уюштуруунун техникалык милдеттеринен ажыратуу боюнча сунуштар айтылып жатат. Бул тууралуу 24-мартта “Азаттык” радиосуна Аалымдар кеңешинин мүчөсү Марс Ибраев билдирди. Анын айтымында, мындай пикирин кеңештин айрым мүчөлөрү 11-февралда, ошол кездеги муфтий Максатбек Токтомушевдин кызматтан кетүү тууралуу арызы каралган жыйында билдиришкен. Ибраев белгилегендей, муфтиятка ажылыктын квотасы боюнча сүйлөшүү жүргүзүү, ажы башчыларын тандоо сыяктуу гана милдеттерди калтырып... Читать дальше...

Кыргызстан менен Өзбекстандын мамлекеттик чек арасын делимитациялоо жана демаркациялоо боюнча өкмөттүк делегациялардын сүйлөшүүсү башталды. Бул тууралуу кыргыз өкмөтүнүн сайтына жарыяланды. Ташкентке Кыргыз делегациясын жетектеп барган Улуттук коопсуздук боюнча мамлекеттик комитеттин (УКМК) төрагасы Камчыбек Ташиев Өзбекстандын өкмөт башчысы Абдулла Арипов төрөгалык кылган кеңешменин жүрүшүндө  чек аранын калган тилкелерин делимитациялоо маселеси талкууланат. Кыргызстан менен Өзбекстан ортодогу мамлекеттик чек ара маселесин жакын арада... Читать дальше...

Бир нече күндөн бери элге чыкпай жаткан Тажикстандын президенти Эмомали Рахмон 24-мартта Хатлон облусуна иш сапары менен барды. Президенттин басма сөз кызматы “аймактагы абал жана эгемендик күнүнө карата даярдык менен таанышуу үчүн барганын” кабарлады. Рахмондун бул сапары ал 10-марттан бери эл алдына чыкпай, ден соолугу начарлаганы тууралуу сөздөр тараган учурга туш келди. Президент Хатлон облусуна 22-мартта эле барары жарыяланып, бирок белгисиз себептерден улам башка күнгө калган эле. Мындан... Читать дальше...

Кыргызстандын Жалал-Абад облусуна караштуу Аксы районундагы “Кербен” аба майданы түрк инвесторунун жардамы менен реконструкцияланып, аны кеңейтүү иштери жүрмөкчү. Бул тууралуу “Манас” аба майданынын интернет барагында 24-мартта жарыяланды. Маалыматка ылайык, мекеме Жалал-Абадда алтын кен иштеткен “Эти Бакыр Терексай” ишканасы менен макулдашкан. “Эти Бакыр Терексай” ишканасы “Кербен” аба майданын модернизациялоого өз ара пайдалуу шартта  жана менчик түрүн өзгөртүү укугусуз түз инвестицияларды салуусу күтүлөт. Читать дальше...